رأي الخبراء في دايو ماتيز 99

**samir_1990** · 22-05-2010 12:12 PM

شوف يا باشا انا عندى سيارة ماتيز موديل2000 منذ حوالى سنتين وهو سياره جميله جدا وصنعوها بعنايه جدا وهى سياره 850 سى سى ولاكنها فعلا مميزه وبسافر مع اولادى بيها السويس والاسكندرية وانا لما اشتريتها كنت فاكر انا هتكون ضعيفه جدا ولاكن العكس السيارة دى فيها ميزه ان لما بتكون مركب فيها اربعة اشخاص وانت على طريق سفر بتجرى انا جربتها حتى سرعة 140 وكانت جيده جدا وثابته جدا وعلى فكرة عمرها معطلت معايه وعلشان كده هى ماسكه على سعرها وهى موفر ه جدا فى البنزين وموتورها انجكشن وشكرا

**M.Zaher** · 22-05-2010 02:59 PM

المشاركة الأصلية كتبت بواسطة samir_1990

شوف يا باشا انا عندى سيارة ماتيز موديل2000 منذ حوالى سنتين وهو سياره جميله جدا وصنعوها بعنايه جدا وهى سياره 850 سى سى ولاكنها فعلا مميزه وبسافر مع اولادى بيها السويس والاسكندرية وانا لما اشتريتها كنت فاكر انا هتكون ضعيفه جدا ولاكن العكس السيارة دى فيها ميزه ان لما بتكون مركب فيها اربعة اشخاص وانت على طريق سفر بتجرى انا جربتها حتى سرعة 140 وكانت جيده جدا وثابته جدا وعلى فكرة عمرها معطلت معايه وعلشان كده هى ماسكه على سعرها وهى موفر ه جدا فى البنزين وموتورها انجكشن وشكرا

+1111111

**Eng_AmrAllam** · 22-05-2010 05:41 PM

لسة يا باشا جايبين لواحد صاحبي اوبل كورسا 94 بالثمن دة والعربية احسن من الماتيز بكتيرر
حاول تشوف انواع تانية

**شاهين - بنز** · 22-05-2010 08:13 PM

الماتيز مع واحد صاحبنا مطلعة عينه كله شويه بتيوظ ده غير إن مالهاش قطع غيار

**shankosi** · 23-05-2010 12:39 AM

أنا معايا ماتيز 99 والصراحة زي ما بعض الأخوة ذكروا هي حسب الحالة
العربية دي حساسة بمعنى انها بتحتاج مراعاة ومراجعة وأكثر شيء يؤذيها هو الإهمال
هي أصلا عربية مصممة لداخل المدينة ولكن مفيش مانع من السفر، بالعكس لما بسافر بيها بحس الموتور انتعش وسلك وصوته بيبقى اهدى والعادم ريحته بتنضف.

الماتيز مناسبة جداً لأسرة صغيرو او شاب او بنت جامعية مثلاً

سهله في الركنة وسهلة في المناورة

في الجري مش بطاله بتجيب معايا 140 بس بعد كده تبدأ تحس انها خفيفة على الأرض ولكن ممكن تفتح اكتر من كده لو مجنط بحرفنه بس كفياة كده اوي عليها.

احلى حاجة في العربية دي استهلاك البنزين بتاعها وبتعمل معايا حوالي 340 كم/الصفيحة داخل المدينة وعلى السريع الرقم بيكون احسن من كده بس محسبتوش بدقة الصراحة لاني مش بسافر كتير.

قطع الغيار الأساسية بتاعتها والميكانيكية متوفرة عند ناس كتير ولسه مقابل واحد في اشارع معاه ماتيز متغيرلها رفرف وسألته جبته منين قالي من التوفيقية وقالي سعره 220 جنيه وبيقول انه كوري كمان !!!

قطع غيارها عموماً ما كانتش متوفره لحد فتره قريبة لأنها معمره ومحدش من اللي جابها زيرو اضطر يغير حاجة فيها لو صاينها كويس وأنا فعلاً كنت بدوخ على حاجتها بس مؤخراً بدأت ألاحظ ان قطع غيارها ظهرت في السوق وأسعارها معقولة.

بس من عيوبها انه مفيش صنايعية كتير بيفهموا فيها لإنها مش منتشرة ومحتاجة حد ميفتيش.

عموما انا اعتقد انها لو حالتها جيده وسعرها مناسب ستكون بداية جيدة لأي واحد عايز حاجة شيك ومحندقة تقضي سنتين وبعدين تكبر

واعتقد - يمكن يعني - سعرها حيزيد لو اسعار البنزين زادت - مجرد افتراض وهمي عشوائي جدلي فهمي نظمي

وعلى فكرة انا بستخدم معاها بنزين 92 بس 90 ماشية بردو مفيش مشاكل بس بفضل 92 عشان محركها رغم انه صغير بس له نسبة انضغاط عالية عشان تعويض السعة الصغيرة للمحرك وأداء افضل بكمية وقود اقل.

وأي سؤال اننا في الخدمة....

**firstgenral** · 03-06-2010 01:37 AM

يارجالة اجو التوضيح اكتر انا قدامي ماتيز 99
فبريكة
لسى معمرة ماكنة
ب27

**shankosi** · 03-06-2010 07:09 PM

المشاركة الأصلية كتبت بواسطة firstgenral

يارجالة اجو التوضيح اكتر انا قدامي ماتيز 99
فبريكة
لسى معمرة ماكنة
ب27

هو الموضوع ده شغال ولا كبرت دماغك عن الماتيز يا جنرال؟

ممكن تقولنا ايه نوع العمرة؟

**firstgenral** · 07-06-2010 04:52 AM

عاملة عامرة ماكنة كاملة وفبريكة جوا ورشة برا حزام نضافة
يعني وصلت مع الراجل ل 26 ودقعنا عربون اية النظااام

**firstgenral** · 07-06-2010 04:57 AM

وسؤال تاني للناس الي معاهم ماتيز انا لو سافرت بيها من الزقازيق الى الاسكندرية سرعة من 100 ال 120

ههتسخن والحوارات دي ولا اية نظامها ؟؟؟؟؟؟؟؟؟؟؟؟؟

وياريت تطمنا من ناحية السعر كويس ولا غالي عشان كتير قالولي عالي

وسؤال تاني بنت خالي معاها ماتيزز 99 وكان مغيرة جوانات وش سلندر وبعد شهر بتدور وبتدوس بنزين الشكمان طلع ميا ودخان ابيض بس العربية مشيت عادي طلعة بيها مشوار 3 كيلو تقريبا على سرعة لا تتجاوز 100

وهيراجعة العربية سخنت جدا وصلة الشرطة الحمرا بطلت العربية ووقفت نص ساعة العربية بردت جت تدور ما دارتش زقينا العربية ودارت ومشيت كيلو واحد العربية سخنت تاني بطلنا العربية وسحبناها بحبل لحد البيت تاني يوم العربية مبتدورش خالص بتلف المفتاح على الاخر مبيحصلش حاجة

اية الحل وممكنت يكون حصل اية؟؟؟؟؟؟؟؟؟؟؟؟؟؟؟؟؟؟؟؟؟؟