## نبذة عن اسعار قطع غيار السوبارو امبريزا الجديدة ##

ياجماعة اسعار قطع غيار السوبارو امبريزا بقت غالية واغلى من القديمة اتصلت بيهم ادونى شوية اسعار قولت اوريهالكم :
الاكصدام الامامى : 2150
الاكصدام الخلفى : 2150
تيل الفرامل الامامى او الخلفى : 550
الطنابير : 770
فلتر الهواء : 120
فلتر الزيت : 44
بوجيهات : 200 ( وسر ان البوجيهات بقى اغلى فى الموديل دة عن القديم ان عمرها الافتراضى بقى اطول وبقت تتغير كل 100 الف كيلو )
فانوس امامى : 2200
فانوس خلفى : لم يتم تسعيرة بعد لانه قطعتين ( انا اظن الراجل مش راضى يصدمنى بالسعر لان الفوانيس ليدات وهتبقى غالية جدا )
جنوط ال wrx ال 17" : بتزود 8000 جنية وبياخد الجنوط اللى فى العربية وبيديهالك

لا والصدممممممممة سعر العربية ال امبريزا 2008 غلى بقى ب 120.000 جنية بسالهم ليه قالى الين اليابانى بقى اغلى قولتلو واحنا ذنبنا اية :(
بجد ياجماعة لو استمر ابو غالى فى الاسعار دية العربية م هيبقى ليها سوق فى مصر وهتنحصر فى رنج الناس اللى فاهمين يعنى اية سوبارو وهيستحملو اسعار قطع الغيار الغالية جدا ,,,,
والله كنت بفكر اشترى الجديدة ومشكلة الشنطة كنت هحلها ب roof rack بس للاسف كدا طلعت بره اختياراتى

لأ بجد اسعار قطع الغيار غالية شوف حاجة تانية احسن

على فكرة سعر امبريزا غلي بس في محمد عبد الهادي لكن في ابو غالي نفسه لسه نفس التمن 118

طبعا انا متوقعتش ان قطع الغيار في 200ر تغلي كده خصوصا تيل الفرامل
من 380 الي 550 كتيييييير

لو العربية الوحيدة في العالم الواحد ميشتريهاش بالاسعار الرهيبة دي ليه يعني صحيح السوبارو جامدة بس مش الماني يعني طلعت نزلت ياباني ده الالماني اللي بنقول عليه غالي ارخص من كده بكتيييييييييييييير حرام العربية دي سوقها كده هيفشل عندنا










Ibiiiiiiiiiiiiiiiiiiiiiiiiiiiiiizzzzzzzzzzzzzzzzzz zzzaaaaaaaaaaaaaaaaaaaa For Ever

الاسعار فعلا بقت ب 120.000 جنية فى ابوغالى وانا اتصلت واتاكدت من كدا فعلا مش عارف اية نظام عبدالهادى ,,,
يااستاذ محمد الامبريزا تعرف بيسموها اية ؟؟ بيسموها (the car that germans wished to
(made
يعنى بالذات العربية دية بتنافس الالمانى
والله فعلا العربية دية ممكن تاكل سوق اليابانى كلة بس لو الدعاية والاسعار اتظبطت :( للاسف شكلى ماليش نصيب فيها يا استاذ فهد وهدورلى على حاجة تانية :(

اعتقد ان الأسعار بتاعه قطع الغيار دي هتنزل اكيد زي ما حصل في الموديل القديم. دور كده على اسعار قطع غيار الانسر الجديده و قوللي ايه الأخبار ;)

انا شوفت الجنط الـ 17" اللي عندهم.. هوه سوبارو.. بس مش WRX خاااااالص :rolleyes:

شكله مش حلو... و على فكره هوه كوري.

طب و علي كده الاوتوماتيك بتاعها بقي بكام؟؟؟؟

الاوتوماتيك
كانت 128 الف للاوتوماتيك العادية
و134 الف للاوتوماتيك بمثبت السرعة و التحكم من الدريكسيون

اقتباس:

---

المشاركة الأصلية كتبت بواسطة vet mitcho

الاوتوماتيك
كانت 128 الف للاوتوماتيك العادية
و134 الف للاوتوماتيك بمثبت السرعة و التحكم من الدريكسيون

---

لأ يا جماعه الـــ RK بقت بـــ 136900 ولما روحت لأبو غالى أحجز مرضوش ينزلوا جنيه واحد بالرغم من أنى سأدفع كاش هذا بالأضافه أن الألوان غير متوافره

هو انا ممكن افاصل في سعرها؟؟؟ اصلي ناوي اجيب واحدة ورحت لعبد الهادي اسال علي عرض سعر للعربية(اصلي حجيبها قسط) الراجل قال لي 130000 (الاتوماتيك) فلو كده حد يقوللي ممكن ينزللي كام