حد يعرف الاقيه فين؟ مش هأعرف اشتريه من أمازون بس محتاج واحد ضروري.
فاتورة الشهر اللي فات 550 جنيه - 1500 ك وات
اللي جاي 2100 ك وات - المحصل قاللي حتيجي حوالي 750-800 :I_angr1[1]:
الكام شهر اللي فاتوا كانت بتيجي مابين 300 و 400
محتاج أعرف الأجهزة بتستهلك كام لوحدها
وشكرا
http://www.amazon.com/P3-Internation.../dp/B00009MDBU
الجهاز ده مش حينفع في مصراقتباس:
designed for use with AC 115-volt appliances
استخدم المعادلة دي لايجاد الاستهلاك التقريبي للاجهزة في الشهر
KW*Hours*days
معلومات اضافية عن شرائح المحاسبة و منها ممكن تحط هدف لاستهلاك الكهرباء و تحاول ترشد لحد ما توصل له
حساب الفواتير
شكرا ليك,اقتباس:
المشاركة الأصلية كتبت بواسطة amahmed
ماهو ده من أسباب إني مش هأعرف أجيبه من أمازون, بس فيه اخوه ينفع عندينا عال 220 بتوعنا
المشكلة في حساب النظري إن التكييف مثلا معنديش فكرة عنه وكتالوجو ضاع, كذلك السخانات والفريزر
روح لمصلحه الكهرباء الى انت تابع فيها وحاول تخلى الموظف يقسط الفاتوره بمعنى المتاخر الى عليك يقسطه على استخدامك الشهرى لانك هتدفع كذا مره ارقام خياليه
حصلت معانا ان الكهرباء جت غاليه كذا مره والدى بعت تلغراف للوزير جولنا لحد البيت يقولو طلباتكم
فيه افوميتر بيبقى فيه clamp تحطه عالسلك يعرف لك الامبير المسحوب كام ... اضربه في 220 يديك الواط ...... سعره تقريبا في حدود 100 او 200 جنيه
اعمل شكوى وخليهم يغيروا العداد
مش فاكر تغير العداد كان ب 220 او حاجه زى كده مش فاكر اوى الرقم بالظبط
لو الفاتوره استمرت زى ماهى يبقى فيه حاجه غلط عندك حد سارق منك وصله او فيه اجهزه كتير وبتستهلك كهرباء بزياده
عارف قصدك بس أنا أفضل الجهاز عشان بيحسب استهلاك على فترة مش بس الامبير فالوقت اللي باتست فيه.اقتباس:
المشاركة الأصلية كتبت بواسطة أحمد كمال
هو أصله الموضوع غريباقتباس:
المشاركة الأصلية كتبت بواسطة mahamedaraby
أولا أنا تكييف الاوضة اللي باقعد فيها شغال 24/7 والشباك مفتوح - ده بيستهلك
ثانيا الكمبيوتر شغال برده 24/7 بس معظمه بIDLE وساعات بيتلعب عليه = استهلاك حلو من الجرافيك كارد والبروسسير
بره الاوضة,
سخانين شغالين طول الوقت برده وطبعا الأجهزة العادية زي التلاجة إلخ...
يعني الأجهزة مش كتير بس بيشتغلوا طول الوقت
...
