ليه سواقين الميكروباص بيرّكبُوا مرايات أمام كرسى الراكب اللى جنبهم؟اكتشاف منيل بنيلة!

**Dr Ahmed** · 15-09-2010 03:16 AM

المشاركة الأصلية كتبت بواسطة hamann

انا بشوف ناس حاطة صف مرايات بالطول على الناحية اليمين , من فوق لتحت و انا بالفعل عارف من زمان ان دى بتبقى عشان تعكس جسم اللى راكبين فى الكرسى الأمامى من فوق لتحت و أكيد مش هيدور على راجل يركب جمبه , أكيد بتبقى ؟؟؟؟؟؟؟ و أنتوا فاهمين و أنا فاهم .

المشاركة الأصلية كتبت بواسطة silver_som3a

حاجه معروفه من زمان,,,و الاحقر منها بقي التاكسي......و لازم كله ينبه قرايبه و صحابه علي الكلام ده

المشاركة الأصلية كتبت بواسطة m.osama

يباشا مش بس كده.. دا الاكتشاف الانيل كمان بقي انهم بيركبو مرايات مدوره صغيره كده علي درج التابلوه.. والتابلوه في السوزوكي فان دي مواجه تمام لمقعد الكرسي المجاور للسائق !!

بصراحة أنا مرة فى حياتى آخد بالى أو أسمع الموضوع ده وأكيد فيه غيرى عمرهم ما سمعوا عنه

ودى أول مرة يتقال الكلام ده فى المنتدى

**hamann** · 15-09-2010 03:20 AM

المشاركة الأصلية كتبت بواسطة w-m-a

للاسف سواقين التاكسى بيحطوا مرايه بطول درج التابلوه والبيجو بيحطها بطول التابلوه كله
منتهى السفاله
ومش بس كده ده بيحطوا مرايه امام الفتيس من تحت التابلوه علشان الى بتركب ورا وهى معديه من الكنبه لوراء السائق
ربنا يهدى

السلام عليكم و رحمة الله و بركاته

أنا بس دلوقتى عرفت هما ليه بتوع الميكروباصات بيعملوا حوادث مميتة جدا , لأنهم يا عين أمهم هيراقبوا ايه ولا ايه , الطريق ولا العدادات و لا المريات المنطورة فى كل حته , ربنا يكون فى عونهم - قصدى ياخدهم .

hamann

**ahmed88hassan** · 15-09-2010 03:20 AM

انا عارف الموضوع ده وبشوفه كتير جدا
بس كنت بعتبره هيافه و منظره وبيبقي فاكر انه كده بيروش
لكن مكنتش متخيل انه هوه ده السبب
طب حضرتك عرفت ازاي الموضوع ده .. هل انت سألت ولا استنتجته ؟!

**hamann** · 15-09-2010 03:24 AM

المشاركة الأصلية كتبت بواسطة ahmed88hassan

انا عارف الموضوع ده وبشوفه كتير جدا
بس كنت بعتبره هيافه و منظره وبيبقي فاكر انه كده بيروش
لكن مكنتش متخيل انه هوه ده السبب
طب حضرتك عرفت ازاي الموضوع ده .. هل انت سألت ولا استنتجته ؟!

السلام عليكم و رحمة الله و بركاته

أنا عن نفسى, فيه أكتر من واحد قاللى على الموضوع ده و الكلام ده سيرته كانت بتيجى لما تعدى جمبنا عربية ميكروباص عالطريق و يكون فعلا مثبت مرايات كتيييييييييييير بطول القايم الأمامى يمين , اللهى يجعلهم من أهل الشمال .

HAMANN

**Donzi** · 15-09-2010 03:25 AM

المشاركة الأصلية كتبت بواسطة hamann

السلام عليكم و رحمة الله و بركاته

طاب داللى حاطط مرايتين بس , يبقى طيب أوى و محترم , ده انا بشوف ناس حاطة صف مرايات بالطول على الناحية اليمين , من فوق لتحت و انا بالفعل عارف من زمان ان دى بتبقى عشان تعكس جسم اللى راكبين فى الكرسى الأمامى من فوق لتحت و أكيد مش هيدور على راجل يركب جمبه , أكيد بتبقى ؟؟؟؟؟؟؟ و أنتوا فاهمين و أنا فاهم .

بس العيب مش عليه , العيب على اللى تلاقيه حاطط صف مرايات كده و برضه تركب جمب السواق فى الكرسى الأمامى , لأن السواق اللى بيبقى حاطط مرايات بالشكل ده و يلاقى واحدة رغم كووووووووووووول المرايات دى,برضه تركب جمبه فى الكرسى الأمامى , بيبقى اتأكد انها مش ولا بد .

hamann

دة على اساس انها عارفة انوا حاطط المرايات دي كلها للغرض ال ...... دة ؟؟؟؟!!!!

