اية رائيكم فى العربيات دىة واسعارها؟؟؟؟؟؟؟

امبارح نزلت اتفرج على 3 عربيات لانوس1 هاقولوكو على حالة العربيات و الاسعار وقولو رائيكم...العربيات كلها 99

اول عربية مش عارف اقول عليها اية
على كلام صاحبها مرفوعة 5 سنين ماشية 55 الف بس مفيهاش غير خبطة فى الباب الشمال وتنك البنزين واخد خبطة وبتفول حاجة وتلاتين بس(معرفش التنك كام اصلا)

العربية لما جيت اتفرج عليها..الصالون...البلاستك الداخلى كلة مفكوك ومكسر ومش راكب على بعضة
كاوتش الباب كلة مقطع ورة و قدام
الشاسية..من برة الصاج كلة مبهدل الابواب الامامية مش فى نفس مستوى الرفارف
الباب الشمال ورة مابيقفلش كويس حتى لو رزعتة
الدواخل ..الشنب كلة مجرح ومدى على اصفر
المنطقة اللى جنب البطارية كلها مصدية
العتب البوية متشالة من على الزواية بتاعتة
دواخل الشنطة مصدية
الموتور صوتة عالى ولازم تسندلة بنزين علشان يدور
عصاية الفتيس سايبة
السعر كام بقة 40.500



تانى عربية كانت نظيفة
(فابريكة برة وجوة ماشية 130الف) تكيف وبور التكيف شغال وتمام الموتور ناعم وبيشد الفبتس مضبوط
بس كان فيها كام حاجة مش عاجبنى
-الفرامل واطية ومشوارها قصير بس بتمسك
-لما ارجع جامد بتعمل صوت زى نحرة كدة وبيروح علطول
-المساعدين خفيفة شوية
-هاتعوز فردتين كاوتش
-عاوزة ترش من برة السقف منقر والبابين اليمين مخبطين والرفرف الشمال ورة فى رد على البارد
السعر 42.000 و ماينزلش جنية

العربية التالتة..كانت لانوس s كاملة
-عدادها 150الف فابريكة دواخل رشة برة ومحتاجة ترش تانى لانها مبهدلة اوى
-الصالون معقول بس الكنبة كانت سايبة(صاحبها بقول عامل البنزينة ضيع الصامولتين بتوعها وهوة بيغسل الفرش) التابلوة وبلاستك القوايم مش راكبين كويس
-التكيف اول ماشغلتة طلع ريحة معفنة وبعد كدة تبريدة اى كلام كنا الساعة 9بليل ولما عملتة على 3 الهويات بتطلع صوت عالى وبردة التبريد اى كلام دة غير ان السير بيعمل نحرة عالية
-الموتور صوتة عالى بس بيسحب لو الطريق عادى اما على المطالع بطة وبتموت (كنا 4فى العربية وطالع كوبرى على التانى جابت 40 وماتت على كدة)
ولما شيلت مقاس الزيت والعربية شغالة طرطشت زيت كتير(دة طبيعى ولا لا)(انا شاكك ان الموتور مفوت)
-عصاية الفتيس سايبة لازم تكون حافظ الحارات وتوصلها للاخر
السعر 38.500

العربية 2و3 لما كنت اطلع جامد بالعربية وانا كاسر الدركسيون بحس زى بيكون العجل بيلق مش ماسكة نفسها لكن فى المشى الطوالى كويسين ومفيش حدفة والريكسيون مش مبوش
وبردة لما اجى اطلع مستقيم بس قارص وش العربية يرفع وبردة احسن ان العجل تحت سايب
مش عارف دة عيب ولا كل الجر الامامى كدة؟؟؟؟؟

سيبك من الثلاث عربيات فيهم شغل و مش متحافظ عليهم انا اتفرجت قبل العيد باسبوع على لانوس 2001 فبريكه بره و جوه و مفيهاش غلطه و عامله 77 الف ك و طالب 43 و اتباعت فى نفس اليوم بالليل بس معرفش على كام
فاصبر و دور اكتر و ان شاء الله ربنا يرزق بحاجه احسن

سيبك من ده كله ليا زميلي في الشغل لسه جايب عربية موديل 2004 لانوس اشتراها ب 39 الف حالتها العامة نضيفة و دواخل سليمة كل اللي عمله غير فرش الصالون شحن التكييف غير الزيت يعني قول حوالي الف فوق 39 بس العربية كويسة جدا

الثلاث عربيات وحشين جدا والعربيه رقم واحد ملعوب فى العداد بتاعها اساسا كمان



ثانيا انت هتدفع 42 الف ممكن تذود شويه وتجيب موديل 2003 او 20004 مثلا وتكون حالتها احسن من الحجات دى

الثلاثة فيهم شغل كتير والسعر مبالغ فية جدا

يا جماعة مش لازم ملعوب فيه ولا حاجة العداد بتاع العربية الأولى
فىناس مش بتمشى بالعربية كتير

