الموضوع: محتاجه منكم مساعده ضرورى فى i10

المشاركة الأصلية كتبت بواسطة dodomody

باركولى يا جماعه انا لسه شاريه هيونداى i10 بس عندى فيها مشكله ف الكاسيت مش عارفه د عيب ايه انا بحفظ قنوات الراديو وبتتحفظ تمام وانا داخل العربيه لكن اول لما بقفل الكونتكت بيتعملها ريسيت من اول وجديد وكمان السي دى بيعيد تانى من اول وجديد يعنى مبيجبش الاغنيه اللى العربيه اتقفلت وهى شغاله فاهمنى ولا يعنى بتبتدى السي دى تانى من الاول نوع الكاسيت رودستار

اولا الف الف مبروك
هو الكاسيت جاى مع العربيه ؟؟؟ لو كده يبقى روحى التوكيل حتى قبل صيانه الألف عادى (ولو فيه حاجه هيتغير)
بخصوص الـ cd انا لما بقفله و اشغله تانى بيشتغل على اخر اغنيه كانت شغاله و من نفس الوقت اللى قفلت عليه

المشاركة الأصلية كتبت بواسطة dodomody

ميرسي جداا على الرد والاهتمام لان دى اول مشاركه ليا ف المنتدى والله يبارك فيك
الكاسيت جاى مع العربيه بس انا حاسه انهم ف الصيانه هيدوخونى ومش هيكون عندهم حل تفتكر كدا العيب ف الكاسيت ولا كهربت العربيه

انا تحت امرك
على فكره اخويا كان عند مشكله فالـكاسيت مش بيشغل cd و لا الـ USB ومش بيطلع الـ Cd, راح قلهم على المشكله قالوا هيتغير و اتغير على طول من غير مشاكل ولا دوخه ولا اى مصاريف خالص
(بس لازم تروحى مركز صيانه غبور "ابو رواش مثلا او اى فرع قريب منك" مش مركز صيانه معتمد)

المشاركة الأصلية كتبت بواسطة dodomody

انا اسفه لانى تعبتك بس انا ساكنه ف مدينه نصر انهى اقرب مركز صيانه عشان انا وصلت ل900 كم ومش عارفه اروح فين ومش عايزه مكان يكون زحمه

هممممم
اولا و لا تعب ولا حاجه
ثانيا للأسف مش عارف اقرب مركز صيانه فين , كل اللى اعرفه هو ابو رواش بس, ان شاء الأعضاء يفيدوكى بعنوان مكان اقرب فرع من فروع الصيانه
كويس انك وصلتى لــ 900 كم علشان تعملى صيانه الـ 1000 بالمره
بخصوص الزحمه, كل مراكز الصيانه زحمه جدا بس ممكن تتصلى بهم و تحجزى ميعاد هيكون افضل كتير (لو تعرفى حد يروح معاكى يكون افضل لان القعده بتطول و ممكن بعد ما تتأكدى ان العربيه دخلت الصيانه تروحى و ترجعى على ميعاد خروج العربيه)
ممكن كمان تعملى كارت الصفوه "elite" مفيد جدا

المشكلة دى بيكون فى سلك ميمورى خارج من الكاسيت بيتوصل مع سلك الكهربا بتاعه ونسيو يوصلوه

العملية بسيطة ان شاء الله