انا واحدة من الناس لما كنت بركب مواصلات قبل العربية كنت بفضل الكرسي اللي جنب السواق عشان اخده لوحي و ادفع اجرتين و لا حد يقعد جنبي و لا حد يتزنق فيا و هو طالع ولا و هو نازل و المعلومة دي انا اول مرة اعرفها كنت فاكرة انها محطوطة بغرض الترويش يعني و الحركات اللي على العربية من كل اتجاه

لكن عمر ما هيبقى في واحدة عارفة الغرض من المرايات دي و برضو هتركب في المكان دة عشان نجيب العيب عليها !!!!!!!!!!!!!!!!!

.

**lancerevolution** · 15-09-2010 03:28 AM

المفروض بتتحط عشان تشوف الطفل الصغير الى فى الكرسى الى ورا بس الهدف الرئيسى منها زى ما حضرتك بتقول حتى هتلاحظ نوعية السائق الى حاطتها سواء تاكسى أو ميكروباص

**Dr Ahmed** · 15-09-2010 03:31 AM

المشاركة الأصلية كتبت بواسطة donzi

دة على اساس انها عارفة انوا حاطط المرايات دي كلها للغرض ال ...... دة ؟؟؟؟!!!!

انا واحدة من الناس لما كنت بركب مواصلات قبل العربية كنت بفضل الكرسي اللي جنب السواق عشان اخده لوحي و ادفع اجرتين و لا حد يقعد جنبي و لا حد يتزنق فيا و هو طالع ولا و هو نازل و المعلومة دي انا اول مرة اعرفها كنت فاكرة انها محطوطة بغرض الترويش يعني و الحركات اللي على العربية من كل اتجاه

لكن عمر ما هيبقى في واحدة عارفة الغرض من المرايات دي و برضو هتركب في المكان دة عشان نجيب العيب عليها !!!!!!!!!!!!!!!!!

.

وأنا زيك
وحتى لما كنت بوصل حد من قرايبى كنت بحاول أحجز لهم الكرسى ده

لكن خلاص لازم الواحد يعاين العربية الأول!!!!

**hamann** · 15-09-2010 03:37 AM

المشاركة الأصلية كتبت بواسطة Donzi

دة على اساس انها عارفة انوا حاطط المرايات دي كلها للغرض ال ...... دة ؟؟؟؟!!!!

المعلومة دي انا اول مرة اعرفها كنت فاكرة انها محطوطة بغرض الترويش يعني و الحركات اللي على العربية من كل اتجاه

لكن عمر ما هيبقى في واحدة عارفة الغرض من المرايات دي و برضو هتركب في المكان دة عشان نجيب العيب عليها !!!!!!!!!!!!!!!!!

.

السلام عليكم و رحمة الله و بركاته

الدنيا فيها الحلو والوحش و البنات برضه فيها الحلو و الوحش, السواق اللى حاطط المرايات دى فاكر أن كل الناس عارفة ايه الغرض منها .

يبقى - فى اعتقاد السواق يعنى - أن البنت اللى برضه بتركب جمب السواق و هى شايفة كوووووووووووووول المرايااااااااااااات دى , تبقى مش ولا بد و اللى بتركب ورا و مابتركبش أودام تبقى ميه ميه , ده السواق اللى فاكر كده مش أنا .

طبعا ده خياله المريض اللى بيصورله كده , بس ده غير صحيح بالمرة لأن زى ماسيادتك قولتى أن مش كل البنات عارفة السيم ده .

و عشان كده , احنا فتحنا موضوع هنا فى المنتدى الراااااااااااااااااااائع ده عشان نقول الكلام و التحديرات اللى احنا عايزين نقولها و ياريت الحاضر يبلغ الغايب .

لكن انا ماكنتش أقصد أن أى بنت بتركب أودام بتبقى فاهمة السيم ده و أنها بتبقى بنت من اياهم و كده .

أنا آسف جدا على سووووووووووووووووء الفهم .

شكرا و آسف للاطالة

HAMANN

**Donzi** · 15-09-2010 03:45 AM

عموما حصل خير بس صدقني ناس كتير متعرفش السيم دة لا بنات ولا رجال زي ما هو واضح من مشاركات الزملاء

بس بصراحة كلامك صدمني لانك قلت على لسانك انت

بس العيب مش عليه , العيب على اللى تلاقيه حاطط صف مرايات كده و برضه تركب جمب السواق فى الكرسى الأمامى

بس مادام قصدك الكلام دة من وجهة نظر السواق يبقى سماح المرة دي

.

-

الموضوع: ليه سواقين الميكروباص بيرّكبُوا مرايات أمام كرسى الراكب اللى جنبهم؟اكتشاف منيل بنيلة!

LinkBack

أدوات الموضوع

عرض

-

-

-

-

-

-

المواضيع المتشابهه

سواقين مش عارفين قيمة العربيات إلى معاهم (سواقين الميكروباص فى الفلاحين)

مشاكل سواقين الميكروباص لا تنتهى

ربنا ياخد سواقين الميكروباص

سواقين الميكروباص

معاً ضد سواقين الميكروباص

الكلمات الدلالية لهذا الموضوع

المفضلات

المفضلات

ضوابط المشاركة