محتاج مساعده اهل الخبره في الدنيا بتاعتنا دي :(

**magyver** · 15-09-2010 08:14 AM

ماحنا عايزين نعرف السبب الرئيسي اية
لو هو اللي انا قلتلك علية دة ممكن ليها حل انشاء الله

**احمد المصرى** · 15-09-2010 09:10 AM

المشاركة الأصلية كتبت بواسطة magyver

فعلا موقف صعب جداااااااااااا
وهو سبب رفض والدك ان مامتها ممرضة ولا فية اسبااب تانية
لو هو دة السبب الوحيد معلش معلش انا اسف انا اسف بجد في الكلمة
والدك بتاع مظاهر انا اسف لو الكلمة هاتزعلك
واية يعني والدتها ممرضة بس نااس محترمين ومتدينيين وناس افااضل
بجد والله ربنا معاااااك
وان شاء الله تلاقي حل

والراجل سال علايهم وجاله كلام مش كويس على كلام صاحب المشكله ودى نقطه مهمه جداااااااااااااا بس ما هو الكلام ال مش كويس ال جه لوالدك علشان يرفض كدا

والمستوى الاجتماعى مهم جدااااااااااااااااااا يعنى لازم يكون فى توافق اجتماعى بين العائلتين

**ahmed4000** · 15-09-2010 09:48 AM

لو الوالد رافض بس علشان الام ممرضة يبقى حرام عليه وربنا حيعاقبه لانى اى سف ده يعتبر ظلم ولازم تفهمه كده ولازم يصارحك

لكن لو فى حاجة تانية لانك بتقول انه اشتغل مع الام (وللاسف الممرضة غالبا وبقول غالبا مش بعمم بتبقى سمعتها مش اد كده) يبقى تسيبها لان العرق دساس ومهما قلت فالبنت حتبقى نسخة من الام

**viper911s** · 15-09-2010 10:05 AM

بص يعنى من اخ بقول فى المواضيع دى الاهل ليهم نظرات تانية
انا مرتبط وبحبها وهى بردو وحيدة بس اهلى مش عاوزين يروحوا غير لما الشقة تيجى
وبصراحة تعبت من كتر الكلام وسبت الموضوع على ربنا
انت صليت استخارة (جرب وصليها )
وحاول تقعد مع والدك وقولة سبب الرفض اية هيقولك سمعت عنهم وحش واقلب النقاش لجدال كبير شوية (زى ما والدى بيعمل معايا )
وتقولة ولا هى علشان كانت ممرضة عندك حاول تحسسة انك فعلا عايز تفهم وتاخد كل الكلام بهدوء
انا حاسس الى انت فية احساس انك ظلمت انسانة وانك حاسس بالعجز و انك مش عارف تعملها حاجة
بس حاول تعمل نقاش عقلاء الغى قلبك واحساسك معاة
خد بالك انت لو عاوز تسيبها انت عملت الى عليك قدمها انت مظلمتش انت كنت ناوى خير واتقدكت ومحصلش نصيب انا عارف انها هتتعب لكن محدش بيموت من الحب هتتعب جامد وهتتأثر وانت لو النقاش مجاش بحاجة موفيدة انهى العلاقة بشكل سريع علشان العلاقة فى الوقت الحالى تعذيب ليها اكتر

اسف للااطالة بس انا حاسس بيك

**Soma_Sooma** · 15-09-2010 10:09 AM

انت فمشكلة جامدة فعلا

بس اولا : ايه هو الكلام الوحش اللى بباك سمعة؟؟؟

وهل فعلا سأل ولا دة كلام؟؟؟

خلى حد تبعك انت تثق فية يسأل عليهم و يتأكد

ثانيا : انت بتقول ان المستوى الأجتماعى اقل ممكن افهم اقل بالنسبة لأية (فلوس ولا اخلاق ولا بالبلدى كدة سورى يعنى ناس بيئتهم مختلفة)

على فكرة الأسئلة دى لو عرفت ايجابتهاا هيكون فيها حل ان شاء الله

بس فى حاجة مهمة قوى لازم تفكر فيها انك لما بتتجوز مش بتتجوز بنت بس لا بتتجوز عيلة كمان

لو هم مش فمستواك

اول حاجة هتقابلها الفرح ودىبقى كارثة هتبقى مكسوف منهم لأن هيكون فى فرق كبير بين العيلتين
وهتلاقى عيلتك كلها واخدة جنب من البنت دى

تانى حاجةو دة الأهم : اذا اتجوزتو وخلفتو هل هتقدر تصيطر على تربيةاولادك؟؟؟

يعنى لو ممتها مثلا متعودة تقول لفظ كدة وانت معترض علية طفلك طبعا هيلقط منهم ساعتها مش هتعرف تصيطر على اهل زوجتك وتصرفاتهم مع احفادهم ؟؟

دة غير معاملة اهلك لزوجتك طبعا هتكون وحشة جدااااااااااا

وانت كمان ممكن بعد فترة لما تشوف الفروق على طبيعتها و تروح زهزةالحب دى (هتقول يارتنى كنت سمعت كلامهم)

