اعمل الفرح فين

**FunnyMickey** · 15-09-2010 01:17 PM

ياباشا متروحش تسأل في الماسه وسيميراميس كونت نينتك
:)

دي اسعار المتوسط

العادي يعني
وعدد الافراد بيفرق جدا جدا

**zaza_lanos** · 15-09-2010 01:46 PM

اطلع على نادى حرس الحدود
امام جنينة الاسماك
انا لسه عامل فرحى هناك من شهرين
هتلاقى كل اللى انت عايزه
وهتدعيلى
ومبروك مقدما
وربنا يعينك على اللى هتشوفه

**egyptawy2010** · 15-09-2010 01:56 PM

المشاركة الأصلية كتبت بواسطة zaza_lanos

اطلع على نادى حرس الحدود
امام جنينة الاسماك
انا لسه عامل فرحى هناك من شهرين
هتلاقى كل اللى انت عايزه
وهتدعيلى
ومبروك مقدما
وربنا يعينك على اللى هتشوفه

معلش انا برة مصر وصعب اروح فعشان كده بجمع معلومات على قد ما اقدر

ممكن تقولى تفاصي اكتر

بكام وايه الا عجبك فيه وياسلام لو فيه صور للقاعات

شكرا

**RimonWagdy** · 15-09-2010 02:08 PM

دارات الجيش ... أفضل أسعار و خدمة كويسة , و مبروك مقدماً :))

**ghazy12** · 15-09-2010 02:26 PM

المشاركة الأصلية كتبت بواسطة egyptawy2010

سلام عليكم ياشباب

انا ان شاء الله هاجوز فى خلا 3 شهور وللاسف هنعملفرح

دلوقتى ايه نصايحكم ونجاربكم

ايه الاماكن المناسبة والكويسة

ممكن حد يدلنى

بيقولوا نادى نقابة المهندسين الا فى اكتوبر كويس

حد عنده فكرة

انا دخلت نادي المهندسين اللي في اكتوبر, و فعلا كويس جداا, لكن الفكره في الاسعار.!!!

انا ماعنديش خلفيه عنها, لكن مش هتقل كتيير قوي عن بره في قاعات الجيش و بوفيه قليل او بدون...

ليا صديق فرحه يوم 6 اكتوبر ان شاء الله, و حجز في دار المركبات تقريباً بدون بوفيه
و الموضوع كلفه 9000 تقريباً... و دي اقل حاجه ممكن تلاقيها في القاهره

ممكن تخليها سوفت درينكس بس (مشروبات سخن و ساقع فقط),
ممكن كمان تخليها مشروبات + اكل خفيف و بسيط (مش بوفيه),
ده لو شايف ان بدون بوفيه هيبقى شكلها وحش...

رأي لو الفلوس هتقصر معاك شويه, انك تعمل حاجه مش كبيره في مطعم او مركب
من اللي على النيل, اظن هيتكلف اقل او في حدود 8000 مثلا, و الاكل هيكون معقول,
ده لو الفكره تناسبك عموما... في ناس بتعمل الفرح في يخت دورين في النيل بردو,
و بيكون كويس قوي, و مش غالي على فكره, و مش تقليدي...

ربنا يوفقك و يتمهالك على خير ان شاء الله, و ألف مبروووك...

المشاركة الأصلية كتبت بواسطة eng/muhamad

هقولك عن التجربه بتاعتى
انا ان شاء الله فرح اختى خلال شهر 10 الجاى
و الفتره اللى فاتت شوفنا قاعات كتيييييييييير معظمها قاعات جيش
دار الدفاع - دار المشاه - دار الهيئه الهندسيه - نادى الشرطه - دار المدفعيه - دار الحرب الالكترونيه و حاجات تانيه كتيير كلها تقريبا فى صلاح سالم و مدينه نصر
احنا عاملين الفرح ل 150 فرد اقل سعر ممكن تلاقيه 12000 تقريبا و الفرح المتوسط بيعمل فى حدود 15000 او 18000 الاختلاف غالبا بيكون فى البوفيه بس ده متوسط الاسعار تقريبا
و يا رب اكون قدرت افيد حضرتك

+111111111

كلام سليم فعلا, لكن ممكن السعر يقل لو بدون بوفيه... و مش عيب على فكره

انا شخصياً اكتر حاجه بكرها في الافراح هي البوفيه, و عمري ما اكلت في بوفيه اي فرح او خطوبه

ده رأي بصراحه في موضوع البوفيه ده...