القصة إن الإستهلاك متغيرش ..شغالين بالطريقة دي من زمان..مجبناش جهاز جديد أو غيرنا حاجة في نظامنا
كانت الفواتير 150-250 جنيه بس من بداية السنادي دخلنا fel-300 وال 400 وطالع
فـ ماعتقدش إن العداد بايظ اد معتقد إن الكهربة وشرايحها عليت
عشان كده عايز أعرف استهلاك كل حاجة في البيت
إطفي كل السخانات الكهربا و إستبدلها بغاز أول شهر مش هتحس بفرق في الفاتوره تاني شهر هتنزل جامد.اقتباس:
المشاركة الأصلية كتبت بواسطة angeliccore
مفيش غاز في المنطقة للاسف بس شكرا ل اقتراحك :Ta_clap[1]:اقتباس:
المشاركة الأصلية كتبت بواسطة maadi
انا مش عارف اقول لحضرتك ايهاقتباس:
المشاركة الأصلية كتبت بواسطة angeliccore
حضرتك اكيد تعبان في فلوسك مش لاقيها في الشارع
هي فلوسك وانت حر فيها بس انا اسف جدا في اللفظ وياريت ما تزعلشي مني ده تبذير
ليه التكييف يشتغل على طول والشباك كمان مفتوح
وليه السخنات تبقى شغالة على طول
الله يكون في عون حضرتك
:U_thin1[1]::U_thin1[1]::U_thin1[1]::U_thin1[1]::U_thin1[1]::U_thin1[1]::U_thin1[1]:اقتباس:
المشاركة الأصلية كتبت بواسطة AngelicCore
يبقي انت سبب الأحمال الزيادة اللي بتخلي الكهرباء بتقطع كتير الفترة اللي فاتت هههههههههه
بصراحة انا مستغرب من كلام حضرتك و انا اسف اني اقولك ان دا تبذير بس يا ريت ما تزعلش مني
حضرتك ليه مشغل التكييف 24 ساعة معقولة حضرتك موجوود باستمرار في الغرفة !!
و ليه فاتح الشباك و التكييف شغال !!!
و السخانات ليه شغاله طول اليوم ما تحاول تشغلها وقت ما تحب بس و بعد كدا افصلها
و لو انت بتحتاج ميه سخنة باستمرار في البيت ممكن تحسبها صح و تشتري سخانات شمسية و تريخ دماغك من موضوع استهلاك الكهربا
السخان الشمس ممكن يعملوا في حدود 3000 - 4000 بالكتير و لو حسبتها في خلال سنه هتكون استرديت ثمنه عن طريق تقليل فاتورة الكهربا
حاول تستخدم لمبات موفرة و تراجع علي كهربا البيت كلها و برده اطلب من الكهربا انهم ياخدوا العداد يعايروه و يكشفوا عليه ممكن يكون مش سليم
و اخيرا احب اقول حضرتك انت اولي الناس بالفلوس دي انت لو حطيت ال 300 جنيه الزيادة في استهلاك الكهربا في دفتر توفير و لا عملت بيهم جمعية اخر الينة هتلاقي معاك 3000 - 4000 جنيه ممكن تعمل بيهم حاجة زي تطلع عمره او تطلع رحلة او تدرهم للمستقبل او تشتري حاجة نفسك فيها
يا ريت مكونش زعلتك بكلامي و اكون نعديت حدودي في الكلام و لكن يعلم الله اني بقدم نصيحة خالصه لوجهه الكريم
اقتباس:
المشاركة الأصلية كتبت بواسطة abdelaziz-waleed
الظاهر إني ماشرحتيش كفاية,اقتباس:
المشاركة الأصلية كتبت بواسطة mostafabakry
أنا فعلا بقالي فترة طويلة قاعد في البيت, في الاوضة دي بذات
التكيف شغال مع فتح الإزاز عشان لو قفلت الإزاز الاوضة بتبقى عبارة عن ضباب من الدخان - مدخن شره - مش عايز اقول اشبه بالغرزة :brn:
كمان باطفيه لما أقدر بس ده في الشتاء طبعا. صيف آجي اطفيه اموت ملحر في 5 دقايق
السخانات شغالة طول اليوم عشان لو حد احتاج ياخد دش تكون المية السخنة موجودة
البيت كله فيه انوار اللي هي موفرة, وبتطفي لما ماحدش يكون قاعد في أوضة.
السخان الشمسي بتاع حضرتك فكرة حلوة بس غالي جدا.