التلاتة وحشين اصبر ودور كويس

انا بعت دايو خليجي كاملة اوتوماتيك 98 حدوته علي كده وكانت من سنة فاتت 41000جنية والله ما كان فيها غير قطع في الاكصدام ومحتاجة رش بابين من التجريح ومن جوة متتوصفش الفابريكه بتتكلم وكانت ماشية 80 الف

اقتباس:

---

المشاركة الأصلية كتبت بواسطة dentist2future

يا جماعة مش لازم ملعوب فيه ولا حاجة العداد بتاع العربية الأولى
فىناس مش بتمشى بالعربية كتير

---

لو العربيه واقفه مش بتمشى يا باشا مش هتتهان بالطريقه دى دول 50 الف يعنى مش كتير

ايه يا باشا العربيات ديه سيبك منها ودور شوية اكيد حتلاقي احسن من كدة مليون مرة

سيبك منهم ودور تاني

السلام عليكم
بص يا باشا العربية المستعمله حالة
وكل عربية حالتها هي اللي بتحدد سعرها
المهم انك تشتري عربية متتعبكش وتقرفك وتخليك كل شوية رايح للميكانيكي والهربائي وغيرهم
يبقي حضرتك متستعجلش و تشتري اي عربية وخلاص لا
استني لما تيجي قدامك عربية حالتها تشجعك انك تشتريها ولو مجتش قدامك صبر نفسك وقول لما الفلوس اللي معايا تزيد هجيب حاجه احسن
وان شاء الله ربنا يوفقك لعربية تريحك ومتتعبكش وربنا يوفقك

الصبررررررررررررررر جميل ...............خصوصا في اختيار العربيات

عفوا دول مش عربيات . دول تكاتك

يا راجل واضح من كلامك انك الى حدا ما بتعرف تتفرج بس انت شايف ان اى عربيه فيهم تنفع
اسمع كلام كل الزملا وسيبك من الثلاثه هات واحده مش عايزه شغل شراء العبد ولا تربيته حتى لو كان النظيف غالى المهم انه يكون مش متهان عشان مايهينكش

اقتباس:

---

المشاركة الأصلية كتبت بواسطة magareh

المهم انك تشتري عربية متتعبكش وتقرفك وتخليك كل شوية رايح للميكانيكي والهربائي وغيرهم
يبقي حضرتك متستعجلش و تشتري اي عربية وخلاص لا
استني لما تيجي قدامك عربية حالتها تشجعك انك تشتريها ولو مجتش قدامك صبر نفسك وقول لما الفلوس اللي معايا تزيد هجيب حاجه احسن
وان شاء الله ربنا يوفقك لعربية تريحك ومتتعبكش وربنا يوفقك

---

+111

اولا ..شكرا يا جماعة لكل اللى رد على الموضوع

ثانيا..العربية الاولى دية ملعوب فى عدادها مليون فى المية ..انا حاططها علشان تضحكوا على السعر المطلوب(40.500) لكن لو على الشرا لو ب30 ما تلزمش

العربية التانية حالتها حلوة والحاجات اللى فيها سهل تتظبط بس سعرها عالى وصاحبها ماسك فية

العربية التالتة دية موتورها مفوت لمل شيلت مقاس الزيت والعربية شغالة سلانسية طرطشت زيت كتير


النهاردة اتفرجت على نوبيرا 1 موديل 97 كاملة وabs شغال فابريكة دواخل الصالون كويس والتكيف تمام
اللى ما عجبنيش فيها عاوزة4 مساعدين و فى طقة فى المطبات
اما الموتور -عامل 180الف و فى نتشة مع التكيف لما اجى اسحب
-الrpm لما ادور بيعلى ل1.5 وينزل براحة (بياخد وقت علشان ينزل ل 1)
-السحب على 2.5 بيقى بطة على الرابع والخامس
كانت بتجيب 60 على التانى بrpm 4
و بتجيب 100 بالرابع على rpm 3.5
و120 على الخامس 3.5 اواعلى شوية

بالنسبة للسعر الموديل دة بيعمل كام؟؟؟؟؟؟؟؟؟؟؟؟والموتور ال1500 دة كامتين اية نظامة فى قطع الغيار؟؟؟؟؟؟؟؟؟؟؟؟؟؟

اصبر و متستعجلش وعلى مهلك لأن ال3 عربيات دول كنب مش عربيات
انت بتشترى عربية يبقى بدور على اساس نظيف وحالة صالون مش متهانة ومكنة محترمة .

بالنسبة للنوبيرا 1 اهم حاجة تشوف الحالة العامة للعربية كويس هى عربية كويسة وقطع غيارها كلها موجودة بوفرة .
بس الاول حطها على اسكانر وشوف قرايات الحساسات واعمل اختبار كبس للمكنة عشان تتاكد ولو هتيجى على مساعدين اخصم حقها من السعر بتاعها . على فكرة النوبيرا دى مواصفات اوروبى فيها abs و air bag .
سعرها لو عربي واقعة هتلقيها 35 وتعبانة لو عربية ماسكة نفسها ومش متهانة مش هتزيد عن 42 بأى حال من الاحوال .
وربنا يوفقق .

