الموضوع: قوانين الزواج المصرى .. إستشارة قانونية

المشاركة الأصلية كتبت بواسطة seiffoz

يا ريت لو حد هنا ليه فى القانون ...
عايز أفهم بس حاجة ...
موضوع الزواج و الطلاق ...
المسيحين و المسلمين ... بيطبق عليهم أنهى قانون ؟؟ و إمتى ؟؟
1- القانون المدنى
2- الشريعة الإسلامية
3- الشريعة المسيحية
و إيه الفرق بين التلاتة .. و رجاء لو حد عند الفقرات من القانون إللى بتخص الجزئية إللى بسئل فيها ..
إحنا معانا محامين فى المنتدى ؟

بالنسبة للمسلمين بيطبق قانون الاحوال الشخصية وهو مستمد من الشريعة الاسلامية وعند الاختلاف يكون الرجوع لمذهب الامام ابو حنيفة النعمان
بالنسبة لغير المسلمين في مصر يطبق عليهم قانون الاحوال الشخصية لغير المسلمين رقم 462 لسنة 1951 بشروط هي:
1- الاتحاد في الدين والملة والطائفة
2- ان تكون لهم مجالس ملية منظمة معترف بها قبل صدور القانون المذكور
3- عدم تعارض احكام شريعتهم مع النظام العام والنظام العام هنا المقصود به الشريعة الاسلامية بمعني انه في شريعة المسيحيين الكاثوليك لا توجد فترة عدة فإذا مات الزوج تستطيع الزوجة الزواج تاني يوم وبما ان هذا يتعارض مع الشريعة الاسلامية فان الشريعة الاسلامية تطبق في هذه الحالة وتفرض عليها العدة
وفي شريعة اليهود عند وفاة الزوج ولم ينجب تكون زوجته زوجة لاخيه حتي لو لم توافق وبما ان هذا الحكم يتعارض مع الشريعة الاسلامية فانه لا يطبق


انت عايز تسئل عن ايه بالتحديد يا سيفوز

المشاركة الأصلية كتبت بواسطة seiffoz

انا بسئل على قانون الجواز و الطلاق بالنسبة للمسيحين و المسلمين ... و حضرتك جاوبت عليا ..

لكن القانون المدنى إللى هو إيه ؟؟ و إمتى بيطبق ؟؟

و مش فى قانون جديد للأحوال الشخصية لغير المسلمين إلمفروض نزل ؟؟ أو كان بيتناقش فى الشهر ده ؟؟

و يا ريت لو عندك نص قانون الأحوال الشخصية لغير المسلمين ده يا دوك . ..

القانون المدني هو القانون العام الاساسي وبيبقي فيه التعاملات التي لم تختص بها قوانين اخري زي احكام البيع والايجاروالتامين وغيرها من الامور ولو فيه مسئلة لم يعالجها قانون خاص زي القانون التجاري او البحري او قوانين الاحوال الشخصية يتم الرجوع للقانون المدني باعتباره القانون العام الام

كان فيه مشروع قانون موحد للاحوال الشخصية لغير المسلمين لكن لم يتم البت فيه وبما ان فيه انتخابات لمجلس الشعب يبقي المجلس الجديد هو اللى هاينظر فيه لسة

وتصحيح للمعلومة اللى قلتها من شوية دلوقت بيطبق على غير المسلمين القانون 1 لسنة 2000 ولكن بنفس الشروط

وعندي تفسير وتحليل لقانون الاحوال الشخصية لغير المسلمين ولكن في صورة كتب للاسف مش ملف ورد علشان اقدر ابعته وهدور لك على النت ولو وجدته هاجيبهولك

المشاركة الأصلية كتبت بواسطة dr-mohamed

بالنسبة لغير المسلمين في مصر يطبق عليهم قانون الاحوال الشخصية لغير المسلمين رقم 462 لسنة 1951 بشروط هي:
1- الاتحاد في الدين والملة والطائفة
2- ان تكون لهم مجالس ملية منظمة معترف بها قبل صدور القانون المذكور
3- عدم تعارض احكام شريعتهم مع النظام العام والنظام العام هنا المقصود به الشريعة الاسلامية بمعني انه في شريعة المسيحيين الكاثوليك لا توجد فترة عدة فإذا مات الزوج تستطيع الزوجة الزواج تاني يوم وبما ان هذا يتعارض مع الشريعة الاسلامية فان الشريعة الاسلامية تطبق في هذه الحالة وتفرض عليها العدة
وفي شريعة اليهود عند وفاة الزوج ولم ينجب تكون زوجته زوجة لاخيه حتي لو لم توافق وبما ان هذا الحكم يتعارض مع الشريعة الاسلامية فانه لا يطبق

هي دي نفس الشروط اللى قصدي عليها
وعدم تعارضها مع النظام العام المقصود بيه الشريعة الاسلامية مش المسيحية

وعلى فكرة فيه مشكلة بخصوص قانون الاحوال الشخصية الجديد لغير المسلمين في مصر ان الكنيسة الارثوذكسية مصممة تنفرد بوضعه في الوقت اللى بترفض الكنيسة الكاثوليكية والانجيلية بعنف لوجود اخلاتفات كبيرة فيما بينهم فيما يتعلق بكثير من احكام الزواج والطلاق

تعيش يا سيفو
شفت انا ظبطتك اهو في القوانين
تخليني من قوة الفدائيين بقة بتاعة روسيا اللى هتدخل اول ناس