أجدد "افتكاسة" في موضوع النمر الجديدة

**Abdo_Eldesokey** · 14-09-2010 06:58 AM

يا جماعة بجد الموضوع بقى ممل أوي

بقينا نشوف كتير عربيات من غير نمر ، وعربيات بنمر سودة ، والي كاتب ملاكي يثرب ، نفسنا بقى في حاجة جديدة

النهاردة .. ألف حمد وشكر ليك يا رب شفت افتكاسة جديدة
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.

أهي .. الصورة أهي

طبعاً معظمكوا دلوقتي بيقول ، مالها دي ؟؟ ما هي نمر عادية

ركز شوية

الرقم الأول من اليسار ملزوق عليه استيكر أبيض ومحطوط فوقه النسر بتاع العلم

تعيش الشرطة في خدمة الشعب

**abo_hosni** · 14-09-2010 07:58 AM

المناظر دي بتغيظني لأبعد حد

**dr-mohamed** · 14-09-2010 08:15 AM

ده حد ناقص عنده جنون العظمة
يعين النمر الجديدة اتعملت علشان ميبقاش فيه اي حد مميز
مصمم يخلينفسه مميز في كل وقت
مش كفاية لما يروح يدفع المخالفات مش هيدفع حاجة لا لازم يقرفنا كل شوية ويقول انا على راسي ريشة

**mahmoud5777** · 14-09-2010 10:16 AM

والله المفروض النمر دى تبقى متسريلة بطريقة معينه يعنى لو دخلنا التلات حروف والتلات ارقام دول على الكمبيوتر يجيب الرقم الناقص أو على الاقل يحصر الرقم فى 9 عربيات بعد كدة حسب المنطقة والمحافظة وموديل العربية ومكان المخالفة ممكن تحديد الرقم الاخير وتسجيل المخالفة

موش كدة برضو ولا أنا بحلم

**Hegazio** · 14-09-2010 10:54 AM

بتحلم طبعا

**M.Osama** · 14-09-2010 12:12 PM

بس غريبه اوي مكان النسر ده ميكفيش يغطي رقم كامل !! بس في رقم ناقص اكيد لان في فراغ.. جايز يكون مغطي راس الـ 6 وعاملها 1

**sayed911** · 14-09-2010 12:26 PM

يا جماعة مش لازم يكون واصل ولا له قريب ولا اي حاجة من الكلام ده كله انا ساكن في شارع احمد سعيد واللي مش مسدق ممكن اجيبلوا قبة مجلس الشعب بالبروز بـ 5 جنيه والله العظيم غير الدفاع الجوي غير الشرطة غير المحاماة غيروا وغيروا وغيروااا يعني مش ضروري يكون واصل لكن هوة بيعرض نفسه للمسائلة القانونية بطريقة انا مش شايف انه كده عمل حالة رعب لحد غير نفسه !!!!