النيتروجين فى الكاوتشات .... سؤلات واستفسارات

**harizy** · 15-09-2010 07:26 AM

السادة الزملاء الأعزاء ملاك النيسان

كل عام وحضراتكو بخير وفى أحسن حال إن شاء الله، والعام القادم بإذن الله تكونوا أحسن وأحسن.

سؤالى لحضراتكوا عن ملء الكاوتشات بغاز النيتروجين هل له بيفرق فعلاً؟؟

يعنى بشكل أدق هل بيخلى العربية ثابتة والعفشة أنعم، استهلاك البنزين أقل، سحب العربية أسرع، بيأثر على العمر الافتراضى للكاوتشات، والسؤال الأهم هل فيه ضرر لو مليت الكاوتش هواء مع النيتروجين؟؟ وده باعتبار أنى مش من سكان القاهرة وموضوع النيتروجين ده مش معروف أوى فى الأقاليم؛ فهل لو اضطريت إلى تزويد الكاوتش هواء مع النيتروجين ده فيه ضرر ولا يجب أن أفضى النيتروجين تماماً وبعدين أملء هواء على نضيف ثم أخيراً معلش وآسف للإطالة لو فيه عجلة مليانة هواء والباقى نيتروجين هل ده له ضرر على العفشة.

أنا عارف إنها أسئلة ممكن تكون سخيفة بس الواحد بيحب يضع كل التصورات أمامه ويستفيد من خبرة زملائه عشان الفائدة تعم، وشاكر مقدماً الردود.

**Ahmed.TV** · 15-09-2010 12:38 PM

هو ممكن ياثر فى ثبات العربية بحاجة بسيطة لسبب:لان بتضمن ان الاربع فرد كاوتش مظبوطين على رقم ثابت
مش زى لما بتملا هوا , وبعد ما بتملاء الهواء مثلا على 30 او 28 تلاقى فردة بقة 33 وفردة تانية 31

وكمان بردوا حيفرق فى استهلاك البنزين ولكن بنسبة بسيطة ممكن حوالى 2% على الاقل

ده غير بيقلل احتمالات حدوث انفجار للكاوتش ومبيتأثرش بحرارة الجو

وبعدين النيتروجين بيحافظ على الكاوتش من اى تاكل للاطار من جوة يعنى بيحافظ وبيطول عمر الكاوتش اذا كان بيستخدموه كمادة فى صناعة الفولاذ عشان لايصدا

وبياثر بنتيجة كويسة على استخدام الفرامل لان الكاوتش مش بيكون سخن بسبب ملائه بالنيتروجين ودايما الاطارات بتكون فى حالة افضل وباردة

مش بتحتاج تزود إلا على فترات بعيده

بيتحمل صدمات المطبات الغبية بتاعت اراضينا , والعفشة انعم بس مش قوى بردوا

بص هو بياثر فى استخدامه على الاداء , ولكن زى ما قولتلك بنسب , ولكن لما حتجمع النسب دى اكيد حتفيد فى الاخر

تزود هوا على نتيتروجين عادى لو اضطريت لكدا ولما تروح تزود نيتروجين تانى بيتم شفط الهواء
والجهاز اللى بيشفت فيه خرطومين بمحبسين واحد لتزويد للنيتروجين والتانى لشفط الهواء

وادعيلى اروح ومكسلش واعمله انا كمان و مع ان معايا الاستيكر وحاخد خصم من بريدج استون بس تعمل ايه كسل بعيد عنك

ويارب اكون قدرت اجاوبك على استفساراتك

وانت تؤمر يا استاذ محمد

تقبل تحياتى

**Ahmed.TV** · 15-09-2010 04:38 PM

ربنا يخليك يا محمد باشا , ومتشكر على شعورك الطيب ده
وكلنا مش لوحدى مش بنتاخر على مساعدة بعض ابدا
والكل متعاون , والحمد لله ان قسم نيسان اصبح من الاقسام النشطة وده لترابط اعضائه والحب اللى بينهم على المستوى الشخصى , واللى بنسعى اليه بترجمة صفحات النت دى الى صداقات حقيقية
,لو حتلاحظ كمان ان فى حب فى نقل المعلومة وافادة بعضنا
وربنا يديم الروح والتعاون بين اعضاء القسم دايما والمنتدى جميعا

وباذن الله حروح واعمله انا كمان بس مستنى بعد لما اعمل صيانة ال30 الف فى التيدا عندى وقدامة حوالى 1000 بس

