الف شكر لحضرك على الموضوع الرائع و تسلم ايدك
انا النهاردة لسة حاصل معايا موقف غريب جدا...النهاردة رجعت من الشغل و يادوب ربع ساعة لقيت دوخة غريبة جدا و لقيت صداع فى دماغى من الخلف...قولت انزل اصلى العشاء واشوف بالمرة الضغط اخباره ايه.....علما بانى من اصحاب الضغط المنخفض 110/70 ....نزلت للصيدلية وقيست بجهاز ديجيتال قالى الضغط 130/90 وقالى كدة كويس....كلمت الدكتورة بتاعتى شرحتلها الموقف...قالتلى بلاش الاجهزة الديجيتال خلينا نجرب جهاز عادى....روحت لصيدلية تانية و قيست بجهاز عادى....قالى الضغط 140/90 وكدة عالى ...كلمت الدكتورة و قولتلها....قالتلى معلش نشوف كمان صيدلية عشان نتأكد....روحت بقى لاحلى واجمل صيدلية...اول ما دخلت سالت ممكن اقيس الضغط....لقيت الحاجة الدكتورة بتبصلى بصات استنكار استنفار استغراب ....مش عارف ليه كانى داخل مثلا اعاكسها..او قولت نكتة....او مثلا داخل اهزر....المهم قولت اصبر وان كاان لك عند القطة حاجة قولها ياسيتى....المهم بدأت تقيس و لسة الابتسامة البلهاء على وشها,,,,كانها هتخيط قميص...فى ثوانى بصات الاستغراب و الاستعجاب و الاستخفاف تحولت لنظرات رعب...قولتها خير عالى ولا ايه...قالتى بتهتهة و نونوة ووشوة حاجة غريبة..قولتها خير فيه ايه...قلالتى هو حضرتك دايخ...قولتها الضغط كام 140 ولا ايه...قالتلى لا دة 200/90 قولتلها و دة ايه يعنى....قالتلى عالى جدا...كلمت الدكتورة بتاعتى قالتلى نعم مين القاسه ...قولتها دكنورة فى الصيدلية...قالتلى ايهالى اكلمها...وقالتلها تقريبا هو فيه حاجة اسمها 200 فى الضغط.......................وكلام كتير
ماعلينا قسنا تانى و طلع 150/90 وروحت لاخر صيدلية قبل ما اروح طلع برضه 150/90 المهم بقى القاسلي بيقولى ماتقلقش كدة مش عالى اوى اشرب كركدية سخن و كل حوادق كتير...قولتله الحوادق بتعلى الضغط ...قالى الا قصدى سكريات..وروحت وانا ضغطى حاسس انه 500/250 بغض النظر عن الضغك انه عالى
بالله عليكم انا نفسي بس افضفض عشان ما انفجرش...يعنى لو امى او امك دخلت للصيدلية تقيس الضغط وهى مثلا تعليمها على قدها وواحدة قالتلها ضغطك 200/90 وياسلام لو وصفتلها ادوية عشان تنزل الضغط
ولا الكابتن البيقول كردكديه سخن وموالح وحوادق هتبقى زى الفل
دة بالذمة اسمه ايه!!!!
حسبنا الله ونعم الوكيل...انا مش قصدى اقول كل الصيدليات كدة لان اول صيدليتين كانوا محترمين جدا وما فتوش فيها..ومش معنى دة ان كل الصيدليات كدة...بس برضه الانا شوفته بيقول ان فيه استهتار و استهزاء بالناس...فمابالك بالدكاترة والمستشفيات
بجد ربنا يرحم مرضانا و مرضى المسلمين و المسلمات يارب متحوجناش لبشر يارب
اسف طولت بس حبيت افضفض
الف سلامة عليك يا احمد
هقولل جملة الدكتورة بتاعتى قالتهالى
اوعى تقيس الضغط فى صيدلية ابدا
ان شاء الله تطمنا عليك
المفضلات