معطر الشجرة الملعونة

**Dr Ahmed** · 15-03-2008 02:33 PM

السلام عليكم جميعا

كنت أتسوق لسيارتى فاشتريت تلك الشجرة الفواحة التى تعطر جو السيارة ، ولأن "فتلتها" كانت قصيرة فقد كانت تقع باستمرار من المراية ولم أكلف نفسى بتثبيتها جيدا استسهالا .. فوضعتها أمام ذراع الفتيس تحت التابلوه بدل ما كل شواية تقع...

وبعد عدة أيام أرفعها لأصعق...
لقد ساح البلاستك من تحتها...

أيتها الشجرة الملعونة
كنت سأصور لكم البلاستك الملتصق بها لكنى كرهت أن تظل بالسيارة ثانية واحدة فألقيتها فى العراء كما ينبغى أن تكون..

يا إخوانا إحذروا:
معطر الشجرة يأكل بلاستك التابلوه وأى بلاستك بالسيارة مهما كان جيدا ، فمسمره فى المراية واتركه معلقا من رقبته حتى تنعدم رائحته ولا تضعه أبدا على أى شئ من منتجات البلاستك..

**Dr_Mido** · 15-03-2008 02:38 PM

مشكور على التحذير ودى فايدة المعطر اللى بيركب على التكييف:d

**PRO-DRIVE** · 15-03-2008 02:53 PM

طب دا يعمل ايه في صدور الناس :@

**Ghamrawy** · 15-03-2008 02:55 PM

حصلى نفس الموقف مع الاسبراى بتاع Armor all سبته على لوحة العدادات و طوس البلاستيك و صنفره و يظهر كان لازم انشفه و لا هو مضروب ولا ايه مش عارف!!

**جمال** · 15-03-2008 02:59 PM

same problem with the one for Aircondition happend to me

**amr mokhtar** · 15-03-2008 03:41 PM

المشاركة الأصلية كتبت بواسطة Dr_Mido

مشكور على التحذير ودى فايدة المعطر اللى بيركب على التكييف:d

لا على فكرة المعطر اللى بتعلق فى المراية أحسن و أءمن من بتاع التكييف ده لإن احيانآ السائل بتاعه بيسيح و يعمل كتل تلزق على التابلوه

و بالنسبة ملمع التابلوه بلاش يترش منه على الأجزاء الخفيفة زى البلاستيك الشفاف اللى بيبقى امام العدادت

و التلميع ده عملية بسيطة جدآ وانا بستخدم الحاجات دى من زمان اوى و الحمد لله مفيش مشاكل منها كل الحكاية بلاش تسيب السائل ده كتير على التابلوه و امسحه بفوطة و خلاص كده

**ahmedateya** · 15-03-2008 03:59 PM

انا بصراحة محتار مع الشعب العجيب ده!!

لو حد فيكم بيكلف خاطره و يقرا التعليمات المكتوبة على ضهر كل منتج من دول مكانش حصل اللي حصل ده

Armor All على سبيل المثال (فخر الصناعة الامريكية) افضل ملمع لأي شيء في العربية بس كل حاجة ليها حاجة...و هتلاقيهم شديدي التخصص

فمثلا ملمع للتابلوه و اخر للعدادات و تالت للفرش الجلد و واحد للجنط و اخر للكاوتش دون الجنط و غيرهم

لكن احنا شعب عشوائي بنتستعمل اي حاجة لأي حاجة و بعدين نقول دي بتبوظ و بتهبب
الموضوع لا يتعدى "الجهل" باستخدام المنتجات دي لا اكثر
و الشجرة الجميلة دي من احلى و اقوي المعطرات الفعالة في السوق و بيبقس مكتوب عليها بانك لازم تتجنب التلامس المباشر للأسطح داخل السيارة

نصيحة : بص بصة "بطيئة" مش سريعة كمان قبل استخدام اي شيء على التعليمات الواردة.....ستكتسب خبرة لا تقدر بتمن

**sab3aawy** · 15-03-2008 04:05 PM

افضل طريقة لتعطير السيارة هى رش السبراى على الدواسات لأنه كدة كدة الدواسات لها يوم وتتغير ولو حصل لها حاجة مش مهم، وده اللى انا بعمله

**Dr Ahmed** · 15-03-2008 04:15 PM

هل تظن يا أحمد إن فيه أى تعليمات تحذير للمستخدم على هذه العبوات الصينية؟

-

الموضوع: معطر الشجرة الملعونة

LinkBack

أدوات الموضوع

عرض

معطر الشجرة الملعونة - انشر الموضوع فى :

-

-

-

-

-

المواضيع المتشابهه

::: التلة الملعونة :::

هل تعرف من هي هذه الشجرة؟

خفة دم المصريين - الذبابة الملعونة

عصفور علي الشجرة

بعد ما الشجرة اتغيرت

الكلمات الدلالية لهذا الموضوع

المفضلات

المفضلات

ضوابط المشاركة