الموضوع: محل لقطع غيار رينو فى الاسكندريه

نصيحة بلاش حمدي بيرو، دا نصاب ومش امين خالص، وعايش في دور التوكيل وكل حاجة يقولك غير وهي حاجات بسيطة ممكن تتصلح، وقدام عيني لبس واحد في كمبريسور تكييف ب 1000علشان رومان بلي،وبياخد الحاجات القديمة يصلحها ويبيعها تاني للناس، واحد جاي لبة في دينامو والصنايعي لما جه يغيرة لقيتة بيقول لزميلة هات اللي حلينو من السينيك، وانا شخصيا باعلي موتور طرمبة بنزين صيني ردئ ب 250 جنية وهو بيفك الطرمبة قالي الصامولة لازم تتغير ب 120 جنية وبعدين لما فك الطرمبة قالي قاعدة الطرمبة مشروخة و ب 200 جنية يعني في الاخر بالمصنعية 650 جنية علشان موتور طرمبة لو اصلي بوش تمنة 120 جنية، وفي الاخر الموتور طلع بايظ، وعملت معاة مشكلة ورجعتلة الحاجة كلها، اقسم بالله كل اللي بقولوا حصل قدامي، وانا بنقله هنا علشان أفيد الناس مش اكتر

المشاركة الأصلية كتبت بواسطة haisam ali

أرخص واحد بتاع استيراد وحاجته نظيفه جدا هوه السيد فتح الله الرأس السوده أما الجديد أصلى يشتريه من التوكيل اضمن شى وأسعاره ممتازة بس انت تقيم تجيب ايه استعمال وايه جديد

ياريت ياباشا تجبلى تليفون السيد فتح الله ومكانه بالظبط

الاخ اليه كل ما يتكلام عن حمدى يقول عليه حرامى اتقى الله شويه وبلاش شخصنت الموضيع وعلى فكره انا زبون ذى ذيك وبتعامل مع حمدى وهو احسن واحد فى اسكندريه ولو عندك احسن منه يا ريت تقول لن عليه

السلام عليكم ..انا اتعاملت مع حمدى بتاع الحرفيين اكتر من مره ودى شهادتى امام الله اول مره روحت له كنت لسه كاشف على العربيه فى التوكيل وقالولى فى التقرير ان رولمان بيل العجل الخلفى محتاج تغيير ومرضيتش اغيره فى التوكيل لان لقيت ان رولمان بيل العجله الواحده ب 350 جنيه وكنت سمعت عن حمدى فروحت له قالى الرولمان بيل بتاع ال 4 عجلات محتاج تغيير مش الخلفى بس ..فى الاول استغربت ان ازاى فى التوكيل قالولى الرلمان بيل العجل الخلفى بس المهم سلمت امرى لله قولت ماشى نغير الرولمان بيل ل 4 عجلات واتكلفت 600 جنيه وفرحت ان التكلفه 50% من التوكيل بعد شهر واحد رجع الصوت تانى روحت له قالى الرولمان بيل بتاع العجل الخلفى عايز يتغير لما فكرته انى لسه مغيره من شهر قالى اه كده يبقى الدونجل اللى هو الأكس بتاع العجل الخلفى وهيتكلف 1200 جنيه وان كل ماهتغير رولمان بيل عجل خلفى هيبوظ على طول0 طبعا شكيت فى كلامه واستشرت المنتدى ونصحونى انى اروح لحد تانى واشوف .. وفعلا روحت التوكيل طبعا لقيت كلامه غلط و قالولى انه الرولمان بيل اللى كان راكب نوع ردئ جدا وماركه وهميه وغيرت ال 4 رولمان بيل فى التوكيل بحوالى 1400 جنيه والكلام ده بقاله سنتين وماحصلش حاجه الحمد لله لحد دلوقتى والرولمان بيل زى الفل .. الصراحه هو شاطر جدا وفاهم كويس بس دائما زحمه ودائما كله عنده تغيير مش عارف ليه بس فى واحد معاه اسمه محمد حسن ده محترم جدا وفاهم وعنده ضمير وانا عن نفسى لو روحت ولقيت محمد حسن مش موجود باخد عربيتى وأمشى لان حمدى شاطر بس مش امين

على فكره فى ميكانيكى تانى شاطر فى الرينو جمب الوشاحى اسمه السيد انا اتعاملت معاه كذا مره بس مشكلته انه دائما زحمه والشارع بتاعه ضيق ولو دخلت مالقيتش مكان قدامه بأضطر الف سبع لفات علشان الف وارجع تانى بس هو يتميز انه شاطر وأمين وانه جمب الوشاحى مباشرة .. نصيحه لو عايز تتعامل مع حمدى ماتجيبش قطع غيار من عنده هاتها انت واتأكد انها ركبت فى عربيتك وخد قطعة الغيار القديمه بعد ماتحاسبه مش قبل ماتحاسبه بعدكام مره تعمل كده هتيجى تروح له هيقولك انه مش فاضى وتعالى يوم تانى او هيلطعك من 4 الى 5 ساعات لحد ماتزهق انت وتمشى " جرب ولن تندم ولن تخسر شئ "

مفيش حد معاه تليفون السيد فتح الله ياجدعان....
او حد يدلنى على حد بتاع استعمال عايز فتيس ميجان 2