الموضوع: صوت تخبيط من العفشة ارجو المساعدة

ازيكم يا اجمد بروتوناوية عاملين ايه
كنت في موضوع سابق حكيت عن اخي اللي بيسرق عربيتي وقت بنام وعن الدريفت اللي بيعملو وسحب الهاند بريك المهم يوم الاثنين رحت للتوكيل عشان اكشف عالعفشة واربطها عشان الاصوات اللي بسمعها وضعف الثبات وصوت غربلة من الطنابير وتصفير من التيل والهاند بريك ضعيف مابيمسكش العربية حتى لو شديتو اربع طقات كمان المساعد الخلفي يسار بايظ
كنت حاجز موعد ١٠ الصبح دخلت وطلبت تغيير المساعدين الخلفيين وتيل الفرامل الامامي والخلفي وزيت فرامل وفحص دايرة الفرامل بالكامل والهاند بريك وفحص الطنابير وتربيط عفشة وفحص الكبالن وضبط زوايا عشان العربية بتحدف يمين وفحص المقصات وسلمت المفتاح ودخلت قسم الاستقبال بعد ساعة قاللي المهندس ان كل حاجة تمام بس سلك الهاند بريك من جهة اليسار مفكوك ولازم يتلحم والطنابير لازم تتخرط لانها تعبانة اوي قلت اوكي بس اكيد المشكلة هتنحل قاللي ان شاء الله بس الطنابير مش هينفع تتخرط بعد المرة دي وطقم الكاوتش ضروري يتغير وارشحلك / بريد جستون ~جوديير ~ ميشلان / والجنوط تعدلها وترصصها كدة هتفرق العربية معاك بعد ساعتين طلعت عربيتي من الصيانة عشان التشيك على الهاند بريك والعفشة والزوايا بعد نصف ساعة رجعت واستلمتها وفحصتها بنفسي والحمد لله كل حاجة تمام والثبات تمام ودفعت مبلغ يعادل ٣٥٠٠ جنيه ماتستغربوش عشان الجمارك بسوريا عالية جدا مثلا الجين٢ سعرها يعادل ١٢٠ الف جنيه بينما بمصر ٩٠ الف جنيه
تاني يوم رحت لتوكيل بريد جستون اشتريت ٤ فرد بوتينزا ٢٠٥-٥٥-١٦ سعرهم يعادل ٢٦٠٠ جنيه بالتركيب والترصيص + ٥٠٠ جنيه استعدال للجنوط يبقى بعد الحفلة دي دفعت مايعادل ٦٦٠٠ جنيه بس عشان ترجع عربيتي زي ماكانت قبل الدريفت بتاع اخي
المهم مبارح مشيت في طريق تراب والمفاجأة ان في صوت من الخلف يسار صوت طقطقة وكان قطعتين حديد بيضربوا ببعض / الصوت ده كان موجود قبل تغيير المساعد البايظ بنفس الجهة / الموضوع ده ازعجني جدا وخاصة بعد المبلغ الكبير اللي دفعته وصاحبي اللي كان معايا قاللي ان ممكن الصوت ده يكون من الشنطة ورجعنا عالبيت وفضينا الشنطة من كل حاجة حتى الكاوتش الاستبن وفرش الشنطة والصندوق البلاستيك بتاع العدة اللي جمب الكاوتش وطلعت اجرب تاني للاسف الصوت لسى موجود برغم كل اللي تغير وفحوصات التوكيل الصوت ده موجود ليه ياجماعة بجد انا مخنوق ومعصب وعارفين لو رجعت للتوكيل هيقولوا ايه دائما غير وبدل اما صلح مستحيل يعني هيقولوا غير العفشة مثلا ? بجد الكلام ده عيب يعني خدمة سيئة وقلة احترام وكلمة ضمان موجودة على كتاب الصيانة اما الحقيقة كله كلام بكلام مافيش حاجة اسمها / ضمان حقيقي / و قطع غيار باسعار خرافية والقطع اللي خارج التوكيل مالهاش عمر طويل يبقى ايه الحل بجد كدة حرام حرام اللي بيحصل ده انا لو ماكنتش بحب بروتون كانت العربية دي اتباعت من زمان ويمكن ماكنتش اشتريتها اصلا كتير الناس بتوقفني وبتسالني عنها عمري ماحكيت الا الحقيقة / ممتازة ~ صفقة رابحة ~ من اثبت العربيات في الفئة دي تمشي فيها ١٧٠وكانك ماشي ١٠٠ ~ محرك ممتاز ~ تكييف تلاجة ~ صاج متين وقوي / بعد اللي بيحصل معايا حاسس اني هكره بروتون والتوكيل بتاعها وهحكي الحقيقة اللي كلنا عارفينها ومنحاول نتغلب عليها بس للاسف دي الحقيقة مع ان كل عربيات بروتون بالنسبة لسعرها ممتازة من جهة المحرك والصاج والتقفيل والثبات بس دول المشاكل اللي هيكرهوني بروتون / قطع غيار غالية وباسعار خرافية ~ خدمة توكيل زبالة ~ قلة احترام وكانك صنايعي عندهم ~ محلات قطع غيار قليلة باسعار واقعية خارج التوكيل والقطع بكفاءة شبه معدومة ومش زي الاصلي ~ قليل لتلاقي حد بيفهم في البروتون عموما خارج التوكيل كان عربيتك من كوكب ثاني ~ سعر اعادة بيع قاتل كان عربيتك موديل ٢٠٠٠ وراشة دواخل وعاملة ٢٠٠٠٠٠ كيلو ~ محدش بشكر فيها الا ملاكها مش زي الكيا والهيونداي اللي كل الناس عارفاها وبيشكروا فيها وبينصحوا الناس فيها من دون مايجربوها او يكونوا من ملاكها اساسا ! / انا اسف عالكلام ده كل ده بس لاني مخنوق اول مرة بعترف بالحقيقة بيني وبين نفسي وبحكيها بصراحة كل ده بسبب اخي والدريفت بتاعو وانا كل مابسوق العربية وبسمع الصوت بضربه بس دا مش الحل ولو بقيت اضربه سنة الصوت مش هيروح حد يعرف ازاي الصوت ده يروح هو بيطلع عالطرق الترابية واللي فيها جور ومسببلي ازعاج ولو الصوت بقي العربية دي هتنباع بتمنى تساعدوني
تحياتي للجميع

على فكرة كلامك مضبوط بالفعل هناك مشاكل كثير فى قطع الغيار والتوكيل وحاجات كثير
بس على فكرة هناك حاجة إسمها سوست التيل ممكن تكون خفيفة فبتعمل صوت خبطة الحديد فى حديد
وده حلها بسيط جدا روح عند اى ميكانيكى وسيبك من التوكيل وقوله اكشف على سوسته التيل
وأغلب الظن لازم تتغير أنا عملت كده ومكنتش السوستة موجودة فى التوكيل وملقتش زيها فى السوق
فركبت سوست تيل شاهين وماشية معاى زى الفل

أما بالنسبة للمساعدين هات مساعدين رياضية غالية شوية بس أحسن بكثير وهتتعب شوية لأنها ناشفة بس هترتاح تماما بعد كده ( وهذه المساعدين بتتباع بالليات بتاعتها وإن لقيت المساعدين او الليات قصرت معاك فى إرتفاع السيارة عن الأرض ركب المساعدين الرياضية وطولها عن طريق شرائك لمسمارين تطويل مساعدين نوع نظيف وركب عليها نفس ليات العربية )

وهذه النصائح عن تجربة شخصية بس فى الجين 2