من فضلكم سؤال عن مصاريف التسجيل

**knightmido** · 15-03-2008 04:00 PM

السلام عليكم ورحمة الله وبركاته .. الحمد لله ربنا رزقنى بعربيه لانوس موديل 2000 ... كنت عايز استفسر عن مصاريف التسجيل فى الشهر العقارى ونقل الملكية من فضلكم .. مع تحياتى وشكرى للموقع وكل اعضاؤه الكرام اللى بتشرف بالانتماء اليهم .. دكتور احمد

**Sherif Khalifa** · 15-03-2008 04:07 PM

من سنة و نصف كان نقل الملكية ب 815 جم (فى ناس بتقول المبلغ دا بيقل مع وجود شهادة تفيد بصناعتها فى مصر بس معرفش تفصيل عن الموضوع دة)
و الترخيص و التامين لمدة 3 سنوات بى الاكراميات حوالى 350 جم

معرفش حصل اختلاف فى الاسعار الايام دى ولا لا

**Hossam_Hassan** · 15-03-2008 04:10 PM

- تسجيل الشهر العقارى 705 جنيه لموديل 1999 الكورى، المصرى تقل 155 جنيه، بس لازم شهادة بيانات تثبت انها مصرى، موديل 2000 تقريبا تزيد 30 - 50 جنيه

- ملف الفحص 48 جنيه

- طفاية 100 جنيه

- تأمين اجبارى 3 سنين 221 جنيه

- ضريبة 3 سنين 181 جنيه

**knightmido** · 15-03-2008 04:21 PM

اشكركم جدا جدا يا جماعة ربنا يخليكو ليا دعواتكم معايا ... بالمناسبة هسجل ان شاء الله فى شهر العقارى الجيزة تعرفو حد هناك ممكن يسهل الامور بالاكرامية

**Hossam_Hassan** · 15-03-2008 04:41 PM

لو بطاقتك على الجيزة يبقى التسجيل فى الشهر العقارى اللى فى مرور بين السرايات و مش محتاجة اكرامية، الموضوع هياخد نص ساعة بس انت روح فى وسط الأسبوع و بيشتغلوا من 9 - 12 و من 2 - 4

**knightmido** · 15-03-2008 04:47 PM

معلش يا استاذ حسام .. انا اول مرة اعرف ان فيه شهر عقارى وتسجيل فى مرور بين السرايات انا كنت فاكره اللى فى شارع مراد فى منزل الكوبرى يمين ... ارجوك اكدلى المعلومة .. وشكرا