المشاركة الأصلية كتبت بواسطة funnymickey

طيب انا اختي كانت حتعمل في دار المدفعيه 100 فرد
وكان بوفيه وسط
وكان حيتكلف 25000 جنيه

طبعا استحرمنا
وعملناه فوق سطح الفيلا بتاعتهم
وفراشه وبتاع
وجبنا البوفيه من الشيف سرحان

الموضوع اتكلف بتاع حوالي 15000

انا بقي ان شاء الله اما حعمل فرحي
حأجر فيلا بجنينه
واعمل فرحي open area

معتقدش حيكون مكلف زي القاعات

وفيه حل الناس كلها بتعمله دلوقتي ومش مكلف خالص

بيكتب كتابه في قاعه كبيره
ويعزم خلق ربنا اللي يعرفهم واللي ميعرفهمش
وشيكولاته وعصير ب2000 جنيه

وتييييت تيييييت وزفه وعربيات وزيطه
ويروح علي بيته

وتاني يوم يسافر يتفسح هوا ومراته في حته ميه ميه
ويبقي ذكريات بالصور

مش تعمل فرح وتصرف اد كده
وتيجي الستات القراشانات تتريق وتقولك شفت العروسه مش عارف ايه والعريس ايه وام العروسه وام العريس

وعلي ايه ياعم الصداع ده

جوز اختي كان نفسه يعمل الفرح Open Air... و الموضوع كان فكرته جديده و محمس جداا

الاول كان عايز يعمله في لسان الوزراء في مارينا, على البحر مباشرة, و على الشط نفسه...
لكن حصلت شوية مشاكل كده في موضوع التصاريح بسبب وزير (لطيف) بدون ذكر اسمه

احنا اقترحنا عليه يعمله هنا في اي مكان, و يخليها في القاهره افضل بدل مشوار الساحل الشمالي
لينا و لكل الناس اللي اتعزمت... مع انه كان في الصيف بردو, و كان يوم حفلة عمرو دياب كمان :))

لكن الفكره كانت محمسه, و هما الاثنين كانوا مقتنعين جداا بيها, و اقنعنا ان ده هيكون مميز اكتر (عنده حق طبعاً)

قرر يعمله في جنينة فيلته في مارينا بردو... و بلاش اقولك الفرح اتكلف كام لانه كان صدمه
غيييييييييييييير طبيعيه او متوقعه, و من ساعتها و لحد اللحظه دي (سنه) مش فاهمين
الرقم ده ازاااااااااي, و لييييييييه...!!!!!!! مع ان الفرح كان تحفه فعلا, و جديد في كل حاجه اتعملت فيه

الخلاصه... احسبها الأول, و احسبها كويس, لان تجهيزات اي فرح Open Air كتيييييييييييييير قوي
و مش هتتخيل التجهيزات كتيير و مرهقه قد ايه, و مكلفه بردو قد ايه... الفكره ممتازه بس لو محسوبه

لكن الأكيد, ان الفرح هيتكلف اكتر من تكلفة عمله في قاعه شيك جداا و بوفيه محترم كمان...

