يا جماعة ساعدونى المفتاح الريموت بتاع الفيرنا ضااااااع !!

عرض للطباعة

15-09-2010, 09:46 PM
ahmedchico

يا جماعة ساعدونى المفتاح الريموت بتاع الفيرنا ضااااااع !!

السلام عليكم و رحمة الله و بركاتة

والله يا جماعة انا حصل معايا موقف غرييييييييييب اوى ....... انا مش هطول عليكم
انا اصلا من القاهرة كنت من يومين فى الاسكندرية بقضى اجازة العيد هناك
المهم ركنت العربية و كنت نازل اشترى حاجات و سايب موبايلى و بقيت فلوسى كلها فى السيارة
المهم عند العودة جيت اطلع المفتاح .... الحمد لله ما لقتوش :120146b
و كل حاجتى جوة العربية و النسخة الاحتياطى فى مصـــــــــــــــــر !!

المهم الشباب الاسكندرانية بجد عملو احلى واجب معايا فتحوا العربية و فكوا كالون الشنطة و عملولى مفتاح على رسمة الكالون

بس اول لمما جيت ادور بالمفتاح دة العربية ماكنتش بتتدور ......
جربت كذا مرة مافيش فايدة .... لغاية لما جة واحد شكلة فاهم اووووووووووى قعد يقفل فى الابواب و يفتحها و يقفل اللوك و يفتحة و بعد كدة قالى جرب كدة يا استاذ
بجرب ............... دااااااااريت ( الحمد لله :ask: ) ................ على مصر عدل :36_1_1[1]:

المهم بقى انا عايز اطلع مفتاح ريموت بدل اللى ضاع ...... هل دة ممكن و يكلفنى كام ؟
و لو عايز اغير الكوالين و الكونتكت بالمفاتيح ............ يتكلفة برضة كام ؟

يا جماعة ياريت تفيدونى علشان الموضوع دة مضايقنى اووووووووووووى :fdsa:

و شكرا مقدما لجميع اعضاء نايل موتورز المحترمين ...
15-09-2010, 09:55 PM
shiko85

اقتباس:

المشاركة الأصلية كتبت بواسطة ahmedchico

المهم بقى انا عايز اطلع مفتاح ريموت بدل اللى ضاع ...... هل دة ممكن و يكلفنى كام ؟
و لو عايز اغير الكوالين و الكونتكت بالمفاتيح ............ يتكلفة برضة كام ؟

يا جماعة ياريت تفيدونى علشان الموضوع دة مضايقنى اووووووووووووى :fdsa:

و شكرا مقدما لجميع اعضاء نايل موتورز المحترمين ...

ممكن طبعا, تروح لواحد بتاع مفاتيح و تخليه يغيرلك الطقم كله, باب شنطه كونتكت
هتروح بعد كده عند حد بتاع انذار و هو هيولفلك ريموت من عنده على الجهاز اللى فالعربيه عندك, يبقى كده عملت مفاتيح جديده و ريموت كمان
بس بالنسبه للتكلفه, مش هقدر افيديك:Zb_sor1[1]:
16-09-2010, 01:33 AM
Ashraf_Ibrahim

طب ما تاخد رقم المفتاح وتطلع على التوكيل اسهل يدولك مفتاح بريموت على طول بدل ما تعد تغير كوالين العربية ؟!
16-09-2010, 01:44 AM
shiko85

اقتباس:

المشاركة الأصلية كتبت بواسطة ranger

طب ما تاخد رقم المفتاح وتطلع على التوكيل اسهل يدولك مفتاح بريموت على طول بدل ما تعد تغير كوالين العربية ؟!

الأحسن انه يغير الكوالين , أمان اكتر
16-09-2010, 03:00 AM
ahmedchico

اقتباس:

المشاركة الأصلية كتبت بواسطة shiko85

ممكن طبعا, تروح لواحد بتاع مفاتيح و تخليه يغيرلك الطقم كله, باب شنطه كونتكت
هتروح بعد كده عند حد بتاع انذار و هو هيولفلك ريموت من عنده على الجهاز اللى فالعربيه عندك, يبقى كده عملت مفاتيح جديده و ريموت كمان
بس بالنسبه للتكلفه, مش هقدر افيديك:Zb_sor1[1]:

شكرا على ردك ..... بس هى المشكلة ان انا عاوز مفتاح اوريجينال و بجد مش عاوز اى حد يشتغل فى العربية
يعنى عاوز اتعامل مع التوكيـــل للأسف:120146b
بس المشكلة فى التكلفة
16-09-2010, 03:02 AM
ahmedchico

اقتباس:

المشاركة الأصلية كتبت بواسطة ranger

طب ما تاخد رقم المفتاح وتطلع على التوكيل اسهل يدولك مفتاح بريموت على طول بدل ما تعد تغير كوالين العربية ؟!

