دركسيون الفيرنا تقلت اوي !!

**chicobon** · 14-09-2010 03:42 PM

الاسلام عليكم
عندي سؤال بخصوص دركسيون الفيرنا مرة وحدة تقلت اوي و بتتحرك بي صعوبه بعني زي ميكون الباور مش شغال خالص و بكافح عشان اتحرك شمال او يمين
العربية اتوماتيك موديل 2004 هل حد يعرف ده من ايه مع العلم انها ماشيه عادي حتي في المطبات يعني مافيش صوت خبط او اي حاجة يعني مش علبة الدركسيون حد ليه فكرة يا اخواني

**chicobon** · 14-09-2010 06:32 PM

محدش عمده فكرة ؟

**meero_boy2000** · 14-09-2010 06:36 PM

بص علي مستوي زيت الباور ممكن يكون سرب او انت اخر مره بصيت عليه امتي ؟؟؟

**chicobon** · 14-09-2010 07:08 PM

المشاركة الأصلية كتبت بواسطة meero_boy2000

بص علي مستوي زيت الباور ممكن يكون سرب او انت اخر مره بصيت عليه امتي ؟؟؟

شكرا لردك انا مبصيتش عليها هي بتكون فين في العربية ؟ و ده هيكون سربت من ايه ؟

**meero_boy2000** · 14-09-2010 08:13 PM

المشاركة الأصلية كتبت بواسطة chicobon

شكرا لردك انا مبصيتش عليها هي بتكون فين في العربية ؟ و ده هيكون سربت من ايه ؟

بص ده هتلاقيه جنب زيت الفرامل قربه صغيره شويه وغاطاها كبير حبيتين بالنسبه سرب ازاي بص انا حصلت معاياى في عربيتي قبل كده في اللانوس سربت من غير سبب وكانت عامله 3000 كيلو بس لحسن حظي اني كنت واقف جنبها وشوفت الزيت وتوصلت انه الماسوره اللي بتوصل الزيت ليها صاموله لقيتها مفكوكه بس ان شاء الله بسيطه وخير متقلقش وطمنا عليك

**zakiali** · 14-09-2010 09:40 PM

زيت الباور مسرب أكيد

**kamatsho** · 14-09-2010 10:58 PM

يا باشا كده اكيد مفيش زيت باور فى الخزنه بتاعته

الخزنه موجوده اول ما تفتح الكبوت هتلاقيها على شمالك وزيت الديبرياج والفرامل على اليمين

زيت الباور لونه احمر هات علبه من اى بنزينه وحط فى الخزنه لحد ما تتملى ( الماكس)

**chicobon** · 15-09-2010 04:45 PM

السلام عليكم
شكرا لكل واحد رد علي
انا النهاردة نزلت و عملت زي ماقلتولي و فعلا القربة كانت فاضية و ده انا مستغرب ازاي يفضي كده اشتريت جالون من شل تمنه بي 28 جنيه و مليتها علي الله تفضل مليانة عشان انا عندي شك انها مخرومة هستني لحد بكرة و اشوف لو فضيت هوديها تتصلح

**meero_boy2000** · 15-09-2010 06:51 PM

المشاركة الأصلية كتبت بواسطة chicobon

السلام عليكم
شكرا لكل واحد رد علي
انا النهاردة نزلت و عملت زي ماقلتولي و فعلا القربة كانت فاضية و ده انا مستغرب ازاي يفضي كده اشتريت جالون من شل تمنه بي 28 جنيه و مليتها علي الله تفضل مليانة عشان انا عندي شك انها مخرومة هستني لحد بكرة و اشوف لو فضيت هوديها تتصلح

تابع مستوااه كل فتره لحد متشوف المشكله في ايه وان شاء الله بسيطه