الموضوع: افيدوني بفكر انزل من 6 اكتوبر واعيش في فيصل

المشاركة الأصلية كتبت بواسطة mohamedrabia

[justify]
طبعا الكل هيستغرب ويقول حد يسيب الهدوء وينزل للزحمة بس هشرح ظروفي باختصار علشان مطولش عليكم بس عايز رايك بمنتهي المصداقية علشان رايكم يفرق معايا كتير انا الحمد لله متزوج وعندي بنتين وان شاء الله الثالث جي المهم اعمارهم متقاربة جداااا شغلي في القاهرة الجديدة مشوار صعب كل يوم بروح وارجع 130 كم بالعربية بنزين نار عربيتي نيسان صني 1600سي سي المهم الي خلاني افكر في القرار ده اني بجد تعبت من المشوار جدااا وكمان ارخص حضانة مدخل فيها البنتين هي الحصري بياخدو مني في الثلاث شهور للبنتين 1100ولازم اشترك 3 شهور مش عارف ليه وده ارخص شي في اكتوبر ومش عارف ليه برده في حضانة سالت عليها قالتلي 600 للطفل في الشهر مرتب عامل عندنا في الشغل يعني قلت كويس وتاني حاجة الرعاية بقا الطبية اكتوبر لتلاقي فيها مستشفيات كبيرة لو فكرت اروح ببنت مثلا علشان شوية كحة اصرف وانا واقف 200 او 300 جنية ويقولي جلسة بخار واكسجين وحوارات كتير جدااا مع العلم تحت دكتور كشفة 50 جنية مثلا زي الفل وكمان الخدمات قليله جداااا في اكتوبر بالرغم من انها مدينة قديمة في بجد مش عارف افكر ابيع الهدوء واستقراري باني اشتري شة في فيصل واستحمل الزحمة مع العلم ان اغلي حضانة في فيصل مش هتزيد عن 100 جنية تقريبا في الشهر وكذلك المدارس الخاصة مش غالية اوووي ولا انا عارف اني طولت عليك بس بجد يهمني رايكم اووووي وخصوصا اني محتار وخايف طبعا من تغيير الحياة بالكامل
[/justify]

اولا منطق انى اسكن جمب شغلى دة منطق مش مظبوط طبعا ببساطة لانك ممكن تنقل فى اى وقت.
ثانيا نصيحة من اخ ارجوك اوعى تسيب اكتوبر
ثالثا هقولك كلمة واحدة بس "لو شارع فيصل (مش منطقة فيصل بس) هو الطريق الوحيد اللى ممكن يوديك البيت .... بات فى الشارع احسن"

السكن فى فيصل انتحار.