انا عاوز بدلة شيك فى حدود 700 او 800 جنيه
قريت على النت ناس كتير بيقولوا انزل اكتوبر او العاشر
ياريت حد يقولى المحلات الكوبسه اللى ممكن اروحها
عرض للطباعة
انا عاوز بدلة شيك فى حدود 700 او 800 جنيه
قريت على النت ناس كتير بيقولوا انزل اكتوبر او العاشر
ياريت حد يقولى المحلات الكوبسه اللى ممكن اروحها
كونكريت في 6 اكتوبر المنطقة الصناعية الاول او الثانية تقريبا
المعرض هناك عليه تخفيض كبير عن المحلات في وسط البلد وحاجتة كويسة جدا
بس اسعارة عالية شوية ممكن تلاقي في حدود 800ج
بص يا mahmoud انا دايخ على النت بقالى يجى 5 ساعات علشان اشوف احسن مكان اشترى منه
مش عارف انزل اكتوبر والا العاشر
ولو نزلت مش عارف ايه احسن المحلات اللى اروحها
انت تنصحنى اروح فين
انا عاوز البدلة مابين 600 و800 جنيه
وانا خايف مثلا زى ما انتا قلت انروح كونكرت و ملقيش مقاسى لان رفيع اوى
يبقى انا طخييييييييييت المشوار ده على الفاضى
انا لسة جايب بدلة من العاشر من رمضان ب 700 جنية وهناك هتلاقى مقاسك ان شاء الله لان عندهم مقاسات مختلفة
طب ياريت يا مصطفى تقولى جبتها منين من العاشر
وانتا ايه رايك انزل العاشر احسن ولا اكتوبر
انا قريت الموضوع ده بتاع العضو hassan -khalil
سمحوا لي أحد تجربتي في موضوع العاشر ..
* العاشر و اكتوبر علي قدم المساواة في موضوع شراء الهدوم .. اللي موجود هنا موجود هناك
*كونكريت و براندز... الاتنين شركة واحدة .. لكن فيه فرق في الخامة و جودة التصنيع ... بدل كونكريت غالية شويتين .. البدل من 800 و انت طالع .. و بيبقي فيها حوالي 15 او 20% عن المحل ...
و عموما كونكريت اللبس ( الاولي ) بيقي فيه حوالي 20% عن المحل .. و الفرز ( الديفوه ) بيكون فيه حوالي 35- 40 % عن المحل
* جولدن تكس .. في الشارع اللي ورا كونكريت مباشرة ... دورين .. الدور العلوي بدل و قميص و جاكيت و بالطو رجالي .. الدور السفلي تيشرتات و مفارش و بيجامات و ملابس داخلية رجالي
البدل هناك في متوسط 450-650.. و عندهم ماركات زي بيير كاردان و غيرها .. و بصراحة مش عارف حقيقة هذه الماركات و كونها اصلية او لأ
* عرفه جروب.. بعد النساجون الشرقيون امام محطة الكهرباء ... يشمل اديداس و ديادورا .. و الدور السفلي فيه هوا هوا منتجات جولدن تكس .. و بعض الماركات الاخري...
