::: «ميتسوبيشى» تختار تحالفاً كويتياً كموزع لها فى مصر بدلاً من «الرواس» :::

**Mody_Benz** · 15-09-2010 04:00 AM

علفكرة لسه قارى النهاردة عن الموضوع ده فى مجلة عربيتى

انهم صرفوا النظر عن توكيل ميتسوبيشى فى مصر والله اعلم !!!

**shalaby2001** · 15-09-2010 05:41 AM

المشاركة الأصلية كتبت بواسطة otefa

لسببين ياباشا
- الراجل ده سياسته بيع العربية رخيص وأدبح في قطع الغيار والسيرفيس(وبيعرف يمسك السوق كويس في تقليل قطع غيار عربياته في السوق بره التوكيل سواء أصلية أو غير أصلية)
-الأهم أنه بيعشق حاجة أسمها عمالة هندية( أكيد عندك معلومة بالنقطة دي) وما أدراك بغزو العمال الهندية وتميزهم في المجال مع رخص الأجور بالأضافة لكترة الكلام والجدال مؤخرا عن الأستعانة بالعمالة الأسيوية في مصر ومدي أمكانية تطبيقها وحفظ القانون المصري لحقوق العمالة الوطنية ونسبة تواجدهم في المؤسسات العاملة في مصر ومحاولة بعض الشركات الألتفاف حولها والأستعنة بعمالة أسيوية

يا باشا هما النصريين عارفين يشتغلو لما يجبيلونا اسيويين!!!!!!!!!!!!! اه يابلد

**mohamed Gamal** · 15-09-2010 10:10 AM

المشاركة الأصلية كتبت بواسطة hugan

او لا الخليجي عمره في مصر سنتين علي الاكثر

الخليجي انتشر في مصر من 2004

**Mohammmed** · 15-09-2010 10:45 AM

مش موضوع الخليجى لان الخليجى منتشر كمان فى باقى العربيات زى السيراتو وبرده اغلب الكارينز والاوكتافيا والسيفيك حتى الالنترا !
اكيد فيه سبب تانى

**Sharky** · 15-09-2010 10:51 AM

المشاركة الأصلية كتبت بواسطة otefa

لسببين ياباشا
- الراجل ده سياسته بيع العربية رخيص وأدبح في قطع الغيار والسيرفيس(وبيعرف يمسك السوق كويس في تقليل قطع غيار عربياته في السوق بره التوكيل سواء أصلية أو غير أصلية)

السوق المصرى غير الكويتى فى موضوع قطع الغيار
فى مصر يوجد العديد من التجار اللى بيجيبوا قطع الغيار و مافيش قانون يمنعهم من كده فبالتالى مش حيقدر يمنعهم انهم يجيبوا قطع غيار و الناس حتسفيد من موضع اسعار السيارات القليلة و حيبقى قدامهم الإتنين التوكيل او بره

المشاركة الأصلية كتبت بواسطة otefa

-الأهم أنه بيعشق حاجة أسمها عمالة هندية( أكيد عندك معلومة بالنقطة دي) وما أدراك بغزو العمال الهندية وتميزهم في المجال مع رخص الأجور بالأضافة لكترة الكلام والجدال مؤخرا عن الأستعانة بالعمالة الأسيوية في مصر ومدي أمكانية تطبيقها وحفظ القانون المصري لحقوق العمالة الوطنية ونسبة تواجدهم في المؤسسات العاملة في مصر ومحاولة بعض الشركات الألتفاف حولها والأستعنة بعمالة أسيوية

العمالة الهندية فى الكويت و دول الخليج دا شئ عادى و متوفرة بكثرة لإن الدول دى ماعندهاش عمالة اصلا و بتجيبهم من دول اخرى
لكن فى مصر الوضع مختلف تماما العمالة المصرية متوفرة و بسعر مناسب
صعب جدا يعتمد على العاملة الهندية فى مصر

**Ralliart** · 15-09-2010 10:52 AM

المشاركة الأصلية كتبت بواسطة hugan

او لا الخليجي عمره في مصر سنتين علي الاكثر

مين اللي قال كده؟؟ الخليجي موجود في مصر من اول ما مصر عرفت العربيات
وانتشر جامد في الكريستاله (لانسر 97-2000) ولما نزلت البومه في 2004 كان الناس بيجيبو من الرواس ولما لقاها بتجيب فلوس راح مغلي السعر في 2005 ووصلت لـ125 الف وكان في فرق سعر كبير بينه وبين الخليجي وفي 2006 رخصها ل117 الف وبعدين نزل الفيس ليفت في 2007 راح مغليله 10 الاف مع انها نفس العربيه ووصلت في 2010 لـ133 الف بفتيس ارخص ومتشال منها حاجات زي ميزان العفشه
كل التدرج ده في عربيه بنفس الشكل والمكونات وتلاقي واحد اشتراها بـ115 وواحد اشتراها ب133 والفرق في جيب مين يعني؟؟

ومراكز الخدمه والله مهزله كبيره محتاج موضوع لوحده علشان اوصف المركز الرئيسي واقارن بينه وبين اي مركز تاني
دا مركز فيات اللي مبتبعش عربيتين في الشهر احسن واكبر منه مليون مرره

**otefa** · 15-09-2010 11:11 AM

المشاركة الأصلية كتبت بواسطة sharky

السوق المصرى غير الكويتى فى موضوع قطع الغيار
فى مصر يوجد العديد من التجار اللى بيجيبوا قطع الغيار و مافيش قانون يمنعهم من كده فبالتالى مش حيقدر يمنعهم انهم يجيبوا قطع غيار و الناس حتسفيد من موضع اسعار السيارات القليلة و حيبقى قدامهم الإتنين التوكيل او بره

تمام بس الكيانات والمؤسسات المالية القوية بيبقي ليها طرقها في التفاعل والتأثير فيما يمسها من قوانين وأعتقد الخرافي ممكن يكون ليه تأثير في الجزئية دي......ونستني نشوف مايحدث علي أرض الواقع وأتمني يكون في صالحنا

العمالة الهندية فى الكويت و دول الخليج دا شئ عادى و متوفرة بكثرة لإن الدول دى ماعندهاش عمالة اصلا و بتجيبهم من دول اخرى
لكن فى مصر الوضع مختلف تماما العمالة المصرية متوفرة و بسعر مناسب
صعب جدا يعتمد على العاملة الهندية فى مصر

ماهو العمالة المصرية متوفرة برده في المجال ده بس أغلي وأقل حرفية في المعظم.........وبرده نستني نشوف مايحدث علي أرض الواقع وأتمني يكون في صالحنا.
تحياتي