**abdulmageed** · 15-09-2010 02:40 PM

متابع باهتمام

**eng/muhamad** · 15-09-2010 02:55 PM

متابع بس الأسعار اللى اسمع عنها أغلى من كده بكتير متأكدين من الأسعار اللى مكتوبة ديه ؟؟؟؟؟؟

حضرتك احنا لما سألنا على الافراح مثلا فى نادى الشرطه كنا بنسأل على فرح بامكانيات معينه كان هيتكلف 18000 تقريبا و انا رايح فرح فى نادى الشرطه يوم الجمعه متكلف 43000 نفس المكان ممكن الرقم يختلف فيه اختلاف كبييييييييييير على حسب الفرح نفسه و العدد و البوفيه

طبعا المعلومات مفيدة قوى خصوصا انى الفرح فى نفس الفترة

معلش انا مش قصدى ادايق حضرتك بس صعب جداااااا ان لم يكن مستحيل تحجز الفرح دلوقتى و تلاقى وقت فاضى فى شهر 10 احنا حاجزين بقالنا فتره و حجزنا يوم 16/10 كان اليوم الوحيد اللى فاضى فى شهر 10 لازم تحجز قبل الفرح بشهرين او 3 شهور على الاقل

طيب ممكن تقولى استقريتم على ايه
وايه الحاجات الكويسة الا شفتوها

استقرينا على دار الهيئه الهندسيه بصراحه جامد و اسعره كويسه و الفرح هيتكلف 15000 تقريبا
و فى حاجات كويسه كتير بس صدقنى لازم حضرتك تنزل تتفرج بنفسك عشان القاعات ازواق ممكن قاعه تعجبنى و متعجبش حضرتك
اتفرج فى الهيئه الهندسيه و فى المدفعيه و فى الشرطه و الدفاع ممكن برده

وياترى معاك بورشور ليهم

اه معايا بس للاسف مش هعرف ارفعهم عشان الاسكانر مش شغال
بس لو حضرتك عاوز تعرف اى معلومه من البروشر اسال و انا هجاوبك ان شاء الله

**abofarah** · 15-09-2010 03:03 PM

دار ضيافة جامعة عين شمس

قاعات مكيفه او حدائق

جامد جدا و اسعاره هتعجبك قوى

**rockana** · 15-09-2010 04:06 PM

اولا الف الف مبروك
ثانيا انا هاقولك على فكره اكتر من ممتازة (من وجهة نظري طبعا )
....* اعمل الفرح (كتب كتاب فقط ) فى مسجد الرحمن الرحيم او مسجد الشرطه ( تكلفه حوالي 2500 شامل المأذون و القاعة و التصوير )
....* خد الناس و اطلع على حديقة الازهر و اعزمهم فى اي حته هناك (تكلفة حوالي 4000 ) دا لو انت هاتقعد فى اي كافيه هناك (وممكن تنفض لحوار العزومه اصلا)
....* خد باقى الفلوس و اطلع رحلة تركيا او ماليزيا او حتى تايلند (تكلفة حوالى 10000 - 15000 ليكوا انتو الاتنين)
و بكدا
1- هاترضي ربنا ( مفيش اغاني ولا رقص ولا حاجات تغضب ربنا )
2- عرفت تعمل شهر عسل و هاتتفسح فى اماكن غالبا مش هاتعرف تروحها بعد الجواز تاني نظرا لظروف البلد المنيله و اللى ماتطلوش النهارده مش هاتحلم بيه بكره

طبعا انا مش قصدي اقول ان الناس اللى بتعمل افرحها فى قاعات دي ناس وحشه (لا سمح الله ) بس معظم الناس دي بعد الجواز بكام شهر تقول نفس الجمله (بالزمه مش كنا صرفنا الفلوس دي على الفسح ولا جبنا عربيه ولا غيرنا العربيه احسن من ............)

و اخيرا الف مبروك كمان مره
(بس فكر تاني فى موضوع الجواز يابني ... شكلك ابن ناس و مش وش بهدله )

-

الموضوع: اعمل الفرح فين

LinkBack

أدوات الموضوع

عرض

-

-

-

-

-

-

المواضيع المتشابهه

سؤال للفتيات (الفرح) ؟

دموع الفرح ...!!!

الفرح الاسلامي

اعلان فيلم الفرح

تكاليف الفرح .. نار نااااار

الكلمات الدلالية لهذا الموضوع

المفضلات

المفضلات

ضوابط المشاركة