ضاعف رصيدك ببلاش من فودافون
ضاعف رصيدك ببلاش من فودافون
ده احدث عروض فودافون
ضاعف رصيدك ببلاش وكلم اى نمر فودافون بدون اى شروط
تتصل 8666 ب 10 قروش
طبعا لما جاتلى الرسالة قلبى كالعادة لم يطمئن للعرض ده انا لحد دلوقتى محولتش نظام بالثانية
خصوصا ان فى رمضان ماما بعد ما شحنت جالها رسالة الرصيد المجانى الهدية
وانا اشتركتلها فى نظام بالثانية طير طبعا الرصيد الهدية
يعمل عرض ويضربه ويلغيه بعرض تانى نظام غريب
المهم قولت اتصل بخدمة العملاء عشان اعرف ايه حكاية العرض
واسأل اذا كان لازم تكون على نظام معين
الحمدلله طلع مش بيغير النظام بس وضح لى نقطة
ان العرض ده انت بتشترى باقة بمعنى
لو رصيدك مثلا 50 جنيه وحبيت تشترى باقة ب 20 يعمل ايه بقا
يخصم من رصيدك 20 جنيه ويبقا فى رصيدك 30 جنيه تكلم بيهم اى شبكة او خط ارضى غير فودافون
ويديلك 40 جنيه رصيد تكلم بيهم فودافون خلال شهر 20 بتوعك اللى خصمهم و20 زيهم مضاعفة الرصيد
وطبعا سواء استخدمتهم او لا بعدالشهر الرصيد خلاص راح
قولت اقولكم يمكن يكون العرض مناسب لحد منكم
على فكرة لما تتصل عشان تشترك هم بيحددولك الباقات اللى ممكن تشترك فيها يعنى مش كل الناس عندهم اول باقة 20 تتوقف حسب الاستخدام الشخصى