اخـــــــــــر كلام فى النوبيرا الأوتوماتيك

**elshreef_hemo** · 16-09-2010 04:04 AM

يا ريت يا جماعة أصحاب النوبيرا الأوتو بس أو اللى بيفهموا فيها يقولولنا إيه أخبار العربية من ناحية السحب ، التكييف ، الفتيس فى مشاكل والا لأ ؟؟

انا اصلا من هواة المنيوال لإنى بحب الجرى والتغيير، بس هجيب الأوتو علشان والدتى هتسوقها ، يا ترى النوبيرا الأوتو هتخنقنى وهحس بفرق جامد فى السحب؟ وهل فى كيك دون فى الفتيس الأوتو؟ وبيتعمل إزاى ده؟؟

أرجو المشاركة من أصحاب الخبرة والتجربة وياريت المهندس محمود ممدوح يشارك معانا . وأسف للإطالة

**elshreef_hemo** · 16-09-2010 04:10 AM

صحيح نسيت أقولكم ، انا سوقت نوبيرا أوتوماتيك بتاعت واحد قريبى قبل كدة وسحبها معجبنيش خالص ، واحس لما تكون العربية واقفة واجى اتحرك الاقيها زودت بنزين جامد وطالعة بالعافية مش جراية وخفيفة زى المانيوال ، يا ترى دى حالة فردية والا كل النوبيرا كدة؟؟

**M.Zaher** · 16-09-2010 12:44 PM

اعمل سيرش الاول في القسم و لف لفه و انت هاتلاقي المفيد

سحب الاوتوماتيك اقل من المانيوال طبعا
بس لو العربيه كويسه سحبها بيكون حلو و كويس
بس مش زي المانيوال في الجري والسحب
التكييف جيد جدا

الفتيس لو كويس وصاحبه بيحافظ عليه المفروض يعني هاتلاقيه سلس معاك في النقلات و ماتحسش بالنقل خالص
الكيك داون بيتعمل بضغطه فجائيه على البنزين للاخر هاتلاقي العربيه جريت معاك جامد
اما عربيه قريبك دي شكلها حاله فرديه

**alaasal** · 16-09-2010 03:57 PM

و الله انا معايا واحدة و جميلة جدا فى كل حاجة
سحب و تكييف و جرى

**Ahmed Nasser** · 16-09-2010 08:05 PM

اهم حاجة حالة الفتيس اكشف علية الاول عند اى حد محترم
وبعدين اهتم بية غير الزيت فى ميعادة والافضل انك تستخدم بطارية جافة

**elshreef_hemo** · 16-09-2010 08:16 PM

شكرا يا جماعة على الردود
طب هوة الأوتوماتيك بينقل على أر بى ام كام؟؟؟ يعنى فى النيوال مثلا بننقل على 3 لأو 4 والسحب بيبقى حلو ، ولما نكون مريحين العربية اوى بننقل على 2 ، فى الأوتوماتيك بقى ايه؟

**M.Zaher** · 16-09-2010 08:58 PM

المشاركة الأصلية كتبت بواسطة elshreef_hemo

شكرا يا جماعة على الردود
طب هوة الأوتوماتيك بينقل على أر بى ام كام؟؟؟ يعنى فى النيوال مثلا بننقل على 3 لأو 4 والسحب بيبقى حلو ، ولما نكون مريحين العربية اوى بننقل على 2 ، فى الأوتوماتيك بقى ايه؟

في الفتيس اللى فيه سلك كيك داون تقدر تظبطة زي مانت عايز تقدر تخليه 2.5 او 3 براحتك يعني
ومع الكيك داون النقل بيعلى ممكن يكون لحد 5.5 او 6
بس في الفتيس الكهربا لا اعلم اذا كان ينفع تظبطه ولا لاء

**elshreef_hemo** · 17-09-2010 01:37 AM

المشاركة الأصلية كتبت بواسطة m.zaher

في الفتيس اللى فيه سلك كيك داون تقدر تظبطة زي مانت عايز تقدر تخليه 2.5 او 3 براحتك يعني
ومع الكيك داون النقل بيعلى ممكن يكون لحد 5.5 او 6
بس في الفتيس الكهربا لا اعلم اذا كان ينفع تظبطه ولا لاء

حلوة المعلومة دى جديدة ، طب ازاى اعرف إزا كان الفتيس فيه سلك كيك داون والا كهربا؟؟
وحكاية ظبطه على أر بى ام معين دى سهلة ممكن أعملها أنا والا عايزة ميكانيكى وفك وتركيب؟؟

المهندس ممدوح أسف على كتابة اسمك غلط ، وأرجو المشاركة

**alaasal** · 17-09-2010 12:11 PM

النوبيرا فيها كيك داون
انا عندى بينقل على 5.5
بس و الله انا بنصحك هاتها يا اما هتندم
عربية محترمة و واسعة و قطع غيلرها مش غالية و ناس كتير فاهماها
و فيها كل حاجة
و عن تجربة خاصة هى احلى من معظم الزيرو بتاع اليومين دول

بس طبعا لازم تكون العربية اللى ناوى عليها نظيفة فى استخدامها

انا مثلا جبتها كاملة 2003 من 6 اشهر كانت مارشتش خااص و فيها شوية حاجات خفيفة فى الصاج كدة

و ناش بتقولى ماعملهاش احسن

لكن هلى و الحمد للة فابريكة

**daewoo99** · 17-09-2010 12:44 PM

السلام عليكم عن تجربة بجد فى الدايو وخصوصا الاتوماتيك نصيحة منى لاتشترى دايو اتوماتيك مهما عملت فية لية فترة معينة ومش حتلاقى سة حتلاقى نفس الموضوع اتوماتيك الدايوو سئ جدا ودى نصيحة منى

الموضوع: اخـــــــــــر كلام فى النوبيرا الأوتوماتيك

LinkBack

أدوات الموضوع

عرض

-

-

-

-

المواضيع المتشابهه

خبراء النوبيرا الاوتوماتيك اخر كلام فى الفتيس

قبل الشراء أرجو الرأى من مالكى النوبيرا الأوتوماتيك

سعر فتيس النوبيرا الأوتوماتيك

أشتري النوبيرا الأتوماتيك وللا الفيرنا الأوتوماتيك

أسباب حرق فتيس النوبيرا الأوتوماتيك وكيف تحميه

الكلمات الدلالية لهذا الموضوع

المفضلات

المفضلات

ضوابط المشاركة