وانت اكتر والله يا باشا , ان شاء الله ترجع بالسلامة ونشوفك عن قريب
عرض للطباعة
لأ هنا مفيش شغل محاميين فى الحاجات دى..........هى أصلاً معمولة لهدف تانى مع هدفها الأصلى اللى هو الحفاظ على الألتزام المرورى.
الهدف التانى هو أن اللى عاوز ميحافظش على قواعد المرور ممكن ميحافظش......بس يستحمل المخالفة و بدل حجز العربية و بدل نقاط سوداء.
يعنى مخالفتى ب 1000 درهم و 12 نقطة سوداء و حجز العربية شهر
ال 1000 ممكن يدفعوا عادى
حجز العربية شهر ممكن متتحجزش بس تدفع على اليوم 100 = 3000 فى الشهر
ال 12 نقطة ممكن تدخل محاضرات سواقة نظرية و تشيلهم.....بس مش عارف لسه بكام بقى
كله هنا ماشى بالفلوس بس قانونى
إن شاء الله يا بوحميد
يعني من الاخر كله بالواسطة(الفلوس)(ظررفني تعرفني يبقي قانوني)
معلش ياباشا ربنا يكفينا جميعا شر الطريق وبلاويه
انتا مش غلطان
اعتقد لو عملت تظلم تكسبه
إستكمالاً لمسلسل الكوسة المصرى اللذى تم تصويره فى الإمارات
إليكم أخر الأنباء
كنت بكلم واحد صاحبى أول أمبارح بالليل و بقوله أنا رايح أعمل تظلم بكره إن شاء الله.....قالى هاجى معاك.....ماشى.
كلمته تانى يوم الصبح و أنا رايح.....قالى طيب استنانى نص ساعة فى مكتب الأستاذ حسن ( ده مكتب تبع الشغل و جنب المرور على طول و الراجل ده مصرى و بقاله 30 سنة عايش هنا ) المهم رحت سلمت على الأستاذ حسن و قعدت معاه شوية و بقوله أنا مستنى فلان علشان كذا كذا كذا
الراجل سألنى على تفاصيل المخالفة و طلب منى يشوفها.....أديتهاله
و هى فى أيده مسك الموبايل و كلم واحد عرفت فيما بعد أنه شغال فى الشرطة و فى نفس ذات الوقت نسيب مدير المرور :ma:
و حكى له على الموضوع بأختصار
الراجل أستغرب من أن الظابط اللى عمل معايا المشكلة هو هو اللى أدانى المخالفة......من غير ما يطلب دورية تعاين.
و أكد عليه على تفاصيل المشكلة.......كان بيحاول يتأكد أنى غلطان ولا لأ
و قاله يجيب له المخالفة و هو هيحاول فيها......بس لو دخلت على السيستم ( و هو ده اللى حصل من تانى يوم للمخالفة ) مش هيقدر يلغيها...بس ممكن يشيل حجز العربية و أحتمال النقط السوداء.......إلا فى حالة واحدة ممكن يشيل المخالفة كلها.....أنهم يتأكدوا أنى مش غلطان......و قاله كمان أن لو ثبت لهم أن الظابط غلطان ( على أساس أن كان خصم و حكم فى نفس الوقت ) ممكن يتحول للتحقيق.
النهاردة لقيت تليفون من الأستاذ حسن بيقولى أن الراجل عدى عليه و أخد المخالفة و اخد رقم تليفونى و أحتمال يكلمنى و هو فى المرور علشان يستفهم عن أى أستفسار
فضلت قاعد قدام التليفون لمدة 3 ساعات مستنى المكالمة المتوقعة
لقيت الأستاذ حسن بيكلمنى تانى و بيقولى خلاص المخالفة أتشالت من طأطأ لسلامو عليكم....يعنى مش هدفع حاجة خالص و كأنها لم تكن.
الحمد لله
ههييييييييييييييييييييييي يييييييييييييييييييييييه
ألف مبروك - فعلا ما ضاع حق ورائه مطالب - بس طبعا الكثير من القواعد الروتين والظروف في مصر بتقدر تعكسها
بس كويس انك ثابرت على حقك ومبروك على وصوله لك
والله تمام اوي مبروك يا باشا
بس الظابط حصله ايه؟
عاشت مصر حرة
الله اكبر
المصريين اهما
هى دى مصر
شفت المصرين جوه مصر بره مصر
هما الى بيحلوا اى حاجه
الف مبروك والحمد لله انه نصرك على الضابط المفترى ده
وعلى فكره واضح انهم شالوها علشان الضابط ما يتأذيش
النظام و الألتزام أساس التقدم