اشكرك يا باشا ............ بس هى المشكلة انا مش عارف هيكلفنى كام الموضوع دة ؟؟
16-09-2010, 03:03 AM
ahmedchico

اقتباس:

المشاركة الأصلية كتبت بواسطة shiko85

الأحسن انه يغير الكوالين , أمان اكتر

هو دة الكلام التمام بس معندكش فكرة الموضوع دة فى التوكيل يتكلف كام ؟
16-09-2010, 10:38 AM
mohamed_mohsen

مدام المفاتيح ضاعت منك في إسكندريه إنت قلقان ليه,,,ماحدش هيجيلك من هناك مخصوص و يفتح العربيه عشان يسرقها يعني
شوف بس الموضوع هيتكلف كام في التوكيل بدل ما تلعب في العربيه بره
16-09-2010, 11:31 AM
shiko85

اقتباس:

المشاركة الأصلية كتبت بواسطة ahmedchico

هو دة الكلام التمام بس معندكش فكرة الموضوع دة فى التوكيل يتكلف كام ؟

للأسف مش عارف, بس انا اعتقد (وممكن اكون غلطان) ان التكلفه مش كتير قوى علشان العربيه تقفيل مصرى, يعنى مش هيقولك هنبعت نجيبلك مفتاح من بره زى ما بيحصل
و لو حسيت ان المبلغ كبير يبقى ممكن متغيرش حاجه و تعمل نسخه مفتاح فقط مؤقتا
16-09-2010, 11:51 AM
Ashraf_Ibrahim

اتصل بيهم واعرف او اعمل ليهم زيارة سريعة
عجبتك التكلفة كان بها -ب س قبل ما تروح تكون عارف تكلفة تغيير الكوالين بالشنطة بالكونتاكت هتتكلف كام معاك وتوليف ريموت برده
وتشوف أيهما أقل ونفذه
16-09-2010, 04:21 PM
ahmedchico

اقتباس:

المشاركة الأصلية كتبت بواسطة ranger

اتصل بيهم واعرف او اعمل ليهم زيارة سريعة
عجبتك التكلفة كان بها -ب س قبل ما تروح تكون عارف تكلفة تغيير الكوالين بالشنطة بالكونتاكت هتتكلف كام معاك وتوليف ريموت برده
وتشوف أيهما أقل ونفذه

اشكرك يا باشا على اهتمامك ..... و انا ان شاء الله هعمل كدة فعلا
16-09-2010, 05:41 PM
Ashraf_Ibrahim

العفو يا جميل
ربنا يكرمك ان شاء الله وتحل الموضوع بأقل التكاليف الممكنة
19-09-2010, 02:55 PM
elkomy82

ممكن حضرتك تبقي تقولنا عملتها فين وبكام
19-09-2010, 06:54 PM
HOSSAM99

عليك وعلي التوكيل لو كان غالي شويه بس بيعملوا الحاجه صح وعندهم ميت حل لكل مشكله والمشكله بتتعرض عليهم ميت مره في اليوم
19-09-2010, 07:10 PM
د.محمود صلاح

فتحتم العربية والشنطة ازاي ؟ كسرتم زجاج ؟
20-09-2010, 01:28 AM
eng_ah_am

اقتباس:

المشاركة الأصلية كتبت بواسطة د.محمود صلاح

فتحتم العربية والشنطة ازاي ؟ كسرتم زجاج ؟

سؤال مهم جدا ياريت الرد عليه؟؟؟؟؟؟؟؟
22-09-2010, 01:08 AM
ahmedchico

اقتباس:

المشاركة الأصلية كتبت بواسطة د.محمود صلاح

فتحتم العربية والشنطة ازاي ؟ كسرتم زجاج ؟

لا ما كسرناش حاجة .... فى واحد بتاع بيبان جية و هو اللى قام بالمهمة دى
راح مدخل مفك بين باب السائق و القايم و راح شادد لبرة .... فالباب بقى فية حتة مفتوحة حوالى 5 سم
و راح مدخل سيخ طويل من الفتحة دى و راح شبكة فى اللوك و راح شادد بعد كدة
العربية اتفتحت و الانذار اشتغل و فضحنى :ma:
22-09-2010, 02:04 AM
menamakram2003

