تحياتي لحضرتك يا أستاذ موحا
.........
في أسطوره في مصر بتقول ان العربيه دي بتقلب بسرعه
ايه صحة الكلام ده
ولو هقارن بينها وبين سكودا فابيا أو بيجو 206 .. تنصحني بإيه ؟؟
وشكرا جداااااااا على التقرير الأكثر من ممتاز
عرض للطباعة
تحياتي لحضرتك يا أستاذ موحا
.........
في أسطوره في مصر بتقول ان العربيه دي بتقلب بسرعه
ايه صحة الكلام ده
ولو هقارن بينها وبين سكودا فابيا أو بيجو 206 .. تنصحني بإيه ؟؟
وشكرا جداااااااا على التقرير الأكثر من ممتاز
يا جماعة أنا بقارن بين التريوس 99 2000 وفيات بونتو 2000 2004 يا ريت ال جرب العربيتين او إحداهما يفيدني ضروري
بارك الله فيك أخي الكريم mo7a_mo7a
لقد استفدت كثيرًا من هذا الموضوع لأني بعت سيارتي اللادا القوية ومقبل على شراء سيارة أخرى... أنا الحمد لله عندي خبرة بسيطة في العربيات وأعرف أشوف أساسياتها لكن في التريوس مفهمش فيهم أوي إلى أن قرأت هذا الموضوع والحمد لله زادني خبرة ولكن في السعر ميييييييح
أنا قدامي سيارة تريوس 1999 مانيوال زجاج يدوي بالكامل هي مكيفة وتكييفها تمااام فبريكة دواخل وخوارج وموتورها ناعم جدًا هو كان فيه زيت مرشح من أعلى الفتيس ولما سألته عليه قال لي أنه راح التوكيل وعمل تسريب الزيت ده وللعلم هو بيقول لي أن العربية صيانتها بالكامل بتتعمل في التوكيل وليها ملف كامل هناك وصاحبها معتز بها لأنها معاه من الزيرو وعايز فيها 48000 ألف أنا حاسس أن السعر ده غاااالي شوية وأنا باتفاوض معاه على 45000 ألف ومش موافق فإيه رأيك أخي الكريم ولك جزيل الشكر
وآسف على الإطالة
الحمد لله ربنا أكرمني واشتريت التيريوس 1999
ولي الشرف أني انضم لمحبي التيريوس
وأنا شخصيًا معجب بها من زمااان وكان نفسي اقتنيها
لي كام سؤال وقلت لازم أسأل خبراء التيريوس بموقعنا المفضل نايل موتورز
الأخ العزيز mo7a_mo7a
حضرتك زكرت عن زيت التروس...
تحتوي السيارة علي عدد 2 كرونة خلفية وامامية وجهاز نقل حركة وعلبة تروس وبالتالي فهي تحتاج حوالي 6.25 لتر زيت تروس
السؤال بقى؟؟؟
هي كمية الزيت إللي حضرتك ذكرتها دي إجمالي زيت الفتيس والـ 2 كرونة؟؟؟
السؤال الثاني: أنا أعرف أن مكان تزويد زيت الفتيس غير المكان إللي بنزود منه زيت الكرونة في عربيات الدفع الخلفي مثل الشاهين والبولونيز والـ 132.. الخ... هل التيريوس لها مكان واحد بس بنزود منه زيت الفتيس والكرونة مع بعض مرة واحدة؟؟؟
صاحب العربية قال لي أنه كان بيحط زيت موتور (مصر 1) هل أفضل على الزيت ده ولا أغير لتعاون XPL
آخر سؤال المفروض أزود مياه الردياتير من الردياتير أم من قربة المياة... لأن صاحبها بيقول لي أنه كان بيزود المياة في الردياتير على طول كل فترة كبيرة؟؟
وآسف أني طول عليكم وسامحوني أني جديد في موضوع الياباني
اولا انا سعيد بمرورك الكريم
ثانيا تسريب الزيت ده من جهاز اسمه المبدل راكب في ظهر المكنة وهو بياخد اشارة من عمود الكامات علشان يبدل الكهرباء علي البوجيهات كل القصة انه يتفك ويتحط علي الجوان بتاعه سيليكون حراري وخلاص الحكاية اتحلت ان شاء الله لان العيب ده نتيجة ان الجوان بتاعه بينشف ومفيش منه جديد
بالنسبة للسعر لو العربية كويسة فعلا فالسعر مناسب مش غالي ولا حاجة
تحياتي
العضو الفاضل Magenta بداية بارك الله لك واعطاك خيرها ومنع عنك شرها ان شاء
السؤال الاول = نعم الرقم اجمالي كمية الزيت
السؤال الثاني = الفتيس له طبة منفصلة والكرونة الخلفية طبة منفصلة ولا يوجد اتثال بين الاثنين
