مساعدة في شوية صيانة فى العربية

**zocor742** · 15-09-2010 05:24 AM

السلام عليكم
كل سنة وحضرتكم طيبين جميعا
كنتعايز اخد رأيكم فى شوية شغل بسيط كدة
فية صوت مع المشى عامل فوووووو وكل ما السرعة تزيد بتعلى ولما بمور الفتيس مش بتختفى
تفتكروا دى بلي عجل زى ما خمنت ولا لأ
وبكام البلى الامامى النظيف والعادى عشان مجبش اى حاجة مضروبة لأنى مغيرة السنة اللى فاتت .

العفسة عندى كويسة الحمد لله بس فية صوت تكة محدش عارف يطلع مصدرها
مش بتظهر غير فى النقر واحيانا وانا نازل من مطب او فى الارض العالى والواطى .
بس فية 3 صنايعية من ضمن اللى روحتلهم قالولى دة الاستبليزر والباقى حاجات كتير اوى واللى يحور عاليا ويقولى مساعد .
اخر حاجة التكييف مبقاش يسقع زى الاول خالص يمكن بالليل بس تحس بية و على 3 كأنة على 1 .

انا اسف على الاطالة ومستنى ردود الخبرا والاعضاء .والف شكر

**popahly** · 15-09-2010 09:35 AM

نفس الصوت اللي عندي بسمعه في النقر برضوا وغلبت من الصوت دا ومفيش برضوا حد عرف يحل المشكلة دي اخر مرة ربط علي كل حاجة في العربية الصوت اختفي ورجع تاني بعد اسبوع

**احمد المصرى** · 15-09-2010 09:50 AM

احتمال كبير يكون بلى عجل خلفى مش امامى ودا هيبان لما الميكانيكى يرفع العربيه ويلف العجل واكيد هيعرف ان شاء الله والبلى الخلفى هتجيبه من المنير او ابو الحسن الطقم بى 90 ج تقريبا بس معرفش البلى الامامى بكام بصراحه

**zocor742** · 17-09-2010 05:29 AM

هو الصوت باين اوى انة جاى من قدام . وكل ماالسرعة بتزيد بيعلى معاها .
وهل اليلية بتأثر على السحب ولا لأ .
الصراحة معرفش العفشجى بيربط الميزان ولا لأ
هو اخر مرة جة يربطهالقاها متربطة قالى مش محتاجة تربيط وربط بس على قاعدة المتور اللى تحت جنب الجكمان شوية.
ياجماعة محدش يعرف سعر بلى العجل كام اا اسمع انة غالى صح ؟
وشكرا للتوضيح