السلام عليكم أستاذ موحا ...ارجوا من سيادتك افادتي افادك الله ...اريد شراء سياره لزوجتي ومحتار بين التريوس مو2000 اتوماتيك وبين الاكسكلوجن مو2004 اتوماتيك فأيهما تفضل مع العلم ان هذه اول سياره لزوجتي وخبرتها في القياده ضعيفه وفي الميكانيكا معدومه
عرض للطباعة
السلام عليكم أستاذ موحا ...ارجوا من سيادتك افادتي افادك الله ...اريد شراء سياره لزوجتي ومحتار بين التريوس مو2000 اتوماتيك وبين الاكسكلوجن مو2004 اتوماتيك فأيهما تفضل مع العلم ان هذه اول سياره لزوجتي وخبرتها في القياده ضعيفه وفي الميكانيكا معدومه
استاذ موحا ... السلام عليكم
اجب اشكرك جدا على المجهود المبذول فى الموضوع و ربنا يجعله فى ميزان حسناتك ... وبعد اذنك كنت عاوز استفيد من رايك فى الاتى :
1- بفكر فى سياره لزوجتى اول سياره عاوزها اوتو وتكون حنينه فبقارن بين الاتى .. تريوس 2000 ... ميرا 2000 ... سيريون 2004 ... جيلى باندا 2010 ....من رايك انهى افضل من ناحيه الاعتماديه و توافر قطع الغيار و خلوها من المشاكل
2- هل فيه ميكانيكى و كهربائى متخصصين فى الدايهاتسو فى الاسكندريه ؟؟
3- بالنسبه لقطع الغيار هل هى متوفره .. والاقيها فين فى اسكندريه ؟؟
4- هل لو اتزنقت فى قطع غيار ممكن اروح التوكيل ولا مالوش دعوه بالموديلات القديمه دى ؟؟
اخيرا ارجو من حضرتك تشوف لينكات اعلانات السيارات دى لو عندك اى نصيحه
https://egypt.dubizzle.com/ar/alexan...xzZSZwYWdlPTc=
https://egypt.dubizzle.com/ar/alexan...xzZSZwYWdlPTg=
سيارات مستعملة | دايهاتسو | تيريوس | 1300 سي سي | موديل سنة 1999 - ContactCars.com
سيارات مستعملة | جيلي | باندينو | 1300 سي سي | موديل سنة 2010 - ContactCars.com
اسف على الاطاله ... والف شكر لحضرتك وجزاك الله كل خير
وعليكم السلام ورحمة الله وبركاته
اخي الكريم طبعا بدون تفكير التريوس حتي لو انتاج 97 مش 2000
احسن .. اقوى .. اكثر امانا من الاكسبلوجن
الاكسبلوجن عربية صيني بالكامل والبياعيين بيكدبوا وبيقولو انها فيها موتور ياباني متسوبيشي 1600 وانه اقوى من بتاع التريوس
والحقيقة انه مش ياباني ومش متسوبيشي ده موتور صيني 100% ومكتوب عليه متسوبيشي
زي ما حضرتك بتلاقي تيشيرتات رياضية بتتباع علي الرصيف ومكتوب عليها اديداس وبوما
العربية الاكسبلوجن مش 4*4 ولا دفع خلفي هي جر امامي وده لا يقارن بالتريوس
الخلاصة العربية الياباني لا تقارن بالصيني ولكن اهم حاجة الكشف عند متخصص وان الحالة تكون كويسة علشان متتعبكش
خالص التحية
وعليكم السلام ورحمة الله وبركاته
اخي الكريم اسعدني ردك وايضا رسالتك فثقتك في رايي اشكرك عليها وارجوا ان اكون اهلاً لها
بالنسبة لاستفسار سيادتك
واضح ان كل ما يجمع السيارات الاربع التي ارسلتها لي هو السعر (حدود 40-45 الف)
وهو تفكير ممتاز ان تحدد سقفاً للشراء ولكن...
