الموضوع: أجدد "افتكاسة" في موضوع النمر الجديدة

المشاركة الأصلية كتبت بواسطة abo_hosni

المناظر دي بتغيظني لأبعد حد

حضرتك المنظر ده ولا حاجة

فيه بقى عربية تانية عندنا في المنصورة ، سيراتو بيضاء متفيمة سوبر دارك ومكتوب مكان النمر "اذهب إلى الجحيم" بس بالإنجليزي

وده سبب آخر لعدم شراء السيراتو (بهزر)

المشاركة الأصلية كتبت بواسطة dr-mohamed

ده حد ناقص عنده جنون العظمة
يعين النمر الجديدة اتعملت علشان ميبقاش فيه اي حد مميز
مصمم يخلينفسه مميز في كل وقت
مش كفاية لما يروح يدفع المخالفات مش هيدفع حاجة لا لازم يقرفنا كل شوية ويقول انا على راسي ريشة

للأسف ده الي بيتعلموا في كلية الشرطة

وعلى فكرة الي كان سايق شاب صغير ، يعني طالب أو بالكتير ملازم أول

المشاركة الأصلية كتبت بواسطة mahmoud5777

والله المفروض النمر دى تبقى متسريلة بطريقة معينه يعنى لو دخلنا التلات حروف والتلات ارقام دول على الكمبيوتر يجيب الرقم الناقص أو على الاقل يحصر الرقم فى 9 عربيات بعد كدة حسب المنطقة والمحافظة وموديل العربية ومكان المخالفة ممكن تحديد الرقم الاخير وتسجيل المخالفة

موش كدة برضو ولا أنا بحلم

يا باشا تحديد مالك العربية سهل خالص ، بس لو فيه رجالة في الداخلية

وهي على فكرة كريستالة زيتي

المشاركة الأصلية كتبت بواسطة grumby78

ماينقص المرور في مصر مش لوحات جديده بارقام ورموز
ماينقصها هو تفعيل القانون على الجميع سواسية
الواقع بيقول يغيروا اللوح او مايغيروهاش " النسر حافظ مكانه " !
لوحه باسم "انتا ماتعرفش انا مين؟"

لا فض فوك

المشاركة الأصلية كتبت بواسطة M.Osama

بس غريبه اوي مكان النسر ده ميكفيش يغطي رقم كامل !! بس في رقم ناقص اكيد لان في فراغ.. جايز يكون مغطي راس الـ 6 وعاملها 1

المشاركة الأصلية كتبت بواسطة sayed911

يا جماعة مش لازم يكون واصل ولا له قريب ولا اي حاجة من الكلام ده كله انا ساكن في شارع احمد سعيد واللي مش مسدق ممكن اجيبلوا قبة مجلس الشعب بالبروز بـ 5 جنيه والله العظيم غير الدفاع الجوي غير الشرطة غير المحاماة غيروا وغيروا وغيروااا يعني مش ضروري يكون واصل لكن هوة بيعرض نفسه للمسائلة القانونية بطريقة انا مش شايف انه كده عمل حالة رعب لحد غير نفسه !!!!

يا باشا ما هو لو عمل جريمة أو كده هيفلت بسهولة لأن النمر الي هياخدها هتبقى غلط

ده غير التحدي السافر للقانون ، كأنه بيقول أنا فوق القانون

المشاركة الأصلية كتبت بواسطة Tyler_Durden

مع إهداء لرجال المرور البواسل ..
إزاي ده و غيره متسابين ?