وباذن الله يدخلوا باقى الاعضاء يفيدوك فى موضوعك لو كان عندهم معلومات اكبر

وحتلاقى كمان بيشوى معانا مزود نيتروجين وحيقولك عمليا اكتر كمان

**HOSSAM_GABRE** · 16-09-2010 06:59 AM

عن تجربة
انا نيسان صنى سوبر صالون 2011
لسه مالى نيتروجين من يومين فى بريدجستون على البحر فى الاسكندرية
الفردة ب 5 جنيهات - الاجمالى 20 جنية
الفارق
لاحظت العربية كانت غير ثابتة معايا فيه حدفة بسيطة وانا ماشى على سرعة عالية كنت مركز زيادة قوى مع الدركسيون ومش مطمئن بعد النيتروجين الثبات بقى تحفة وحسيت فعلا بثبات الصنى اللى ناس بتتكلم عليه , طبعا مش شرط يكون النيتروجين السبب ممكن لان اصلا الضغط عندى مش كان مظبوط فى البداية , بس انا بقول اللى لاحظتة
ضغط الاطارات عندى 36/33 وتقريبا لان نوع الكاوتش اختلف فى 2011 الطبخة نفسها مش الماركة ودة استنتاج .
العفشة بقت انعم بصورة ملحوظة والمطبات بتاخدها على الهادى بدون احساس ( عفشة النيسان فعلا مميزة ومتماسكة )

**khaled308** · 16-09-2010 01:32 PM

المشاركة الأصلية كتبت بواسطة hossam_gabre

عن تجربة
انا نيسان صنى سوبر صالون 2011
لسه مالى نيتروجين من يومين فى بريدجستون على البحر فى الاسكندرية
الفردة ب 5 جنيهات - الاجمالى 20 جنية
الفارق
لاحظت العربية كانت غير ثابتة معايا فيه حدفة بسيطة وانا ماشى على سرعة عالية كنت مركز زيادة قوى مع الدركسيون ومش مطمئن بعد النيتروجين الثبات بقى تحفة وحسيت فعلا بثبات الصنى اللى ناس بتتكلم عليه , طبعا مش شرط يكون النيتروجين السبب ممكن لان اصلا الضغط عندى مش كان مظبوط فى البداية , بس انا بقول اللى لاحظتة
ضغط الاطارات عندى 36/33 وتقريبا لان نوع الكاوتش اختلف فى 2011 الطبخة نفسها مش الماركة ودة استنتاج .
العفشة بقت انعم بصورة ملحوظة والمطبات بتاخدها على الهادى بدون احساس ( عفشة النيسان فعلا مميزة ومتماسكة )

انا معايا صنى 2011 و فعلا مكتوب ان ضغط الاطارات 36 قدام و 33 ورا بس النيتروجين بس فى زميل فى المنتدى نصحنى ان يكون الضغط 32 / 29 طبعا الكلام على النيتروجين ارجوا الافاده من حضرتك اذوده 36/33 ولا لا عشانى معنديش خبره فى موضوع النيتروجين
اشكرك

**ahmad--ezzat** · 16-09-2010 01:40 PM

المشاركة الأصلية كتبت بواسطة harizy

السادة الزملاء الأعزاء ملاك النيسان

كل عام وحضراتكو بخير وفى أحسن حال إن شاء الله، والعام القادم بإذن الله تكونوا أحسن وأحسن.

سؤالى لحضراتكوا عن ملء الكاوتشات بغاز النيتروجين هل له بيفرق فعلاً؟؟

يعنى بشكل أدق هل بيخلى العربية ثابتة والعفشة أنعم، استهلاك البنزين أقل، سحب العربية أسرع، بيأثر على العمر الافتراضى للكاوتشات، والسؤال الأهم هل فيه ضرر لو مليت الكاوتش هواء مع النيتروجين؟؟ وده باعتبار أنى مش من سكان القاهرة وموضوع النيتروجين ده مش معروف أوى فى الأقاليم؛ فهل لو اضطريت إلى تزويد الكاوتش هواء مع النيتروجين ده فيه ضرر ولا يجب أن أفضى النيتروجين تماماً وبعدين أملء هواء على نضيف ثم أخيراً معلش وآسف للإطالة لو فيه عجلة مليانة هواء والباقى نيتروجين هل ده له ضرر على العفشة.

أنا عارف إنها أسئلة ممكن تكون سخيفة بس الواحد بيحب يضع كل التصورات أمامه ويستفيد من خبرة زملائه عشان الفائدة تعم، وشاكر مقدماً الردود.

فى اللف موضوع عن النيتروجين....الاسئله مش سخيفه طبعا....بس لو دورت فى البحث هتلاقى كل اللى انت عايزه واكتر

راجععععععععع اللينك دة

:: نــايــل مــوتــورز:: - :: NileMotors.net ::

**mohamednagib** · 25-06-2011 12:54 AM

المشاركة الأصلية كتبت بواسطة khaled308

انا معايا صنى 2011 و فعلا مكتوب ان ضغط الاطارات 36 قدام و 33 ورا بس النيتروجين بس فى زميل فى المنتدى نصحنى ان يكون الضغط 32 / 29 طبعا الكلام على النيتروجين ارجوا الافاده من حضرتك اذوده 36/33 ولا لا عشانى معنديش خبره فى موضوع النيتروجين
اشكرك

يا ريت فعلا لو حد يفيدنا بالمعلومة دي ....