الحكاية إن الاستخدام متغيرش بس الاستهلاك زاد ومعاه التمن
وموضوع التبذير أنا مش حزعل من حضرتكم لانكم اخواتي وبتحاولوا تساعدوني وانا حاسس بيه عشان كده طالب اشتري الجهاز ده
نرجع للجهاز . هل ممكن الاقيه عند النخيلي أو أمثاله؟
للأسف فيه حاجه غريبه بتحصل
ان المحصل يحط قراءه بسيطه( يا اما كسل يا اما متعمد) طول اشهر الشتاء لان الاستهلاك بسيط و مفيش تكييفات و ييجى يصفى الحساب ف اشهر الصيف و يصفى الموجود فى العداد (طبعا على شريحة حساب اعلى )
و يا ريت تبص فى العداد هتلاقى لسه عليك فلوس يعنى قراءه العداد اكتر من آخر قراءة فى اخر وصل !!
الكشاف اللعين عندي بيفبرك قرايات
الشهر ده - عشان رمضان - كسل ييجي .... و ضرب قراية جابت الفاتورة 230 جنيه
راجعت الفاتورة مع العداد امبارح لقيت العداد لسه ما وصلش للقراية بتاعة الفاتورة اللي هي المفروض يوم 1 سبتمبر يعني من 15 يوم !!!!!!!
حسبي الله و نعم الوكيل فيه ......
حضرتك قصدك أقل :)اقتباس:
المشاركة الأصلية كتبت بواسطة د.أحمد السعيد
سمعت فعلا عن الموضوع ده بس مش ده اللي حصل معايااقتباس:
المشاركة الأصلية كتبت بواسطة د.أحمد السعيد
الراجل لما ييجي يقولي قرا كام وانا ببص عالعداد وقارن كمان الفاتورة جاية مظبوطة
الفكرة كلها إن الإستهلاك زاد مع إن الاستخدام زي ماهو
أنا عندي كذا نظرية:
1 - يا الفريزر أو التلاجة مش بيقفل كويس - فـشغال طول الوقت
لاحظ حاجة..التكيف بيسحب كتير بس إيه اخري بأعمله 25 درجة
الفريزر بيبقى مثلا على -4 و التلاجة على 2 تقريبا
ده معناه بيحتاجوا كمية شغل عليَّ قوي لو في تسرييب أو عزل مش كويس عشان لو فاكرين كان في دراسة بتقول إنك - بنسبة للتكييف - لو عليت درجة الحرارة المطلوبة درجة واحدة حتوفر 10% من التيار ..يعني لو قلت بلاش 24 مئوية خليها 25 كده وفرت 10 %
تطبيق ده للفريزر معناه إنه داير يسحب كهربة للصبح عشان ده مش 25 ولا 24 ده -4 درجة مئوية زي ما قلت والجو حواليه حوالي 36 درجة
عشان كده أنا أول ملقي جهاز زي ده أول حاجة حائسها هو الفريزر الكلب ده! :rfds:
2 - مش لاقي
كده تقليب فعلا ...خليك معاه وهو بيقرا العداد وشوف بيكتب كام في الجهاز بتاعهاقتباس:
المشاركة الأصلية كتبت بواسطة أحمد كمال
في جميع الاحوال أنا دورت على الجهاز ده تاني بس مالقيتش غير النسخة ال 110 فولت فلو حد عنده جهاز زيه بس يكون برده دقيق زيه و ينفع عال 220 ياريت يقولي
في جهاز تايمر 24 ساعة بتوصل فيه السخان بيفصل و يشغل السخان في اوقات محددة
لو ظبطه بشكل مناسب حيفضل السخان فيه مياه ساخنة و في نفس الوقت حتقلل من استهلاك الكهرباء
و الجهاز موجود عند بتوع السخانات و محلات التركيبات الكهربية الكبيرة
الفريش بحوالي 20 جنيه و الديجيتال بحوالي 60 جنيه
و انا لم اجربهم شخصيا
شكرا يا فندم حابص عليهم دولاقتباس:
المشاركة الأصلية كتبت بواسطة amahmed
انا بردو معنديش غاز في المنطقه و مريت بنفس مشكلتك بالظبط بل عاندت مع كل من نبهني لموضوع السخان.اقتباس:
المشاركة الأصلية كتبت بواسطة angeliccore
فاتورتي كانت بتعدي الألف و بقول للناس مليش أي متطلبات كهربيه سوى المكان اللي قاعد فيه يكون بارد (يا ريت لو مثلج) و شوية كمبيوترات...معنديش تلفزيون ولا غاوي إضاءه عاليه و إستخدامي للثلاجه و الغساله و المكنسه شبه معدوم.