ايه ال3 مصايب دول
ده خرج التحرش بالسيارات

وميستهلوش 30000 جوند واقل كمان

اقتباس:

---

المشاركة الأصلية كتبت بواسطة zaza_lanos

ايه ال3 مصايب دول
ده خرج التحرش بالسيارات

وميستهلوش 30000 جوند واقل كمان

---

:POINTIy2[2]::POINTIy2[2]::POINTIy2[2]::POINTIy2[2]::POINTIy2[2]::POINTIy2[2]::POINTIy2[2]:
عليك تعليقات في الجون والله يا محمد

اقتباس:

---

المشاركة الأصلية كتبت بواسطة amrnagy

ايه يا باشا العربيات ديه سيبك منها ودور شوية اكيد حتلاقي احسن من كدة مليون مرة

---

انت فى رنج ال 40 وبتدور على عربيات بالشكل ده ؟؟؟
يا راجل شوف لك زيرو- روسى اوصينى وسيبك من الهم ده انت غاوى وقفة صنيعيه ؟؟؟

انا فى راى العربيات الكورى والصينى وحتى بعض انواع اليابانى اخرها 7 او 10 سنين استعمال وبعد كده اقلب

مش اروح اشتريها مستهلك مش مستعمل بالاسعار الهبله دى - هو فى ايه - دى لو كانت مرسيدس ما تعملش كده - للاسف احنا فى مصر بنمشى ورا كلام الصنيعيه - على بال ما فهموا الانوس واتعودوا عليها وانضرب لها قطع غيار كان عدى 10 سنين - ازاى بقى العلام ده يروح فى الارض - يبقى لازم نفهم الزباين انها عربيه مالهاش مثيل - اه لو تسمع كلامهم اول ما طلعت- دى ورق يا بيه - دى بتهنج يا بيه - دى الشاهين برقبتها
نفسى اولع فى صنيعية مصر اللى عملوا قواعد وعرف عكس الدنيا كلها - ما فيش حد يستورد لنا شوية فلبينين على هنود - بقر صحيح بس مش حلنجيه ونصابين زى بتوعنا

3عربيات سيبك منهم

انا رايى كملهم 50 الف و جيب فيرنا 2007 مثلا

أصبر و استنى شوية

اقتباس:

---

المشاركة الأصلية كتبت بواسطة samcar

انت فى رنج ال 40 وبتدور على عربيات بالشكل ده ؟؟؟
يا راجل شوف لك زيرو- روسى اوصينى وسيبك من الهم ده انت غاوى وقفة صنيعيه ؟؟؟

انا فى راى العربيات الكورى والصينى وحتى بعض انواع اليابانى اخرها 7 او 10 سنين استعمال وبعد كده اقلب

مش اروح اشتريها مستهلك مش مستعمل بالاسعار الهبله دى - هو فى ايه - دى لو كانت مرسيدس ما تعملش كده - للاسف احنا فى مصر بنمشى ورا كلام الصنيعيه - على بال ما فهموا الانوس واتعودوا عليها وانضرب لها قطع غيار كان عدى 10 سنين - ازاى بقى العلام ده يروح فى الارض - يبقى لازم نفهم الزباين انها عربيه مالهاش مثيل - اه لو تسمع كلامهم اول ما طلعت- دى ورق يا بيه - دى بتهنج يا بيه - دى الشاهين برقبتها
نفسى اولع فى صنيعية مصر اللى عملوا قواعد وعرف عكس الدنيا كلها - ما فيش حد يستورد لنا شوية فلبينين على هنود - بقر صحيح بس مش حلنجيه ونصابين زى بتوعنا

---

اخي الفاضل لا تستخدم صيغة الجمع عند القائك بالتقصير في فئة معينة لان هذا يصيب الكل بالتقصير مع انه يجوز هناك من هو غير مقصر

ثانياً السيارة ليس لها عمر افتراضي كما زعمت لانه ممكن مع الصيانة الجيدة والقيادة الجيدة السيارة تستمر في الخدمة ولو خمسين عام طالما لم تهينها في الصيانة او القيادة

اقتباس:

---

المشاركة الأصلية كتبت بواسطة tarek_2005

اخي الفاضل لا تستخدم صيغة الجمع عند القائك بالتقصير في فئة معينة لان هذا يصيب الكل بالتقصير مع انه يجوز هناك من هو غير مقصر

ثانياً السيارة ليس لها عمر افتراضي كما زعمت لانه ممكن مع الصيانة الجيدة والقيادة الجيدة السيارة تستمر في الخدمة ولو خمسين عام طالما لم تهينها في الصيانة او القيادة

---

:verygood:

يفضل تستنى شوية وانا برشح ليك موقع كونتاكت كار

خش علية فى قسم اللانوس وشوف المناسب ليك

واتمنى لك تشترى عبية تبسطك