اقتباس:

المشاركة الأصلية كتبت بواسطة ahmedchico

لا ما كسرناش حاجة .... فى واحد بتاع بيبان جية و هو اللى قام بالمهمة دى
راح مدخل مفك بين باب السائق و القايم و راح شادد لبرة .... فالباب بقى فية حتة مفتوحة حوالى 5 سم
و راح مدخل سيخ طويل من الفتحة دى و راح شبكة فى اللوك و راح شادد بعد كدة
العربية اتفتحت و الانذار اشتغل و فضحنى :ma:

طب كويس بجد طمنتنى ان انذار الفيرنا بيجيلو يوم ويشتغل... احمدك يارب :vctry:
22-09-2010, 07:28 PM
ahmedchico

و أخيرا كلمتهم فى التوكيـــــــــــــــــــ ــــــــــــل

النهاردة كلمت غبور على 16101 واحدة محترمة جدا ردت عليا و اخدت بياناتى كلها و اية المشكلة اللى عندى و قالتلى فخلال ساعتين فى حد من الموظفين بتوعنا هيكلمك.
و فعلا بعد ساعة تقريبا واحد منهم كلمنى و قالى انت هتلاقى المفتاح دة عند الموزع بتاعنا فى شارع دمشق
و عندما سألتو على التكلفة قالى سعر المفتاح بس 685 جنية ......
حضرتك هتشترية و ترسمة عند اى حد بتاع مفاتيح و بالنسبة للتشفير حضرتك ممكن تشرفنا فى ابو رواش و هنا هيبرمجو المفتاح على عربية حضرتك .....

بس ........ طبعا فى كذا نقطة انا ليا تعليق عليهم

1- سعر المفتاح غالى جدا طالما هو موجود فى مصر و مش هيجى من كوريا
و طبعا لسة لما يتشفر هيتكلف .............. يعنى ممكن الموضوع كلو يقفل 1000 جنية:36_1_2[1]:

2- اكيد المفتاح دة لية بديل ارخص شوية او ممكن يكون فى نوع من الانواع بتاعت المفاتيح اللى بيكون فيها ريموت ممكن يتشفر على العربية برضة بس مش بالرقم دة

ياريت لو حد يعرف يفيدنى بجد علشان الموضوع دة ارفنى اووووووووووووووووووووووى النهاردة

وشكرا لكل الاعضاء اللى شاكونى فى الموضوع دة
23-09-2010, 12:31 AM
ahmedchico

يا جماعة انا عمال ادور على النت لغاية لما اتخنقت

وفى حلول حلوة بدأت تظهرلى

1- فى مفاتيح هيونداى بتتباع على النت و ارخص بكتييييييييييييييييير من الكلام الفاضى اللى هنا دة و سعرة يتراوح ما بين 150 الى 500 بس للأمانة مالقيتش نفس المفتاح بتاع الفيرنا بس هو هيونداى و بيقولو انهم هيبعتو المفتاح مش متشفر ..... الشؤال بقى انا لو رحت التوكيل بمفتاح زى دى هيرضو يشفرهولى ولا لأ ؟
و هل اصلا المفتاح طالما هيونداى مش هتفرق بقى لو جبت مفتاح او ريموت فيرنا او النترا او سوناتا ؟؟؟؟

2- فى محلات بتعمل نسخ على المفاتيح الاصلية و بتشفرها و بطلع الموضوع 100 100 بس كلها فى السعودية .....

مافيش فى مصر محل بيعمل الحركات دى على الحاجات الأصلية بتاعت العربية ؟؟

ياريت لو حد عندة ربع معلومة مايبخلش عليا بيها :120146b
26-09-2010, 01:55 PM
elkomy82

انا متابع موضوع حضرتك باهتمام ويارب نلاقي حد رخيص علشان انا كمان عايز اعمل واحد احتياطي
26-09-2010, 02:43 PM
bassem.naguib

اعتقد كان في موضوع في المنتدى هنا بخصوص تشفير المفاتيح .. وعلى ما اتذكر كان الراجل في شارع جسر السويس بعد التجنيد وأنت رايح على ألف مسكن .. حاول حضرتك تدور في المنتدى على القصة دي .. وعلى ما اتذكر كان كريم منير صاحب الموضوع (مش متأكد)