فيليشيا 95 وريحة عادم حارق!!!!!

**ali207** · 15-09-2010 12:06 AM

السلام عليكم ورحمة الله وبركاته

فيليشيتى 95 بحطلها بنزين 90 سحب مش بطال بجرى بيها يعنى ممكن اجيب بيها 120 و 140 وممكن اكتر ان شاء الله الكربيراتير على حد معلوماتى مظبوط بدليل انها بتعرق ميا من الشكمان صوت الماتور طبيعى الشكمان سليم كله . .........

مشكلتى بأه مع عادم الشكمان بيطلع ريحة عادم بتحرق فى العين والانف وبتخنق لان الريحه بتوصل جوه العربيه لما بيكون الشباك مفتوح ..

اتمنى حد يساعدنى فى تحديد مشكلتى واكون شاكر جدا...

**zico2009** · 15-09-2010 02:00 AM

طالما في عادم يبقي الكربيراتير مش مزبوط

**ali207** · 15-09-2010 12:26 PM

المشاركة الأصلية كتبت بواسطة zico2009

طالما في عادم يبقي الكربيراتير مش مزبوط

هوا ريحة عادم مش دخان اسود او ملون وزى ما قلت الكربيراتير مظبوط بيعرق مياه سحب كويس سرعات بنزين 90والشكمان مش بينفس لكنــــــــــــــــــــــ ــــــــــــه فبريكه من سنة 95

**ali207** · 15-09-2010 03:05 PM

ايه ياجماعه هى مش مشكله ولا ده طبيعى؟؟؟

**zico2009** · 15-09-2010 03:32 PM

المشاركة الأصلية كتبت بواسطة ali207

ايه ياجماعه هى مش مشكله ولا ده طبيعى؟؟؟

بص من الاخر لو كبست للعربية ولقيت عادم كتير جدا وبيحرق العين ومتقدرش تقف ادامة يبقي الكربيراتير محتاج زبط متأكد بنسبة 100 في 100 وهتلاقي غالبا البوجيهات مهببة والتكيهات محتاجة زبط
الموضوع هيكلفك انك تروح لبتاع كربرتيرات محترم يزبط الكربيراتير ويشوف البكات والذي منه وهيرجع زيرو
ومش هتدفع اكتر من 80-100 جنية حسب الشغل وتغير بواجي وتزبط تكيهات وادعيلي والموضوع مش هيكلفك كتير
لان العادم ده ملوش غير سكة الكربراتير سواء كان عادم او سواد

**ali207** · 18-09-2010 01:07 AM

المشاركة الأصلية كتبت بواسطة ali207

السلام عليكم ورحمة الله وبركاته

فيليشيتى 95 بحطلها بنزين 90 سحب مش بطال بجرى بيها يعنى ممكن اجيب بيها

120 و 140 وممكن اكتر ان شاء الله الكربيراتير على حد معلوماتى مظبوط بدليل انها بتعرق ميا من الشكمان صوت الماتور طبيعى الشكمان سليم كله .

.........

مشكلتى بأه مع عادم الشكمان بيطلع ريحة عادم بتحرق فى العين والانف وبتخنق لان الريحه بتوصل جوه العربيه لما بيكون الشباك مفتوح ..

اتمنى حد يساعدنى فى تحديد مشكلتى واكون شاكر جدا...

فاكرين المشكلة دى انا وعدتكو انو لما احلها اقولكو ايه هى ؟؟؟؟

هى سبب غير مباشر سبب مسبب يعنى ايه امبارح وكاعادتى بلعب بنضف بصلح فى العربيه بقدر الله ايدى جت نحيت ظهر الكربراتير فى خرطوم السيرفو داخل بكوع كوتش على الكربراتير الكوع ده لقيته مشقوق حسيت بأيدى بصدفه يعنى.. بتنفيس و شفط فيه غيرت الكوع الكوتش ده صوت الماتور اتغير و بقى عايز يبطل زبط الهوا اتظبط الماتور وراحت الريحه بقى ريحة عادم عادى مقبول .

حتقلى مكنتش حاسس بالفرامل بتغير كل الوقت ده هقولك لا خالص والماتور كان صوته طبيعى جدا جدا .. بدليل انه لما كنت بروح لميكانيكى عشان الريحه يلعب شويه فى الكربراتير والهوا ويقولى الريحه راحت واقوله مرحتش يوهمنى ويقلى بيتهيئلك وامشى وانا هجنن عشان كده بنصحكو متعتمدش اعتماد كامل لكلام الصنيعى اقتنع اولا وبعدين قرر....

والفضل لله اتحلت بفضل الله على يدى
الحمد للــــــــه
سبحانك اللهم وبحمدك ، أشهد أن لا إله إلا أنت أستغفرك وأتوب إليك ..