*دايموند تكستايل ( لورنزو ) .. و ده تخش كأنك داخل العاشر و تاني ميدان يمين .. خلف كادبوري ... فيه 3 محلات .. محل للسمارت كاجوال ( قميص و بنطلون و جينز و جبردين .. و محل للبدل ( الدرجة الاولي ) و فيها حوالي 20% عن المحل ( البدل هناك في معدل ال 450 - 650 برضه ... و عنده ماركتين : لورنزو .. و فان روسي و دي اغلي شوية من لورنزو لفرق الخامة فقط.. و محل للفرز و البواقي ( بتبقي ارخص من المحل
عندهم ترزي يظبطلك اللي انت عايزه .. و يديهولك في نفس الساعة .. و كله بتمنه
*داليدرس... ده محل جوه العاشر .. ادي ظهرك لموقف الميكروباص ( الاردنية ) و امشي طوالي حتلاقي صيدناوي .. هو خلف صيدناوي و بي تي ام.. حتلاقي فيه بلوفرات كويسه و سويت شيرت و بنطلونات مش بطالة ... و فيه جزء حريمي كمان
-----
عذرا للاطالة .. و اتمني ان اكون قد أفدت
وبعد ما قريته قررت
بعد دوخه وحيرة قررت بعد ما قريت الموضوع
انى انزل العاشر بدل اكتوبر علشان حسيت ان هيبقى قدامى اختيارات اكتر
قررت انى هروح كونكريت وبراندز الاول ولو ملقتيش حاجة تناسبى هروح لورنزو
انا معايا 700 واخرى 800 ودى اول مرة اشترى بدلة ومبفهمش فى البدل نوهائى
تنصحونى بايه
خدمة اخيرة
انا ساكن فى اول مكرم وعمرى مارحت العاشر خالص
ياريت حد يقولى المواصلات اللى انا هخدها بالضبط
اركب ايه وانزل فين وكده
احسن واحد بتاع بدل فى مصر هو جورج ال فى وسط البلد بجوار مول طلعت حرب وبلدله مش غاليه بس بدل جامده موت
احسن مليون مره اكتوبر زباله بجد ولو لقيت حاجه نظيفه بتكون غاليه ومبالغ فى سعرها
اسعار جورج من 400 الى 800 تقريبا يعنى اسعار طبيعيه جدااااااااااااااا
روح وشوف واكيد هتحس بفرق بس خلى بالك هما 2 جورج بجوار بعض يعنى محلين واحد بتاع بدل الرجاله الكبار سنا وواحد بتاع الشباب
ممكن تنزل ميدان الاوبرا وعندهم بدل ماركات برضو و بيعملوا تخفيض
بصراحة يجماعة انا دماغى هتنفجر
اللى يقولى انزل اكتوبر
وفى ناس كتير بيقولوا مفيش زى العاشر
والاخ احمد بيقولى على جورج اللى جنب المول
والاخ حمدى بيقولى انزل الاوبرا
انا متشكر جدا على مساعدتكم
بس يجماعة
انا عايز اروح مكان واحد بس ايه احسن مكان
وامكانياتى 700 جنيه
والمكان الى هتقولوا عليه ان شاء الله هروحوا
انا ولا بنزل هنا ولا هنا.. لورنزو اللي ف أول البطل احمد عبد العزيز بجيب منه كل حاجتي حتى بدلة الفرح كانت من عنده.. والترزي عنده يعملك اللي انت عايزه
متابع باهتمام
بصوا منم الاخر
مصر فيها ترتيبه كده للبس الرجالي الكلاسيكي
علي راسهم عرفه جروب ديه احسن حاجه في السوق سعرا وخامه وتقفيل ودول معاهم ماركات كتير بكل الفئات السعره اللي تناسب الكل والفرق بيكون في نوع القماش و موديله ز غير كده التفصيله تقريبا واحده في الكل , كونكريت تبع المجموعه مش اكتر , المحلات اللي ذي جورج و موريس حنا , و احمد عيد وسير وسنيور اللي في وسط البلد دول كلهم بيعرضوا نفس الحاجه بنفس الاسعار الفرق بيكون في حجم المعروض بين المحلات وبعضها .
المعارض بتاعت العاشر او اكتوبر بتعرض نفس اللي في المحلات بس درجه تانيه او تخليص مواسم سابقه واسعارها مناسبه جدا بس عيبها انك ممكن تلاقي خاجه تعجبك متلاقيش مقاس منها غير كده انا انصح اي حد يروح ويتفرج وحيشتري .
لورنزا و دالي دريس و ماركو فيري وماا شابههم حاجتهم كويسه برضه لاكن مش يوصلوا لعرفه جروب وده عشان خامه الاقمشه المستخدمه عمرهم ما بيشغلوا عندهم خامات من مصنع جولدن تكس اللي المجموعه بتملكه وقماشه بيتصدر للخارج .
يتبقي تفضيلات الشخصيه عايز تشتري اولي انزل اي محل قريب من سكنك حتاخد اللي انت عايزه حابب توفر ومفيش حاجه معينه في دماغك انصحك بالعاشر واواكدلك انك حتنبسط وحتلاقي طلبك .
رايي ده مبني علي خبره شخصيه في هذا المجال تقترب من 15 سنه شغل .
