يا شباب انا ان شاء الله مسافر اسيوط
عايز اعرف احسن وسيلة للسفر مع العلم اني هسافر فجأة وانا سمعت ان القطر لازمله حجز قبلها
هل أأجر عربية افضل واللا ايه؟
عرض للطباعة
يا شباب انا ان شاء الله مسافر اسيوط
عايز اعرف احسن وسيلة للسفر مع العلم اني هسافر فجأة وانا سمعت ان القطر لازمله حجز قبلها
هل أأجر عربية افضل واللا ايه؟
القطر احسن حاجه
بس انت داخل على موسم مدارس فممكن تلاقى زحمه ... حاول تحجز من رمسيس او من على النت (موقع خدمات الحكومه)
لو معرفتش اركب القطر و ادفع بس ممكن تقضيها واقف لو فعلا زحمه و كله مليان
فعلا القطار بيبقي زحمة عادة
لازم تحجز قبلها
بس جرب اطلع على محطة رمسيس او الجيزة وشوف الحجز لو لقيت يبقي احسن واريح حاجة المشوار طويل مش قصير
لو مفيش حجز يبقي اطلع على عبود واركب اوتوبيس
او تأجر عربية تسافر بيها وتيجي هاتبقي فرق التكلفة مش كبيرة
لا انصح بالميكروباس المشوار كبير وهاتتعب من القعدة والسواقين بيطيروا والعياذ بالله
اوعي تركب القطار من غير ما تحجز ده عذاب اسال مجرب خليك في الاتوبيس لو ما لقتش حجز في القطار
متأجرش عربيه و لا حاجه المشوار طويل و الطريق الخدمات عليه قليله و الوصله من طريق اسيوط الغربى الى داخل اسيوط سيئه جدا و طبعاً لو مسافر لوحدك حيبقى فى مخاطره علشان النوم و التعب و كده الطريق ده اصله ممل جدا و سواقيين الميكروباص بيفتكروا نفسهم خريجى الكليه الجويه و كمان لو أجرت عربيه فرق التكلفه كبير علشان الكيلو متر و تروح و تيجى بالسلامه