حضرتك المنصورة للأسف بقى فيها تسيب مروري فظيع

نص البلد مفيمة .. عربيات كتير جداً من غير نمر .. المشي مخالف في الشوارع الرئيسية بقى عادي ، ده غير وباء المكن الصيني الي راكب عليه تلاتة ومن غير نمر ، أنا مشفتش عسكري مرور واحد طول العيد

كل وظيفة المرور في المنصورة ، يوقفوا الطريق عشان البيه مدير الأمن نازل من المديرية

المشاركة الأصلية كتبت بواسطة dr-mohamed

ده حد ناقص عنده جنون العظمة
يعين النمر الجديدة اتعملت علشان ميبقاش فيه اي حد مميز
مصمم يخلينفسه مميز في كل وقت
مش كفاية لما يروح يدفع المخالفات مش هيدفع حاجة لا لازم يقرفنا كل شوية ويقول انا على راسي ريشة

لما اللوحات الجديدة تنتشر و يتم تعميمها و يبدأ تطبيق نظام المخالفات بالاجهزة الجديدة اللي بتتعرف علي النمر دي هايشيلوها و ال .... فوق رقبتهم

المشاركة الأصلية كتبت بواسطة tyler_durden

مع إهداء لرجال المرور البواسل ..
إزاي ده و غيره متسابين ?

دول يا عمنا البشوات اصحاب البلد

المشاركة الأصلية كتبت بواسطة hamann

السلام عليكم و رحمة الله و بركاته

أيوه , هى حكاية يوقفوا الطريق أودام كافتيريا أندريا اللى عالبحر , لما يكون البيه مدير الأمن ابن الteeeeeeeeeeeeeeeet نازل من المديرية و مروح بيته بالسلامة , أنا ناوى لما ربنا يكرمنى و يحصل المراد من رب العباد و يبقالى الضهر اللى بدور عليه , أنى أصور الواقعة دى بالدات بالموبايل و أفضحهم على الفضائيات .

ألا أنا كان عندى سؤال برضه , مين الشخصية الهااااااااااااااامة أوى اللى ساكنة فى برج السوسن و القصر اللى على شارع البحر فى المنصورة و اللى برضه بيقفلوله شارع البحر لما يكون مروح بالعربية البيجو ال 307 الفضى ال sw بتاعته , حتى هتلاقوا ان فيه دايما حاجز حديد من بتاع شرطة المرور هناك عشان يحافظوا على المكان عشان الركنة, و دايما فى عسكرى مرور هناك .

داهية ليكون مدير الأمن متجوز واحدة تانية من ورا المدام .

ده حضرتك ما شاء الله دارس المنطقة كويس ، فعلاً دي الوظيفة الوحيدة للمرور حالياً

مش عارف أنا مين ضعاف النفوس دول الي يوقفوا الدنيا عشان الفشخرة

ودول مينفعش تشتكيهم لحد ، دول الروس الكبيرة .. يعني تشتكيهم لربنا

المشاركة الأصلية كتبت بواسطة se_coralsea

لما اللوحات الجديدة تنتشر و يتم تعميمها و يبدأ تطبيق نظام المخالفات بالاجهزة الجديدة اللي بتتعرف علي النمر دي هايشيلوها و ال .... فوق رقبتهم

يا ريت .. القانون لو اتطبق على الكل .. المرور هيتظبط شوية

بس على ما الأجهزة الجديدة دي توصل المنصورة .. يكون الواحد بقى عنده 100 سنة

المشاركة الأصلية كتبت بواسطة myself112

طب ده مش باين اوى او ممكن العسكرى الى واقف ما يخدش باله منها , لكن فى ناس تانية تلاقيها عينى عينك كده , وكانها
بتقولك انا اهو ....

و الله انتم ما شوفتوش عربيات المنصورة , و عساكر المرور الى فى المنصورة .... بجد حاجة تقرف .. كل وظيفتهم انهم يرخموا على الناس علشان يطلعوا منهم اى مصلحة , يعنى تدفع يبقى انت كده تعمل الى على مزاجك ان شاء الله تركن فى نص الشارع .. الواحد بيشوف عربيات كتير جداااا من غير نمر او كاتب مكانها not available وبيعدوا , و مفيش حد بيقولهم بتعملوا ايه ......

على فكرة الي بيظبط الظباط في البلد هوا مدير الأمن ، يعني أما تلاقي واحد بتاع فشخرة وبيوقف الدنيا عشان هوا معدي ، اعرف إنه راجل "لا مؤاخذة" وبالتالي الظباط بياخدوا راحتهم