الموضوع: التيجو اتقلبت يا رجالة

المشاركة الأصلية كتبت بواسطة firstknight_eg

الحمد لله بعد فحص ومتابعة وتحديد اختياراتي وطبعا بعد الاستخارة

قررت اشتري تيجو 2000 سي سي اتوماتيك

وقولت ادور علي حاجة كسر زيرو لو عجبتني خير وبركة ولو ما عجبتنيش ادينا ما خسرناش كتير

المهم لقيت عربية عاملة 1025 كم والحمد لله ربنا وفقني واشتريتها

العربية كانت فول اوبشنز وفيها شاشتين في الكراسي

المهم اشتريت العربية يوم الثلاثاء

وتاني يوم روحت وركنت العربية تحت البيت وطلعت عشان افطر

نزلت علي الساعة تمانية بعد الفطار وانا رايح العربية بصيت عليها وقولت في سري

ايه ده هو انا سبت نور الصالون منور ولا ايه

قربت من العربية قولت ايه ده وكمان سايب الازاز اللي جنبي مفتوح

لما وصلت للعربية كانت المفاجأة

حد ابن تيييييييتتتتتتتتتتتتتتتتت تتتتتتتتتتتتتتتتت كسر الازاز بتاع السواق

وفك الكونسول بس الحمدلله ما عرفش يفك الكاسيت

بس كان اللاب توب في الشنطة ورا راح سرقه

وطلع كل حاجة في الادراج ورماها وطبعا الازاز كان مبدهل الدنيا :_alshmokh08[1]:

قعدت بتاع دقيقتين تلاتة مش مصدق وبعدين قولت قدر الله ما شاء فعل والحمدلله انها جت علي قد كده

وكلمت بوليس النجدة عشان اللاب توب وطبعا بعد ما عملت المحضر والذي منه كانت الساعة بقت 11:30 بالليل

ادور علي حد بتاع ازاز مش لاقي كله قافل وطبعا ديه العربية كانت بأزاز واتقلبت امال لو من غيره هعمل ايه

المهم كلمت كل اللي اعرفهم لغاية ما لقيت واحد فاتح وكان خلاص بيلم عشان يقفل

قولتله انا عاوز اغير الازاز وقبل ما تتكلم مش هينفع استني للصبح

قالي مفيش مشاكل وقعدت ربع ساعة طلع وقالي الازاز هيعمل 320 جنيه و 45 تركيب :_alshmokh08[1]:

قولتله ليه قالي عشان مش موجود وهجيبه من عند حد تاني وده السعر اللي هو طالبه

لو استنيت للصبح اجيبهولك ب 180 قولت يا عم اهي خسارة بخسارة ركب وامري لله


يا جماعة لو حد يعرف اي حد بيبيع لاب توبات مسروقة يقولي عشان عاوز اشتري اللاب توب تاني

عليه شغل مهم قوي

الظريف اني لما روحت التوكيل عشان صيانة الالف

بقوله هو الانذار بتاع العربية مينفعش يركب فيه سنسور عشان لو حد كسر الازاز او خبط العربية

المهندس بتاع التوكيل قالي لا روح ركب انذار بره

قولتله وامشي با اتنين ريموت واحد للعربية والتاني للانذار

قالي هو ده الحل الوحيد

سؤال تاني فيه حد ركب انذار للتيجو

ولا اراكم الله مكروه في تيجو لديكم

السلام عليكم:
قلبي عندك...أولا قول الدعاء ده
"" اللهم اخلفني في مصيبتي وأجرني خيرا منها""
ثانيا:مين قال ان التيجو مفيهاش انذار
انا عندي انذار وبيعمل صوت و ينور الفلاشر عادي يعني...صحيح والحمدلله مجربتش كسر الزجاج ده لكن جربت تشغيله كذا مرة
مثلا ادخل جوة العربية واقفل على نفسك بالريموت وبعدين افتح الباب من جوة مانيوال هتلاقيها صوتت
مسألة ان الإنذار ميشتغلش مع خبط العربية او الهز العنيف او كسر الزجاج فيمكن يكون ده نوع تاني من انواع اجهزة الإنذار مش راكب فيها وطبعا ده غباوة منهم لكن استرخاص وخلاص....والله اعلم

م.ياسر

في ناس فعلا بتركب انذارين
عادى و مفيش مشكله

المشاركة الأصلية كتبت بواسطة aboomarahmad

السلام عليكم:
قلبي عندك...أولا قول الدعاء ده
"" اللهم اخلفني في مصيبتي وأجرني خيرا منها""
ثانيا:مين قال ان التيجو مفيهاش انذار
انا عندي انذار وبيعمل صوت و ينور الفلاشر عادي يعني...صحيح والحمدلله مجربتش كسر الزجاج ده لكن جربت تشغيله كذا مرة
مثلا ادخل جوة العربية واقفل على نفسك بالريموت وبعدين افتح الباب من جوة مانيوال هتلاقيها صوتت
مسألة ان الإنذار ميشتغلش مع خبط العربية او الهز العنيف او كسر الزجاج فيمكن يكون ده نوع تاني من انواع اجهزة الإنذار مش راكب فيها وطبعا ده غباوة منهم لكن استرخاص وخلاص....والله اعلم

م.ياسر

اللهم اخلفني في مصيبتي وقدر الله ما شاء فعل

ومتشكر جدا علي المشاعر الصادقة

بس انا مش قادر اتخيل ان انا امشي ومعايا 2 ريموت ليه يعني

وبعدين لما لعربية تتكسر الازاز وتتسرق والانذار ما يضربش بحجة ان الانذار ما بيضربش الا لما الباب يتفتح يبقي ما لوش لازمة الصراحة

انا هدور علي حل تاني غير موضوع الريموتين ده ولو لقيت هقولكم

قدر الله وماشاء فعل.. الحمد لله على كل شيء...

احب الفت انتباهك لشيء.. موضوع تركيب جهاز الانذار دا.. اعتقد والله اعلم حيضر بضمان العربية..

ثانيا.. ممكن في حالة التركيب.. تستخدم المفتاح الإحتياطي فقط مع الريموت الجديد.. دون استخدام ريموت السيارة..

ثالثا.. متابع مع حضرتك الحل الأفضل اللي بتدور عليه

ربنا يخلف عليك

عزيزى لا تقلق
فخسارتك المادية محفوظة
فان لم تستردها فى الدنيا ستستردها فى الاخرة
لن يغفر لهذا اللص قبل ان يوفى حق كل من ظلمهم

المشاركة الأصلية كتبت بواسطة eng_karim_moh

عزيزى لا تقلق
فخسارتك المادية محفوظة
فان لم تستردها فى الدنيا ستستردها فى الاخرة
لن يغفر لهذا اللص قبل ان يوفى حق كل من ظلمهم

كلام حضرتك فعلا جميل