الاتصال الوحيد بين الفتيس والكرونة الامامية او لاكون دقيق الجهاز الفرقي الامامي وهو ما يعرفه الفنيين بفتيس الغرز
السؤال الثالث= لاكثر من سنة الان استخدم زيت فيسكو من شركة برتش بتروليم وهو متوفر في محطات تزويد الغاز وكفاءته ممتازة وصناعته انجليزي او اماراتي
زيت التعاون اصبح قليل في السوق واحيانا يتم غشه
تقبل تحياتي
السلام عليكم قدامي تريوس 98 مغيرة موتورها بموتور تويوتا 1600 والتكيف بايظ زجاج يدوي السعر كام واشتري ولا لا الموتور الجديد كاربراتير و بالفتيس والقديم موجود كامل بس محتاج عمرة رشة برة أجزاء عدا السقف
السعر يكون كام؟ واشتري ولا لا؟
محدش ناوي يرد؟
الحمد لله اشتريت تيريوس 2000 أوتوماتيك الرياضيه فابريكة جوه رحت بره الحاله العامه جميله السعر 47000 الف ايه الحاجات اللي اعملها
سيرفس كامل
زيوت
بوجيهات
فلاتر
سيور
هي العربية دي اللي هي 1300 موتورها على سير تقسيمة ولا كاتينة جنزير ؟؟
زجاج تيريوس 2000 امامي ب 325ج من عند جريش العاشر
mo7a_mo7a
انا معايا عربية كيا برايد سيدان اتوماتيك وعاوز اغير واجيب التريوس الاتوماتيك بس مش عارف اجيب موديل كام وعاوز اعرف احسن محل قطع غيار جديد واستيراد اتعامل معاه ولو تعرف حد كويس في التوفيقية او العاشر يبقي تمام . انا قرأت كل تعليق من اول البوست . بس عاوز اعرف اسعار قطع الغيار اللي بنغيرها باستمار . ( كبالن . مساعدين . تيل فرامل . علبة دركسيون . وياريت لو تعرف اسعار تانية قولي )
وياريت تقولي رأيك . هل دة قرار صح اني اغير للعربية دي ولا لما هجيبها هندم وهدوخ علي قطع غيارها واسعارها العالية ... وشكرا مقدما
في العربية دي من النادر انك تغيير كبالن
علبة الدريكسيون مش موجودة في التريوس اصلا متنساش ان بتتكلم عن عربية 4*4
التيل انا لسة شاريه ياباني 150 وفي كوري 130 -90
فلتر بنزين ياباني 80 كوري 25
فلتر زيت ياباني 40 كوري 25
فلتر هواء ياباني 170 تيواني 45
مقص 375
بيض طرف 275
سير تقسيمة 90 ياباني
سير مجموعة 130 ياباني
تحياتي
انا طول عمري نفسي اجيب 4*4 ولو صغيرة حتي فيا ريت لو حد عنده واحده موديل 99 وتكون حالتها كويسه انا من الاسكندريه و تليفوني 01220980532 بس تكون في رينج التلاتينات
معليش انا لسة مشترى العربية جديد ومش فاهم اى حاجة من الزراير الى موجودة فى التابلوة ياريت لو حد يفهمنى معليش
لو سمحت يا mo7a أيهما أفضل تيريوس 2000 ولا فيرنا 2004؟؟ وتريوس 2000 اتوماتيك عاملة كام اليومين دول؟؟ وايه موضوع انها سهل تتطلب
متشكر جدا
ضروري تركب تيريوس من اي حد تجربها الاول قبل ماتشتري انا في العاشر من رمضان ونازل الحرفيين كمان كام يوم معايا تيريوس ٢٠٠٠ اوتو لو عايز تجرب عربيتي تحت امرك كلمني ونرتب بس تعزمني على كانز وبيبسي كمان مش كولا هههه
وبالمره انا نازل تشتري حاجات ليها تشوف ظروف قطع الغيار وتعرف اسعارها لو حابب
اخوك رامي
٠١٠١٨١٤٤٤١٦
استاذ رامي: انت راكبها بقالك كتير؟؟ وايه العيوب اللي فيها؟ وسعرها كام دلوقتي؟
راكبها بقالي سنه بالتمام والكمال
عيبها ان ماتورها صغير عليها اوي العربيه السرعه المتوسطه لا تزيد عن ٨٥-٩٠كم اكتر من كده صوت الماتور بيعلى اوي وتحس انك مش مرتاح والعربيه مش مرتاحه،انا جيبت بيها ١٣٠كم تمام وزي الفل علشان ماحدش يقول عربيتك فيها حاجه وعلى الطريق العدل لا ثبات ولا غيره العربيه زي الفل إنما بأه راكب جرار.
