افيدوني بفكر انزل من 6 اكتوبر واعيش في فيصل

**abdo_general** · 14-09-2010 02:56 PM

المشاركة الأصلية كتبت بواسطة funnymickey

في اكتوبر وتروح فيصل

بالظبط زي اللي شغال مهندس في الكويت او السعوديه
وفجأه تقرر انك تيجي مصر
:)

طب طالما شغلك في القاهره الجديده
متيجي ياباشا التجمع الاول الخامس الرحاب لو امكانياتك الماديه مرتاحه

لو نص نص
ممكن الزهراء وتبقي جاري
وممكن الحي العاشر
وممكن الشروق العبور

اي حاجه من دول قريبه واسعار الحضانات والعلاج والمستشفيات وكل ده تمام جدا

وفيه الغالي اوي وفيه العادي اللي في المتناول

الراجل دا جابلك من الاخر

وكمان علي فكرة انت لو بتروح من 6 اكتوبر للتجمع في ساعة هتاخدها من فيصل في ساعة ونص لو ماكنوش اتنين

يعني تقريبا هتوصل لنفس البنزين

وفيصل هيتعبك لانه زحمة اوي

**mohamedrabia** · 14-09-2010 03:04 PM

انا بالفعل بفكر في المريوطية هرم علشان جنب الدائري او اول فيصل علشان الهروب الكبير وفيه خدمات كتير هناك لاكن موضوع القاهرة الجديدة ده لا طبعا لانها زي اكتوبر يمكن اقل تفتقر الحياة والخدمات والزهراء والعاشر زحمة جدا بسبب سوق السيارات واسعارها عاليه

**dr-mohamed** · 14-09-2010 03:07 PM

المشاركة الأصلية كتبت بواسطة funnymickey

في اكتوبر وتروح فيصل
بالظبط زي اللي شغال مهندس في الكويت او السعوديه
وفجأه تقرر انك تيجي مصر :)
طب طالما شغلك في القاهره الجديده
متيجي ياباشا التجمع الاول الخامس الرحاب لو امكانياتك الماديه مرتاحه
لو نص نص
ممكن الزهراء وتبقي جاري
وممكن الحي العاشر
وممكن الشروق العبور
اي حاجه من دول قريبه واسعار الحضانات والعلاج والمستشفيات وكل ده تمام جدا
وفيه الغالي اوي وفيه العادي اللي في المتناول

مش عارف حاسس ان دي اقرب فكرة للتنفيذ
وبعدين لما انت نص نص يا ميكي بتركب الكريستالة عربية العظماء ليه ؟؟؟؟؟

(ربنا يجعل كلامنا خفيف عل ىبتوع الالماني والامريكاني)
اخبارك ايه يا ميكي؟

المشاركة الأصلية كتبت بواسطة ZALABANY

هو يا باشا بالنسيه للمسافه انت هاتوفر هوالي 30 كيلو اللي هما من فيصل لأكتوبر رايح جاي طبعا
بص الموضوع ليه مميزات وليه عيوب انا هاقولهالك بما اني من ساكني فيصل
اولا فيصل لو هاتستخدمه هاتكره نفسك من الزحمه يبقى تظبط نفسك عايز تسكن في فيصل تسكن جنب الدائري عندك بأه الطوابق وعندك اللبيني والأسعار متفاوته على حسب امكاناتك يبقى ما تفكرش انك تسكن بعيد عن الدائري لو عايز تسكن في فيصل
الجو في فيصل سئ جدا عادم سيارات ودخان وبلاوي على عكس جو اكتوبر
موضوع الحضانات اللي ب 100 جنيه مين قالك ان دي اغلى حضانه دي احلام يا باشا الحضانات في فيصل وصلت ل 500 و 600 جنيه وام 100 جنيه دي هاتلاقيها تعبانه جدا
طبعا فيصل يميزها كثرة الخدمات والمحلات التجارية والمواصلات
عايز نصيحتي تشوف زهراء مدينة نصر هاتبقى قريبه من شغلك
أو لو عايز ناحية فيصل والهرم خد في حدائق الأهرام جو حلو ونضيف زي اكتوبر وقريبه من فبصل والهرم والجيزه يعيبها فقط ان انت ما لكش مخرج غير من طريق الفيوم او تطلع الدائري من جنب دريم ودي لفه بعيده وما فيش تليفونات أرضي حتى الأن كله هوائي