شكرا
اكتوبر فاااااااااكس واضرب بجاز دلوقتي نصيحه فعلا انا نزلت يمكن 5 مررااات عشان اشتري بدله من هنااك لخطوبتي بس اكتشفت انه تبعااان اخر خاجه اكتوبر ممكن تلاقي فيه تي شيرت حلو مثلا او بنطلون لقطه يكون بولر بس دي صدفه لكن لو نازل تشتري فااااكس عشان متضيعش وقت بس
انا هاكلم على اللى جربته
لورنزو : المعرض فى المصنع فى العاشر فيه قسمين
درجة اولى وبيكون ارخص من محلاتهم فوق 400
درجة تانية : غالبا بتكون بواقى انتاج او موسم فات متوسط سعرها 400 جنيه
اللى اعرفه انهم الجمعة اجازة
تيد لاموند
ليهم معرض فى اكتوبر قرب ليلة القدر
فيه معرض الدرجة الاولى ده بيكون ارخص من محلاتهم ب 20% وهو انتاج الموسم الحالى
درجة تانية : اللى فيه عيوب للموسم الحالى والسعر حسب العيب وبيكون فيه رسم بيوريك العيب فين
بواقى : بيكون فيه بواقى المواسم اللى فاتت ، والسعر فيه من 300 الى 400 حسب الخامة
موريس حنا : بحب قمصانه اكتر
المهم اما تختار البدلة
يكون بفتحة من الضهر او اتنين لو مليان شوية
الكم لو طويل ، بيتقصر مش مشكلة
المهم الجاكت يكون وسعه مظبوط انا مبحبش توسيع وتضييق الجاكيت
جرب تحط ايدك الاتنين سوا قدام صدرك وبحيث كفك يكون بعيد عنه بحوالى شبر
وشوف الوسع بتاع البدلة
ميكونش الجزء الللى عند فتحة الجاكت على المؤخرة بعيد عن الجسم اوى
لو جيت بدرى شويتين كنت جبتلك معايا من تركيا
عموما روح cuff &collar
بصوا يجماعة انا عاوز بدلة زى دى بالضبط علشان اريحكوا
وده اللينك
http://i.telegraph.co.uk/telegraph/multimedia/archive/01398/pep-guardiola_1398077c.jpg
وانا عرفت انه بيقى اسمها slim cut
اخيراااااااا لقيت اللى انا عايزة
الاقى منها فين
هى دى الصورة
http://i.telegraph.co.uk/telegraph/multimedia/archive/01398/pep-guardiola_1398077c.jpg
[IMG]file:///C:/DOCUME%7E1/MOTSHA/LOCALS%7E1/Temp/moz-screenshot-2.png[/IMG]
بما انك ساكن فى مكرم اخطف رجلك ل السراج مول عمارة 3 تقريبا فى الدور الارضى, فى اتنين قدام بعض حاجتهم حلوة و اسعارهم كويسة انا جايب بدلة Slim ب 375 اختها باضبط كانت ب 600 عند مش فاكر اسمه ايه برده بتاع بدل مشهور فى عباس اللى قدام شارع جنينة الناحية التانيه .
من الاخر بدله نضيفه و سعرها مقبول يبقي جورج الي في وسط البلد بالذات المحل الي في النص لانهم 3 محلات بس غالبا معندوش سليم كت بس للامانه احسن الاماكن سعرا و جوده
اكتوبر بقي يا معلم سعر مقبول و اختيارات وااااااااااااااااسعه جدا لانهم اكتر من مكان بس لازم تروح مع حد عارف المكان لان المحلات كتير
العاشر رحتها مره و فكسانه اخر حاجه
انا نزلت ادور فى المحلات اللى جنبى فى مكرم واتبهدلت وملقتش قاسى ولما كنت بلاقيهكانت بتبقى حاجات فكسانه انا نازل بكره طلعت حرب ولو ملقتش حاجة هطير على العاشر
الحمد لله لقيت بدلة فى محل فى المهندسين اسمه
tie house
في محل أسمه u turn أمام نادي الصيد في المهندسين في شارع محي الدين ابو العز
شفت عنده بدل جامدة جداً فيهم واحد عجبتني كانت بـ 900 جنيه هي تركي
فيه عندنا في البدرشين مصنع الملابس كانت نازلة فيه عروض جميلة وتخفيضات.انا دخلت معرض الفرز الأول وشوفت البدلة السيلفانو ب 350 بدلا من 460 وبادلة كمان مش فاكر الماركة بتاعتها كانت ب 800 بدلا من 900 بس شكلها تحفة. بيعجبني هناك في المصنع إنك بتلاقي كل المقاسات.