الموضوع: brilliance fsv

انا عارف ان حضرتك متردد في شرائها بس فعلا التوكيل بينقط السوق بيها مع ان عليها طلب كبير و انا في واحد صاحبي جابها و جربتها و انا حاليا حاجز و مستني الفرج

و حكاية نزول السعر ده عشان فعلا هيا المفروض يكون سعرها كده

انا شفت العربيه دي اول منزلت في معرض الاهرام اللي كان في شهر 1 كان سعر المانيوال الكامله 92 الف و الاوتوماتيك 102

بس عجبني تقفيلها عن الاسبرانزا m11 اللي شفتها برضو في المعرض و اتفاجئت ان تقفيلها مش كويس

بس طبعا استبعدت البريليانس ساعتها عشان السعر اللي التوكيل كان حاطه ليها و سألت حتى مندوب التوكيل في المعرض ايه اللي يخليني اجيبها و مجيبش هيونداي ولا كيا بنفس السعر قالي عشان دي من البافاريه ههههههههه

المهم فعلا لما سعرها نزل في شهر 6 بقى في اقبال على حجزها حتى مدير مبيعات البافاريه قالي ان الناس كانت مستنيه السعر يتحرك عشان تحجز و ده اللي حصل و ممكن حضرتك تسأل كذا واحد في المنتدى حاجزين و لسه مستلموش و السعر زاد تاني

و برضو التوكيل مش عامل دعايه كويسه ليها زي ما ابو الفتوح مغرق الدنيا اعلانات عن ال m11

شكرا لذوق حضرتك
انا عاوز اعرف ليه حضرتك حاجز ف التوكيل العربيه موجوده فى الهرم وف معرض ف مدينة نصر انا شفتها هناك لو حضرتك تحب افولك على تفاصيل معينه ممكن اقولك عموما موضوع الدعايه مع احترامي لحضرتك مش بيفرق لان انا عمري ما شفت اعلان لكيا سيراتو مثلا ولكن العربيه انتشرت بشكل غريب وف سرعه قياسيه عموما انا مستني اراء الناس الي اشتريتها وكمان مستني موديل 2011

يا ريت تقولي موجود فين في مدينة نصر عشان انا زهقت من انتظار التوكيل

الكيا سيراتو الجديده نزلت اول 2009 و شدت الناس بشكلها و سعرها يعني انا اول مره شفتها كنت في شهر 4 2009 و شدني شكلها و ركبتها في المعرض و عجبتني استيب ترونيك و حساسات ورا و مرايات تعتيم و فرش جلد و طاره مالتي و موتور 124 حصان و عزم 150 نيوتن و مفتاح بصمه و جنوط مواصفات جباره بكام يا عم قالي 116 قلتله بس؟ كل المواصفات دي بالسعر ده؟ حتى يومها انا كان معايا حمايا و قلتله العربيه دي بالسعر ده حتنتشر اوي و فعلا زي متوقعت

اعتقد لسه ال fsv ماخدتش وقتها في السوق غير ان التوكيل اول منزلها نزلها بسعر وهمي مع وجود منافسين جامدين ليها زي ال M11 و الأفيو و النيو اكسنت فالناس و انا منهم صرفت نظر عنها و مفكرتش فيها تاني الا لما سعرها اتغير و بقى مناسب

اقول لحضرتك
عارف شارع احمد الزمر امتداد الوفاء والامل طريق زهراء مدينة نصر والحي العاشر ؟؟
حضرتك هتاخد الطريق ده على طول وبد الوفاء والامل بشويه وانت في اتجاه الحي العاشر هتلاقي المعرض على ايدك اليمين عارض واحد glsاللون الاسود وقالي ان عنده ال gl اللون الsilverكمان فى الهرم فى واحد توكيل بريليانس مش بيشتغل غبر فيها بس هو اخر شارع الهرم وانت رايح اتجاه الرمايه هتلاقيه الناحيه التانيه وعنده 2 واحده gls فيراني وواحده gl silverالكلام ده عدى عليه فتره مش عارف اذا كانت لسه موجوده العربيات ديه عندهم ولا اتباعت انا للاسف مش فاكر اسماء المعارض ايه همه بيبيعوا بنفس سعر التوكيل مش مغليين ولا حاجه امنى اكون افدت حضرتك
لو وصل لحضرتك اي معلومات عن حد استخدم العربيه فعلا ياريت تفيدنا لان العربيه فعلا تستاهل التفكير فيها بجد

يا شباب انا استلمت الfsv الكاملة من شهر بالظبط و كان فى نيتى انى اشترى الكيا ريو بس لما دخلت المعرض و شفتها العربية جميلة و مريحة فعلا و الابشن بتاعها رائع و التسارع بتاعها ممتاز مجرد ان اى حد يكلكس من ورايا او يرعش نور و ادوس بنزين بيختفى من ورايا العربية حلوة بس فعلا هما مش عملين اعلانات ليها و الناس خايفة منها بس انا شايف دلوقتى انها بدات تشد الانظار عليها و بدات اشوفها فى الشارع انا جبت اللون الاسود و ربنا يباركلي فيها

المشاركة الأصلية كتبت بواسطة shiko_sla

يا شباب انا استلمت الfsv الكاملة من شهر بالظبط و كان فى نيتى انى اشترى الكيا ريو بس لما دخلت المعرض و شفتها العربية جميلة و مريحة فعلا و الابشن بتاعها رائع و التسارع بتاعها ممتاز مجرد ان اى حد يكلكس من ورايا او يرعش نور و ادوس بنزين بيختفى من ورايا العربية حلوة بس فعلا هما مش عملين اعلانات ليها و الناس خايفة منها بس انا شايف دلوقتى انها بدات تشد الانظار عليها و بدات اشوفها فى الشارع انا جبت اللون الاسود و ربنا يباركلي فيها

* * * * * * * * * *

ممنوع كتابة اللغة العربية بالأحرف الانجليزية ومن لم يتوفر لدية لوحة مفاتيح أو نظام تشغيل يدعم اللغة العربية فعلية استخدام أحد المواقع التي تقوم بتحويل الأحرف الانجليزية إلى أحرف عربية
مشرف 12 أ

الف مبروك يا باشا ومستنيين التقارير عن السياره الجميله