الكلام دة لو هم فعلا كدة

فكر كدة فى النقط دى ورد عليا فيهم عشان ردك هيترتب علية كلام تانى

**msfahim** · 15-09-2010 04:13 PM

"تخيروا لنطفكم فان العرق دسًاس" انصحك ان تبعد عنها للأسباب الأتيه:-
1-رضا الوالدين(دينيا لازم تسمع كلامه و دنيويا خبرة والدك اكبر منك
2-المستوى الأجتماعى و المهنة المذكوره !!!!!!!!!!!!!!!!!!!!!!!!
"والمستوى الاجتماعى مهم جدااااااااااااااااااا يعنى لازم يكون فى توافق اجتماعى بين العائلتين"و انا لقيت فتوه دينيه بهذا المعنى

3-مش نهاية الكون انك تنفصل عن انسانه ارتبطت بها حتنساها(الأنسان من النسيان).
""""لكن انا خايف عليها جدا...ضميري مش مطاوعني اسيبها...خايف تعمل ف نفسها حاجه"""
ادى لضميرك اجازه مؤقته و بلاش الأفلام الأبيض و الأسود ديه....انا لا اسخر من شعورك و لكن اجمد حتقابل مواقف كتير اعنف من ديه و تتخير بين امرين احلاهما مر......

**أشرف فتحى** · 15-09-2010 09:13 PM

أنا فهمت من كلام حضرتك....انك مفيش مشكله انك تسيبها....لكن مشكلتك انها صعبانه عليك...وحاسس بالذنب...

خدها بقى منى نصيحه ومتزعلش....

سيبها دلوقتى أحسن......ومتخافش لما هتسيبها هتنساك تماما وهتكمل حياتها عادى جدا....وكلامى انا واثق منه...

وأعرف واحده حاولت الانتحار لما واحد كان هيخطبها سابها....وربنا انقذها وعملولها غسيل معده...

دلوقتى ما شاء الله معاها طفلين من واحد تانى وسعيده فى حياتها..وعادى جدا...

**shiko85** · 15-09-2010 09:32 PM

حسابات الأهل بتكون مختلفه تماما لانهم مش تحت اى تأثير (حب) و نظرتهم المستقبليه و خبرتهم تخليهم شافين اللى انت مش شايفه
اوقات كتير بتلاقى واحد بيحب واحده و كل صحابه معترضين عليها و بعد فتره بيكتشف انه كان غلطان و ان اصحابه حكمهم كان صح لانهم شايفين اللى هو مش شايفه
دا بالنسبه للأصدقاء اللى تقريبا فنفس العمر و نفس الخبره ما بالك بالأهل !!
و بعدين انا ملاحظ انك خلاص عديت مرحله التفكير انك تسبها (يعنى مقتنع بكده خلاص) و بتفكر فيها و ايه اللى ممكن يحصلها, صدقنى مش هيحصلها حاجه كل واحد بياخد نصيبه مش اكتر
اسمع كلام والدك و ارضيه و احتسب عند الله و ادعى ان ربنا يخلف عليك بأحسن منها و ساعتها هتعرف اد ايه والدك كان خايف عليك و بيدور على مصلحتك
ولو مش عارف تقولها ايه, قولها على اللى حصل و ان والدك قرر انك لو كملت معاها يبقى هتكمل لوحدك و خليها تسأل والدتها و شوف هتقولك ايه بعد كده

**ghada_zaky** · 15-09-2010 09:42 PM

انا راى ان بصرف النظر عن راى والداك بس انت عايز متملش الموضوع اى كانت اسبابك ايه واللى مش مخليك تقدر تعمل كده هو احساسك بالذنب ناحيتها ...وفى الحالة ديه مينفعش علاقة تستمر ويكون سبهها الاساسى اللى مخليها تستمر هو الاحساس بالذنب وخلى بالك انا بقول الاساسى مش الوحيد
فكده يبقى انهى الموضوع لانها حتحس بمشاعرك الحالية وحيكون برده احساسها وحش فيبقى تعب ساعة ولا كل ساعة بدل ما الامور تبقى فيها مشاكل بينكم بعد كده

الموضوع: محتاج مساعده اهل الخبره في الدنيا بتاعتنا دي :(

LinkBack

أدوات الموضوع

عرض

-

-

-

-

-

-

المواضيع المتشابهه

محتاج مساعده اهل العلم و الخبره .. جوزينم من الله خيرا :)

البلد دى خلاص بقيت مش بتاعتنا....بس لا هيه بتاعتنا, ادخل و انت تفهم

محتاج مساعده هجيب ام فورتى مو 91 محتاج مساعده

محتاج مساعده من اصحاب الخبره فى البونتو

يا ريت اجايه يا شباب من ذوي الخبره قبل ما نعك الدنيا

الكلمات الدلالية لهذا الموضوع

المفضلات

المفضلات

ضوابط المشاركة