انا معايا سكودا A5 مو 2008 لسه عامل حادثة اول امبارح كنت داخل على ملف بسرعة حوالي 120 والعربية لقيتها اتزحلقت مني - متسألونيش ازتي عشان انا بردو نفسي اعرف - ورحت داخل ف الرصيف
الحمد لله صاج العربية سليم بس مفهوش خدش بس الخبطة كلها كانت في العجلة اللي قدام شمال وكانت النتيجة كالاتي
انا اساسا من الصعيد جبت ونش رفع العربية ورحت موديها النهاردة القاهرة مركز الاقصر اللي ف المعادي الونش لوحدة اخد الف جنية
ف التوكيل اتصلو بيا على الموبيل عشان يتابعو معايا عشان انا مكنتش مع العربية عشان ظروف شغلي المهم قالوا العربية محتاجة الاتي
1. مساعد امامي شمال ب 850 جنية
2.شمعدان شمال ب 1350
3.سرة عجل امامي ب 840
4.مقص شمال ب 1400
5.شداد ميزان ب 280
6.فيش ديركسيون شمال ب 480
7.طنبورة عجل امامي ب 700
8.كرتيرة زيت فنيس ب 780
9.زيت فتيس ب 780
10.كبلم امامي شمال ب 5500 جنية :majd(4):
11.مصفحة سيارة ب 2400:majd(4):
دا غير 10% ضريبة مبيعات وكمان مصنعية وقالو لما يبدأ الشغل لو ظهرت حاجة تاني هيقولو
انصحوني يا جماعة هل اشتري قطع الغيار من برة ارخص و اركبها ف التوكيل طيب واشتريها منين انا سمعت ان احسن حاجة الهاشمية اللي ف العباسية ولا قطع الغيار ف التوكيل مش هتبقى اغلى كتير عي يرة ولو عملت كل ده العربية هترجع زي الاول ولا لأ
يا ريت تفيدوني بسرعة