الموضوع: ممكن حد يقولي اروح المعهد البريطاني ازي

السلام عليكم
ممكن حد يساعدني
عوزه اروح المعهد البريطاني
ليه فرعين معرفش ايهما افضل ليا في المواصلات
الاول : 4 شارع المنيا هيليوبوليس(مش عارفه دي اللي هي عين شمس ولا ايه)
والتاني:192 ش النيل بالعجوزه
انا سكنه في منطقه شبرا قريبه جدا من مترو الخلفاوي وسانت تريزا

بس رجاءا اللي يرد عليا اولا يكون متأكد .. انا هروح لوحدي وقلقانه لاني مش ليا في المواصلات خالص
ثانيا اني بنت فارجو لو فيه مواصلات بخلاف الاوتوبيسات
يعني لو ممكن بالمترو لاقرب مكان واخد الباقي مشي او ميكروباص لمده قصيره او تاكسي يبقي يا ريت
وجزاكم الله خير

بجد انا بشكركم جدا ربنا يخليكو والله من غيركم يمكن كنت مرحش اصلا
جزيتم خيرا
ولا ضللتم سبيلا يارب العالمين

المشاركة الأصلية كتبت بواسطة haroun707

بصى انتى بالنسبة ليكى العجوزة اقرب كثير

ممكن تاخدى تاكسى من عندك يمش على الكورنيش ويطلع كوبرى 15 مايو ويفضل ماشى من فوق لغايه لما يوصل عندمسرح البالون حينزل نزلة العجوزه ويلف من تحت الكوبرى ودخل يمين على الكورنيش حيعدى ناصيتين وحتلاقيه يمينك على طول

ونصيحة تاخدى التاكسى الأبيض حيكون احسن ليكى فى المحاسبة

تمام طبعا
ممكن اعمل كده في الاوقات اللي متأخره فيها او وقت الامتحانات
لكن في كل المرات غالبا هتبقي ميزانيه تانيه شويه
الله المستعان واشوف الانسبلي
شكرا لاهتمامك وردك

المشاركة الأصلية كتبت بواسطة aramolos

جارتى ازيك انا من الخلفاوى بصى حضرتك مبدايا العجوزة اقربلك و ممكن تركبى من المظلات ميكروباص او اوتوبيس او منى باص التلاتة يوصلوكى وفى الرجوع هتعدى الناحية التانية وتركبى للمظلات وفى حجات من والى دوران شبرا من موقف الدوران والكورس ب 70 جنية تمن الاختبار وب 900 جنية ال ليفل

بالتوفيق

اهلا بكل جيراني (:
بس انا اقررب حبه لسانت تريزا
عموما اعتقد ان افضلي هيبقي دوران شبرا
انا مش هينفع اخد اتوبيسات خالص بخاف جدا
فاضعف الايمان مني باص بحسه احسن شويه
طيب هل حضرتك تعرف مثلا رقم معين بيودي هناك
عذرا لو تقلت عليك
بس حق الجيره بقي نعمل ايه ^_^
اصلي خايفه اروح اسأل اقولهم ايه بيروح عند المعهد البريطاني ميعرفوش ولا يفتو اركب حاجه غلط
وجزيت خيرا لمرورك وردا
ملحوظه : الليفل بقي 1070 ج

المشاركة الأصلية كتبت بواسطة a.saad

ممكن تاخدى المترو للدقى وتاكسى من هناك
وممكن تغيرى وتاخدى اتجاه حلوان
تنزلى عبد الناصر - الاسعاف
فيه ميكروباصات لهناك او تاكسى برده

علي فكره انسبهم ليا علي الطلاق
بس انا هروح كتير فهجرب كل الطرق اللي الاخوه قالو عليها
وهشوف الاسرع والاسهل
بس انا بحب المترو جدا فلو جربت هجرب للدقي
لاني عرفه منطقه الدقي لحد قصر النيل دي كويس .. فدي اكتر حاجه انا عرفاها
ربنا ييسر.. متشكره جدا علي الرد والاهتمام

المشاركة الأصلية كتبت بواسطة mohamed_selim

الفرع اللى فى هليوبوليس (مصر الجديده) متفرع من شارع بيروت قريب من المريلاند .. لو مواصلات يبقى المترو و تغيرى فى رمسيس لاتجاه المرج و تنزلى سراى القبه تاخدى تاكسى
بس زى ما الاخوه قالو ان العجوزه اقرب .. هو مكانه بعد مسرح البالون و السيرك القومى فى اتجاه الجيزه (بعديهم بحاجه بسيطه قبل ما توصلى مستشفى العجوزه)

شكرا لحضرتك علي التوضيح وخلاص استقريب علي فرع العجوزه
ربنا يكرمك

بشكركم جميعا مره تانيه اعزكم الله واكرمكم
السلام عليكم