لما وصلت الفاتوره في مره لألف و ربعما ئه و حاجه قلت طيب هجرب أطفي السخانات كان عندي أربعه منهم إتنين يكاد لا يستخدموا (واحد لحمام الضيوف و واحد لغرفة الغسيل. و الغساله أصلا بتسخن الميه لوحدها يعني مبتسحبش من السخان. و بغسل في الشهر مره لأني كسول). قلت من باب التجربه مش أكتر طفيت كله و قعدت أول أسبوع مستاء لأني بحب الوضوء و الإستحمام بمياه دافئه. ركبت بعد كده سخانين غاز (تكسير في الحيطه و صداع شراء أنابيب) فقط من أجل إسكات كل من قال لي " إطفي السخان الكهربا".
و أول شهر جت فلوس قرب الألف. يعني نتيجه مش مبهره أوي بس أفضل من الأول.. قالولي أصبر و شوف تاني شهر و بالفعل نزلت ل400 و كان أول شهر أقل عن 500.
السخان الكهربا رغم أنه شكله أليف و ملوش صوت إلا أنه جهاز سهتان قاعد يسحب كهربا و فلوس فإحذر منه حتى لو مش بتستعمله طول ما هو والع يفضل يسخن الميه و لما حرارتها تنخفض و هي مخزونه داخل الحله يرجع يشتغل و يسخنها تاني....كابوس.
أما التكييف فحلال فيه كل قرش فهو إبن حلال و بيتعب لتظبيط الجو الولعه.. بس إبقى إقفل الشباك و باب الغرفه. (حتى لا يطير الدخان)
و عشان يبقى الواحد بردو جاوب طلبك الأصلي وهو وجود بديل لجهاز قياس سحب الطاقه الكهربيه يعمل على 220 فولت إليك الرابط التالي:
UPM Plug-in Energy Meter and Electricity Cost Calculator (EM338)
ولو حبيت تجيب منه صيني و تغرق السوق:
Energy Meter - Energy Meter Manufacturers
بس بردو إطفي السخان :)
هو فيه بس بيتباع فين الله اعلم
لان انا اشتغلت على جهاز ممثل بيسجل ال kwh و كان مع شركة الكهرباء
و فيه حل ارخص تجيب بنسة امبير
و التلاجة و الديب لو شغالين على طول المواتير مش هتستحمل - ربنا يبارك لك فيهم -
انا لو منك هتاكد ان الشرايح مغليتش و اذا كان اطلب تغيير العداد و ياريت لو بديجيتال
انت بتشغل التكييف ةالشباك مفتوح علشان مدخن شره
طيب مفيش جهاز ينقى الهوا افضل من دخان السجاير
كمان
لو خليت سخان واحد بس اللى شغال هيكون اوفر شوية
معاك في كل حاجة قلتها عن التكييف,اقتباس:
المشاركة الأصلية كتبت بواسطة maadi
وفعلا حجرب موضوع السخان ده إن شاء الله
شكرا يا فندماقتباس:
المشاركة الأصلية كتبت بواسطة maadi
ألف شكر حاحاول الاقيه بس معرفش أسأل فيناقتباس:
المشاركة الأصلية كتبت بواسطة maka
جهاز تنقية الهوا في رأيي غالي 700 جنيه +اقتباس:
المشاركة الأصلية كتبت بواسطة a.saad
كمان معرفش بيعمل حاجة ولا متحسش بيه خالص
وانا مش عارف, هل كل الاخوة المدخنين بتقفل الشبابيك والتكيف شغال ولا إيه؟
..أنا مقدرش أعمل كده.