العربيه بقالها 15 يوم فى التوكيل و لسه عايزينى انتظر 15 يوم كمان

السلام عليكم

فى البدايه انا مكنتش ناوى افتح الموضوع على المنتدى بس مش عرف اعمل ايه


انا عملت حادثه جامده بالعربيه يوم31.08.2010 و الجنب الشمال كلوا ادمر بس الحمد لله انا و مراتى و ابنى

سلام , حمدت ربنا و كلمت التامين و مشيت فى كل الورق المطلوب محضر و اخطار حادث و خلافه و بعدين روحت

التوكيل فى نفس اليوم طبعا قالولى الاستلام بعد العيد طبعا سيبكم من ان المقايسه طلعت بحوالى 11000

جنيه و انى هدفعهم الاول بس قولت مش مشكله الحمد لله انى مأمن و كمان فدى ابنى الصغير

المشكله بقى انى اما كلمتهم بعد العيد لقيتهم بيقولوا ان الرفرف الشمال الخلفى غير موجود و جى الاربعاء

قولت ماشى مش مشكله بتكلم النهارده لقيتهم بيقولوا لأ د جى الخميس اللى بعد الجاى , طبعا ادونى عقلكم

انا متبهدل فى المواصلات و الاساتذة عادى جدا وكأن مفيش حاجه

انا ما كنتش ناوى اتكلم على المنتدى بس بجد مش عارف اعمل ايه محدش هناك مهتم

ف لو سمحتم لو حد معاه الايميل بتاع رينو فرنسا او مصر او الشرق الاوسط يا ريت يبعتوا ليه

و شكرا

قدر الله وما شاء فعل والف سلامة عليك وعلى اسرتك الكريمة
ومعلش يا استاذ محمد استحمل شوية لحد ما القطع تيجى لان ايام العيد دى بتوقف كل حاجة
انت تروح التوكيل وتقابل مدير الفرع وتتكلم معاه وتحاول تتستعجل الموضوع
لكن ايميل لرينو فرنسى بيكون مجدى فى حالات عيوب الصناعة واى مشكلة التوكيل عاجز عن اصلاحها
جرب تكلم المسؤولين الاول وربنا يسهل الامور ان شاء الله

بص حضرتك انا حصلت حاجة زي دي معايا وانا بصلح كلمت تقريبا مهندس عمرو مدير خدمة العملاء وقالي انه هيتابع بنفسه وان الحاجة هتوصل خلال يومين وفعلا حصل مش عارف هل ساعات بيبقي موجود في فروع تاني او شايلين حاجة للطوارئ اظن ان في شئ زي كده
جرب تتصل بيه او تطلب التحويل بيه من خلال خدمة العملاء هيدولك موبايله او هيحولوك بيه وساعات هما بيوصلوا له الشكوي وهو بيكلمك

اولا الف على عليك انت والعائله هو حضرتك اللى كنت عامل حادثه على المحور ؟

وان شاء العربيه تخلص وترجع احسن من الاول

الف سلامه عليك بس فعلا احنا لازم نلاقي حل لموضوع قطع الغيار ديه لا ن مش معقول كل ما حد يحصله حاجه هيستني شهر عشان تتصلح لازم نتحرك مع بعض في المنتدي ونحاول نجمع اللي بيتكرر من طلبتنا ونبعته لحد يحاول يجيبو من بره خصوصا ان قطع الغيار نتشرة جدا بره مصر مش لازم نبقي دايما تحت رحمت الوكيل

الف سلامه عليك.....

حاول تكلم حد مسئول...وبلاش تستعجل......انا عارف ان شهر كتير....بس عشان العربيه تعمل صح

ربنا معاك وياريت تطمنا عليك اول باول

الف سلامة والحمد لله انكم بخير كلم باشمهندس عمر وهيساعدك

الحمد لله على سلامتك وربنا يطمن عليك

حمدا لله على سلامتك و ده المهم.

الحمد لله على سلامتك وعلى سلامة الأسرة الكريمة
ومعلش إستحمل شوية وخد بنصيحة إخوانا وحاول تروح تتكلم معاهم بلاش تليفونات روح وزعق واعمل مشكلة إن شاء الله يخلصوهالك يإما يقولولك على الحقيقة إن القطعة فعلا متأخرة...أو أى مشكلة تانيه لاقدر الله