انت ومحمد صفا جبتوا من الاخر بصراحة

بس ايه ده يا رجالة ازاي نكون كلنا من فيصل ومنعملش مقابلات لوحدنا

ده لو اعضاء فيصل اتجمعوا سوا هابيقوا اكتر من اعضاء محافظات بحالها

الى محمد عزت الشهير بأبو اياد ظبط مقابلة لرجالة فيصل

بس صحيح يا محمد يا صفا ايه حكاية الحضانات ام 500 و600 جنيه في الشهر دي انت كمان
انت هتخلينا البت الصغيرة اقعدها في البيت خالص ده انا بصوت من المدرسة بتاعة الكبار علشان بتاخد 5 الاف بالباص تقولي الحضانة ب500 جنيه في الشهر ؟؟؟؟؟؟؟

وفيه عندي اقتراح قولوا رايكم فيه ممكن يسكن في فيصل بس في اوله نصر الدين يعني يبقي منه قرب اوي من فيصل ويبقي في نفس الوقت ياخد الدائري من المنيب ويعيش حياته

الفكرة التانية يسكن في شارع البحر الاعظم ويبقي بردو قريب من الدائري ومن ميدان الجيزة

وبعدين احمد كمال وخالد طلعت بيشاركوا ورا بعض ربنا يستر على الموضوع ده

**dr-mohamed** · 14-09-2010 03:09 PM

المشاركة الأصلية كتبت بواسطة mohamedrabia

انا بالفعل بفكر في المريوطية هرم علشان جنب الدائري او اول فيصل علشان الهروب الكبير وفيه خدمات كتير هناك لاكن موضوع القاهرة الجديدة ده لا طبعا لانها زي اكتوبر يمكن اقل تفتقر الحياة والخدمات والزهراء والعاشر زحمة جدا بسبب سوق السيارات واسعارها عاليه

يبقي كدة يا بطل كلامي في المشاركة اللى فاتت وخليك في اول فيصل تحديدا نصر الدين ما بين فيصل والهرم هتلاقي شقق كويسة في رنج ال200 ويبقي بعدت عن زحمة فيصل خالص وعندك كل مميزاته اللى انت عايزها

**mohamedrabia** · 14-09-2010 03:13 PM

يبقي كدة يا بطل كلامي في المشاركة اللى فاتت وخليك في اول فيصل تحديدا نصر الدين ما بين فيصل والهرم هتلاقي شقق كويسة في رنج ال200 ويبقي بعدت عن زحمة فيصل خالص وعندك كل مميزاته اللى انت عايزها

انا اعرف ان نصر الدين اقل سعر للمتر دلوقتي 3000 جنية لو متاكد من الاسعار ده ايدي علي كتفك يا ريت نصر الدين هادية جداااا

**hamann** · 14-09-2010 03:16 PM

السلام عليكم و رحمة الله و بركاته

والله الموضوع ده , الرأى الأول و الأخير فيه ليك أنت بس , لكن أنا لو مكانك عمرى ما أسيب اكتوبر و أروح فيصل نهائيا خااااااااااااااااااالص .

وربنا يوفقك ان شاء الله

hamann

**dr-mohamed** · 14-09-2010 03:18 PM

المشاركة الأصلية كتبت بواسطة mohamedrabia

انا مكنتش متخيل كل الاراء ده وبجد اراء تحتترم واجماع علي انها فكرة غريبة طيب انا قدامي شقة في شارع الليبي الي في المريطية قرب الدائري وشقة في المساحة فيصل امام كليه تربية رياضية

مممممممممممممم
المساحة كام وسعرهم ايه وعلى الشارع الرئيسي ولا متفرع ولو متفرع على بعد اد ايه دي كلها عوامل في التقييم علشان نقدر نقولك اي شقة فيهم افضل

المشاركة الأصلية كتبت بواسطة kh_talaat

ليه بس يا دكتور دة انا غلبـــــــــــــــــــان
على فكرة انا برضه كنت من سكان فيصل بس الحمد لله ربنا تاب عليا بعد ما اتجوزت
عشت فيه حوالي 28 سنة وحضرته من ايام الترعة اللي في شارع فيصل
يعني فيصلاوي قديم من حسن محمد

اهلا يا خالد باشا
هههههههههههههه
قول الترعة دي كانت فين وفيه ايه مكانها دلوقت وانا اديك باسبور فيصلاوي قديم
لو من التتار الجدد محتلى فيصل مش هتعرف

-

-

-

الموضوع: افيدوني بفكر انزل من 6 اكتوبر واعيش في فيصل

LinkBack

أدوات الموضوع

عرض

-

-

-

المواضيع المتشابهه

عايز انزل شويه افلام اجنبي ... انزل افلام ايه ؟

ازاى اروح 6 اكتوبر من فيصل

بفكر اعمل الصيانه للواجا في اوتو ماجد افيدوني

بفكر ابيع الغالية افيدوني ابادلها بايه

إقتراح لتعديل مروري بميدان الرماية (اكتوبر، الفيوم، الصحراوي، فيصل، الهرم)

الكلمات الدلالية لهذا الموضوع

المفضلات

المفضلات

ضوابط المشاركة