الي عايز يعرف كل حاجة عن الفليشيا يدخل هنا
بسم الله الرحمن الرحيم
بعد العيد واكل الكحك والبسكويت يحلي التزبيط
انا عامل الموضوع ده عشان خبرتي السابقة في تزبيط الفليشيا وهعمل باصلي ومش هعمل زي الي نفضولي في موضوع الترموستات ومردوش عليا والي ردوا كتر خيرهم ملحوظة لسه محتاس
والموضوع هيكون علي الفليشيا من 95 -97 وفي طبعا توافق في 98 -2001 بس طبعا هناك اختلافات في الشكل الخارجي والكونسول والتابلوة .
اولا نعرف ايه الفليشيا
الفليشيا عربية تشيكية من شركة سكودا العريقة ودخلت في مجموعة فولكس سنة 98 واحنا كلنا عارفين الكلام ده.
الي مش عرفينوا ان العربية برغم انها تشيكي الا انها فولكس قالبا وقالبا بأستثناء المحرك هو الي تشيكي
يعني كهرباء وكبلات فولكس عفشة وشاسية فولكس وهاكذا .
المحرك
المحرك نزل منه سعتين سي سي1300 وي سي سي 1600 ده عرفينه
الي مش عرفينه ان الاول 1300 برغم انه نفس المحرك الا اختلاف نظام الحقن خلاه يكون في منه بقوة 54-58 -67 حصان وهنتكلم بعد شوية بالتفصيل في الجزء ده
الموتور 1600 سي سي نزل انجكشن متعدد النقاط وبقوة 75 حصان
نظم الحقن الي نزلت بيها الفليشيا عندنا كربيراتير 95-99 و انجكشن متعدد النقاط 2000-2001
الي نزلت بيها في العالم
1300 8 صبابت علوية وهو نظام قديم نسبيا
1300cc ohv 8 valve
1- كربيراتير :عادة مفيهوش كمبيوتر وبقوة 54-58 حصان.
2-نص انجكشن : mono point injection : منزلش مصر وهو عبارة عن كربيراتير ورشاش واحد انجكشن.
3-فول انجكشن : multi point injection او حقن الكتروني متعدد النقاط وده كمبيوتر واربعة رشاش 67 حصان .
الشكل الخارجي
1-عادي 95-97
2-وش اوكتفيا 98-2001 بعد ما دخلت فولكس
الوزن
اقل من طن وتشيل 450-500 كيلو حمولة خمس راكب من الحجم الكبير
الاوبشنز برغم انها عربية فقيرة في الاوبشنز الا ان الكلام ده عندنا فقط
الاوبشنز الي نزلت بيها مصر موجودة كلها في موديل glx بعض منها مش موجود في موديل lx
1- تكييف
2- شبورة امامي
3-شبورة خلفي
4-سنتر
5- عداد اربي ام وساعة ديجيتال
6-كونسول
7- لمبة في الشنطة وفتح الشنطة من الداخل
8- كنبة جزئين
9-مرايات كهرباء النحيتين:B4_282:
10- سخان زجاج.
11-كونسول.
الاوبشنز الزيادة خارج مصر
1- التحكم في مستوي الكشافات الامامية
2- باور
3- وسادتين هوائيتين
4- زجاج كهرباء بس نادر شوية
5- فرامل مانعة للأنزلاق abs
الموديلات الي موجودة في مصر
lx , glx
lx: سنتر فقط
glx : كل الاوبشنز التانية الي نزلت مصر
ده عرفينه الي مش عرفينه
في موديلات
glx
1- الدينمو اكبر
2- وش التقسيمة 6 بكرات
3-مروحة 6 ريشة سرعتين
4-ردياتير اكبر
5-اختلافات في شكل الدفيرة علي اساس التكييف والشبورة وهاكذا
في موديلات
lx
1-دينموا عادي
2-وش تقسيمة 3 بكرات
3-مروحة سرعة واحدة 4 ريشة
4- ردياتير عادي
المميزات الي تميز الفليشيا ومحدش ياخد باله منها في زمنها
1- موضوع الشبورة امامي وخلفي ده كان يعتبر طفرة
2- تكييف بكر ده اعجاز
3-عداد اربي ام وشكل العدادات متطور
4- تقفيل العربية يعتبر وهمي وممتاز فرش العربية والسقف والكونسول قارن بالشهين و الادا يا معلم
5- الاوبشنز الي منزلتش مصر طبعا كفاية
مميزات الفليشيا في رأيي وفي زمنا هذا
1- صاج تقيل جدا
2- ثبات عظيم
3-تقفيل رأئع
4- تحمل و عفية اعتمادية الي اقصي درجة
5- توفر قطع الغيار بأسعار معقولة ومعمرة جدا ( في تشيكي اصلي وفي الماني اصلي وفي الماني و تركي وتيواني ومصري)
6- واسعة جدا بالنسبة لو قرنتها بعربية هاتش باك طبعا وشنطة معقولة
7- عفشة خدمة شاقة بمعني الكلمة .
8- تسارع معقول مننسساش ان المتور صغير والعربية حديد.
9- فرامل حلوة و بتلحق .
عيوبها في رأيي ورأيي ناس كتير
1- الخشونة وصوت المتور العالي
2-السخنونة غير المبررة
3- تقل الدركسيون
4- سواقتها صعبة نسبية دوستها تقيلة
5- متورها واطي يعني الصفيحة الي تحت مهمة . علوها في موديلات 2000 وكده بس ده خلاهم يحطوا شدادات عشان الاتزان
6- تسارع بطء نسبيا اذا ما قورنت بالهيونداي اكسنت مثلا بس تسارعها اعتقد افضل من الاكسيل 1500
7- في عربيات انعم منها بس اغلي منها في نفس الوقت
8-تكييف ضعيف طبعا الكوري واليباني اقوي .
لكن مننساش انها دخلت اوروبا الغربية وكانت بطلت رالي وده الي معملتوش الاكسنت مثلا يعني بره يعرفوها ويحبوها اكتر من عربيات كتير اغلي منها في مصر وبيقيموها تقييم اعلي ولو مش مصدقني هات الي يثبت العكس:36_7_4[1]:
طبعا الاكسنت اقضل منها وتسارعها حلو ومبتسخنش وشكلها لطيف بس انا بقول مثال عشان محدش يزعل :satelite:
تقرير بسيط وتقبلوا مروري والأخطاء الاملائية :ma:
م/ مازن
التقرير الي جاي ازاي تزبط عربيتك من الاف الي الياء
