الموضوع: محتاج مساعده اهل الخبره في الدنيا بتاعتنا دي :(

اعتقد من الصعب جدا انك تخسر اهلك
وخلى بالك نظرة الاهل دى بيبقى ليها اسباب عندهم وعرفين ان غالبا الجوازة دى مش هتبقى مريحة ليك انت بعد كدة

انا محبتش في حياتي حد زيها بس مش هقدر ابدأ حياتي بغضب الوالدين ولا عمري كنت مخطط لكده طول عمري نفسي يفرحو اكتر منا فرحان
ساعات اقول ل نفسي يمكن كلامهم صح ويمكن شايفين اللي انا مش شايفه بحكم الخبره واقنع نفسي بكده
بس مبنامش من تخيلاتي عنها وعن حياتها بعدي..هي انسانه ضعيفه جدا ادام مشاعرها وانا حاسس اني هعيش حاسس اني ظلمتها مع اني والله العظيم ماظلمتها ولا لعبت بيها بس الظروف زي ما حضرتك شايف

ازاي اريح ضميري طيب؟؟
اهلي بالنسبه ليهم الموضوع عاتدي ومش شايفين مبرر ان ضميري يوجعني بس محدش في الدنيا عارفها ادي
هيا ملهاش غيري اخوتها برا مصر و اهلها كبار ف السن ومفيش تواصل
ازاي ابطل اتخيلها بتتعذب بسببي؟

فعلا موقف صعب جداااااااااااا
وهو سبب رفض والدك ان مامتها ممرضة ولا فية اسبااب تانية
لو هو دة السبب الوحيد معلش معلش انا اسف انا اسف بجد في الكلمة
والدك بتاع مظاهر انا اسف لو الكلمة هاتزعلك
واية يعني والدتها ممرضة بس نااس محترمين ومتدينيين وناس افااضل
بجد والله ربنا معاااااك
وانشاء الله تلاقي حل

ظاهريا بيقلي مش دا السبب الرئيسي وانه سأل ولقي الناس مش مريحين ومش مناسبن يعني
بس داخليا انا حاسس للاسف ان دا سبب رئيسي

طيب والدتك رايها اية في الموضوع
وممكن يكون كلام والدك بردة صح
احنا عايزين نمسك العصااية من النص

والله مشكلتك صعبة جدا ومش لقيها حل مفيش قدامك غير حل واحد بس متقولش عليا مجنون خد كلامى للاخر
هاتلها عريس بجد مش بهزار اصل انت بتقول ملهش غيرك عشان اخواتها بارة واهلها كبار فى السن وهى فعلا بالطريقة دى هتتعذب وممكن تحس ان الحياة كدا انتهت فانت فاهمها انكم كدا وصلتم لحارة سد وانكم كدا بتضيعوا وقت ومفيش امل لانك لو استمريت فى الموضوع دة يبقا هى هتضيع حياتها على وهم واحلام وانك هتخسر اهلك واوللهم ولدك واقناعها بكدا وقولها شوفى حياتك وفعلا جبلها عريس واقنعها بالموضوع وقولها لو بتحبنى اعملى دة وهى لما تلقى حد تانى بيهتم بيها وبيحبها هتقدر تعيش تانى وهتحب مع الوقت وطبعا لازم تقطع معها نهائى واتفق معها على كدا وانت برضوا لازم تخطب فى اقرب وقت شهر او اتنبن واخطب وهتلفى نفسك مع الوقت بتنسا خصوصا انك هتبقا مطمن انها كويسة وعايشة من بعدك واوعا يوم من الايام تفكر تكلمها او ترد على تلفونتهم لان الحب من النوع دة عامل زى البنزين والكبريت ممكن فى مكلمة واحدة ترجعوا تحبوا بعض تانى ويبقا ولا كانك عملت حاجة واسائل مجرب
لو قدامك اى حل تانى تبقا مطمن عليها بى اعملوا بس فى نفس الوقت اوعا تلعب بيها وتعلقها على الفاضى طلما مفيش امل