تكيفها كويس بس لازم المروحه على سرعة ٣ ودي صوتها عالي اوي.
استهلاك البنزين مش قليل مع انها ١٣٠٠ cc كان معايا تمبرا ١٦٠٠ موديل ٩٣ كان استهلاكها احسن من كده
سعرها حاله كويسه من ٤٦ وحتي ٤٩ الف وفيه ناس ضاربه سعر عجيب مش عارف ليه!!!
لو فيه حاجه تحت امرك
وياريت باقي الاعضاء يتفاعلوا جايز انا غلطان في حاجه ولا فيه حاجه في عربيتي القسم ده ماله كده.
ودي بردو من المشاكل اللي بتواجهني لو حصل في عربيتك حاجه صعب اوي تلاقي حد يرد على طول مع العلم ان فيه ناس هنا بصراحه فاهمين جدا ونلتمس لهم العذر بس انا برضوا طلبت من احدهم تليفونه لو فيه حاجه اسألوا ما اعطاهوش ليا وقالي لو فيه حاجه من خلال المنتدي!!!!! مش عارف!!!! فبتضطر تجرب الصنايعيه اللي هما اصلا مايعرفوش حاجه او تروح الحرفيين اللي هما فاهمين بس غاليييييين
عايز اعرف معلومات عن موديل 2010
برجاء احياء المواضيع المهمه والمفيده دي
تحياتي للجميع ..... انا امتلك تيريوس 4*4 موديل 2000 منذ سنوات وقاطعة فقط 80000 كم ,,, بها مشكلة لم اجد لها حلا ارجو مساعدتي وهي كالتالي ... السيارة كصيانة رائعة لم تدخل الى كراج تصليح سوى للصيانة العامة . مصروف البنزين خرافي لا تقطع اكثر من 6 كم/ لتر في المدينة و 8كم/ لتر في الطرق الخارجية ناقل الحركة اتوماتيكي .... فحصت الامور التالية بسبب الاستهلاك الكبير للوقود :
1- تغيير شمعات الاحتراق باخرى حسب الرقم الموجود بالكاتالوج وكذلك اسلاك البواجي .
2-معايرة الاطارات حسب الكاتالوج
3- معايرة الصبابات ( الكاتيهات ) حسب الكاتالوج .
4- تغيير الثيرموستات .
5- تغيير احتياطي لسنسور الاكسجين .
6-فك وتنظيف فخارة البيئة.( كانت جيدة )
7-فك وتنظيف ومعايرة بخاخات البنزين
8- فك و تنظيف و صيانة الثروتيل .
9- فحص جميع الحساسات بالكمبيوتر و بالاميتر يدويا وكلها ذات نتائج ممتازة وكان ذلك في وكالة السيارة .
10- تغيير فلتر الهواء والبنزين وزيت المحرك وفلتر الزيت دوريا .
11- معايرة سنسور الكامات .
ملاحظة اندفاع السيارة وسرعتها في الطرق المستوية جيدة جدا ولكن في المنحدرات ضعيفة جدا .
تم القياس لعدة الاف الكيلومترات بتعبئة الخزان كاملا وبحساب الكيلوات المقطوعة بعد التعبئة القادمة كاملة والنتائج كما هي لا تحسن في الاستهلاك
ارجو افادتي افادكم المولى
هل عربيتك كان استهلاكها قليل وزاد؟
انا معايا نفس العربيه تيريوس 2000 اوتوماتيك واستهلاكها عالي وغيرت كل حاجه وباعمل كل الصيانات واسأل الميكانيكي بتاعي يقولي هي كده مظبوطه
تحياتي للجميع .... السيارة بحوزتي منذ ثلاثة سنوات وهي تستهلك الوقود بشكل كبير دائما ... الامر الغير مفهوم ان مواصفات السيارة والتعليقات من المالكين وخاصة الاوروبيين تقول بان معدل استهلاك الوقود ما بين الطرق الخارجية وداخل المدينة لا تقل عن 13 كم / لتر اي ان فل التنك والبالغ 46 لتر تقطع في الحد الأدنى 600 كم وسيارتي لا تقطع في الفل اكثر من 330 كم تقريبا نصف المنصوص عليه ... مع العلم بان نتائج فحص المركبة شاملة وقاطبة تدل بان لا عيوب بها وهذا ما يريبني ؟؟؟؟ اذا هنالك اي تفسير اكون من الممتنين
وشكرا جزيلا