السوق المصري اعوج واعرج واحول فسبحان الله تجد ان السريون 1000 سي سي فقط 3 سيليندر بسعر التريوس 1300 رغم ان السيارتين ياباني
وتجد ان السيارة الصيني جيلي بنفس السعر
طبعا سنة الانتاج تفرق لكن الاوضاع في سوق السيارات غريبة
بالنسبة للاستفسارات:
اسمحلي استبعد الجيلي لانها صيني وانا شخصيا ركبت سيارات كتير جوة وبرة مصر وحكاية العربية الصيني دي مش داخلة دماغي رغم اني اتعاملت معاها عن قرباقتباس:
1- بفكر فى سياره لزوجتى اول سياره عاوزها اوتو وتكون حنينه فبقارن بين الاتى .. تريوس 2000 ... ميرا 2000 ... سيريون 2004 ... جيلى باندا 2010 ....من رايك انهى افضل من ناحيه الاعتماديه و توافر قطع الغيار و خلوها من المشاكل
لان السيارة الصين ضعيييييفة جدا اكثر مما تتصور ولن تتاكد مما اقول الا بالتجربة ولا انصحك بها
الميرا والسريون لا تصلح لعائلات ستكون مناسبة ان كانت زوجتك الفاضلة تتنقل بمفردها او بصحبة اطفال صغالر دون سن العاشرة
مميزاتها (موفرة في الوقود - سهلة الركن - مناسبة للسيدات)
عيوبها (قطع غيار قليلة نوعاً - ضعيفة نسبيا - لا يمكن استخدامها في السفر او المسافاتت الطويلة)
التريوس عربية جيدة ومحركها متوسط الحجم مناسب وموفر
المميزات (ارتفاع عن الارض مناسب جدا للطرق المصرية - قوة تحمل اعلى من معظم السيارات الاخرى - جلسة السائق والركاب مريحة - مناسبة للمسافات الطويلة)
العيوب (الصالون ضيق الي حد ما - الاحساس بالمطبات - بعض قطع الغيار مرتفعة الثمن واولها الاطارات)
في كتييراقتباس:
2- هل فيه ميكانيكى و كهربائى متخصصين فى الدايهاتسو فى الاسكندريه ؟؟
العفشة ممكن اي عفشجي جيد يضبطها بسهولة
الكهرباء سهلة ولا توجد تعقيدات
الميكانيكا فيما يخص الصيانة العادية(تغيير زيت 0 بوجيهات - فلاتر - سيور - ...الخ) يمكن لاي ميكانيكي جيد العمل عليها
اما الصيانات الكبيرة (تغيير طقم الدبرياج مثلا) تحتاج لميكانيكي متخصص في الياباني خاصة ان كانت السيارة دفع رباعي وهم متوفرون في الاسكندرية بالاظاريطة والسيوف
نعم متوفرة وبشكل كبيراقتباس:
3- بالنسبه لقطع الغيار هل هى متوفره .. والاقيها فين فى اسكندريه ؟؟
الاستيراد:
علي نجم: ش صلاح الدين بوسط البلد
البهنسي: ش صلاح الدين بوسط البلد
بطة: السيوف
محمد : السيوف
محلات كثر بالاظاريطة
قطع الغيار الجديدة
ياسين: فلمنج علي الترام
الدكتور: سيدي بشر امام الامن المركزي ش سيف
العمدة: سيدي بشر امام الامن المركزي ش سيف
الي جانب معظم محلات قطع غيار الياباني
ملحوظة هامة:
معظم قطع الغيار المستهلكة ( بوجيهات - فلاتر - سيور - ...الخ) مشتركة مع سيارات يابانية اخري مثل الكرولا 1300 وبالتالي فهي متوفرة بكثرة
انا شخصاً لا ازال اقوم بالصيانة بالتوكيل حتي الان وسبق لي شراء قطع غيار من االتوكيل كان اخرها مساعدين امامي اصلياقتباس:
4- هل لو اتزنقت فى قطع غيار ممكن اروح التوكيل ولا مالوش دعوه بالموديلات القديمه دى ؟؟
كما ان بعض المستوردين المتعاقدين مع التوكيل يستوردون قطع الغيار الاصلية باختام الشركة حتي الان وقد اشتريت طقم دبرياج كامل مؤخراً اصلي الخاص بالشركة
ارجو ان اكون قد افدتك
تحياتي
رد رااائع ومنظم ... جزاك الله كل خير عليه وفعلا استفدت منه جدا
قررت فعلا الغى فكره الصينى ... بالنسبه للعربيه هتبقى استخدام عربيه تانيه والاطفال صغيرين فمش فارق معايا موضوع الوسع او المسافات الطويله لان استخدامها كله ان شاء الله هيبقى مشاوير صغيره .. بس اللى مهتم بيه حجم صغير لسهوله الركن .. اما موضوع ندره قطع الغيار هو ده اللى مخلينى لسه حاطط التريوس فى دماغى .. عامه انا كنت مستنى رأى حضرتك علشان اتصل باصحاب الاعلانات وعامه حاله العربيه هى اللى هتحدد ان شاء الله ...
بس استأذنك تعرف حد اروح اكشف على العربيه عنده خاصه الموتور و الفتيس الاوتو ؟؟؟ عارف انى متقل عليك بس معلش اعذرنى مفيش قدامى حد تانى
مقدرش انصح حضرتك بحد معين في الحكاية دي
الافضل انك تحتار ميكانيكي ثقةعلشان ميبيعكش للطرف التاني
او لو عند حضرتك شوية خبرة او تستعين بصديق حيكون افضل
وبشكل عام تقدر تحكم علي الموتور الجيد من صوته الناعم المنتظم وميكنش بيدخن مع القرص عليه
تحياتي
تحياتى لحضرتك ... وألف شكر على سرعه الدر ... جزاك الله كل خير
السﻻم عليكم استاذ موحا
عندي استفسار بعد اذنك انا بقارن بين تيريوس 2000 و بين بروتون ويرا 2005 ﻷنهم في نفس السعر
احب اعرف رأي حضرتك و اللي عليه ان شاء الله هقرر
اشكرك لسعة صدرك
لو افترضنا ان العربيتين كويسين
خد التريوس طبعا
بعد اذن حضرتك كنت عايزه اعرف رايك في تيريوس 2014 وهي افضل ولا كيا سول ؟؟؟