دايهاتسوا سيريون

**ahmed ismail** · 25-04-2007 03:46 AM

صور للدايهاتسوا سيريون

**ahmed ismail** · 25-04-2007 03:48 AM

محتاجين بقى كل اللى يعرف حاجه عن الدايهاتسوا سيريون نكتبها هنا بحيث يبقى الموضوع مرجع شامل لاى حد عايز العربية ديه

**أبو عبدالله** · 26-04-2007 01:56 AM

السلام عليكم ورحمة الله وبركاته

الابعاد :

الطول الكلي : 3600 مم
العرض الكلي : 1665 مم
الارتفاع الكلي : 1550 مم
الطول الدلخلي : 1830 مم
العرض الداخلي : 1400 مم
الارتفاع الداخلي : 1275 مم
قاعدة العجلات : 2430 مم
الارتفاع من الأرض : 150 مم
الاطارات : 175/65 أر 14
أقل قطر الدوران : 9.4 م
وزن السيارة فارغة : 925 كجم ( عادي )
940 كجم ( أوتوماتيك )
سعة صندوق الأمتعة : 225 لتر

المحرك :
المحرك المتوازن سعة 1.3 لتر ( K3-VE )
محرك سيريون سعة 1.3 لتر عالي الكفاءة ينتج خرجاً أقصى مقداره 64 كيلو واط
نوع المحرك : 4 سلندر , 16 صباب , كامة مزدوجه
السعة اللترية : 1298
نسبة الإنضغاط : 10
القدرة القصوي حصان / د.د : 87/6000
أقصى عزم دوران ن-م / د.د : 120/3200
نظام الوقود : حقن ألكتروني
سعة خزان الوقود لتر : 40

معدل استهلاك الوقود ( لتر / 100 كم ) :
5 سرعات عادي : 5.8
4 سرعات أوتوماتيك : 6.4

**ahmed ismail** · 28-04-2007 06:11 PM

سلام عليكم معلهش يا ابو عبد الله

انا عارف انك زهقت من الموضوع ده بس اكتبلنا نبذة كالمة او ريفيو كامل بتاعك عن العربة ديه وتكون مشكور

**أبو عبدالله** · 28-04-2007 11:43 PM

السلام عليكم ورحمة الله وبركاته

انا مش بزهق ان شاء الله ....

ومختصر الموضوع عن العربيه السيريون هي انها عربيه ياباني بمعنى الكلمة .....
يعني العربيه بتحتوي على كفاءة اليابانيين كصناعه وتقفيل وخامات وامكانيات جديدة
كالحجم الداخلي للسياره مش ممكن تتوقعه الا لما تجلس بداخل السيارة فعلا .....
توفير البنزين مع ماتور 1300 مع المحافظة على الاداء العالي والعزم العالي ..... ده نجاح صناعه
العفشة بصراحه والله محترمة جدا وهي تقريبا نفس عفشة الكورولا بالظبط .... النعومة
نوعية الدهان اللي في السيريون بصراحه عاليه جدا ودي بتبان بالنظر والأداء مثال اي حكه بسيطه ممكن مع ملمع بسيط تزول .... وده انا مجربه في الكوري مش كده خالص
نوعية الخامات الداخلية جميلة جدا ... الفرش مثلا من اجود انواع القماش والأسفنج لأن الكراسي تحسسسك بالراحه في الفترات الزمنية الطويلة التي تجلس فيها داخل السيارة
الباوور بتاع العربيه هو هو بتاع الكورولا .... وعن تجربه ..... الخفه
اما على الطريق فاول حاجه ممكن تحسها عالطول ان العربيه فيها ثبات ملاحظ يعني العربيه ثباتها اعلى من العادي لأن كتير في ملفات جامده وعلى سرعات عاليه ممكن تاخد غرزه بكل بساطه ومتحسش ان العربيه هتحدف منك لأ بالعكس العربيه تحس انها لامه نفسها جامد واكتر من تقديرك انت ....

بصراحه والله ومش عشان انا معايا العربيه لأن مش هتفرق لأن لما اشتريت العربيه اشتريتها وانا مقتنع تماما وشوفت العربيات التانيه اللي في سعرها وكان عجبني عربيات تانيه كتير ولكن لما شوفت السيريون وركبتها قبل ما اشتريها قررت ان اشتريها ......
العربيه تحفه وابسط حاجه ممكن اقولها وانا متأكد منها ان مفيش حد هيجيب العربيه دي ويحس لو للحظه انه مش مبسوط منها والله

وعلى فكره مش معنى كلامي ان كل واحد معاه فلوسها يروح يشتريها .... لا
ولكن معنى كلامي ان اللي بيحب التمييز في الصناعه والتقفيل وحريص على الجوده في صناعة السياره وعلى عمرها الأفتراضي وعلى عمر قطع الغيار يبقى انصحه بها لأن ده مش هتلاقي منه كتير كبدائل ليها ... والله الموفق لما يحبه ويرضاه

**عبد الرحمن اسامه** · 02-05-2007 11:15 PM

سلامو عليكم.
انا سائلت واحد صحبى جاب الشاريد، الى العربية واطية و هوا لوحده لو ركب معاه واحد او اكتر بتبئى واطيه اوى و بتخبت فى المطبات.

فانا عايز اسئل هيا السيريون زيها ولا اعلى و لو اعلى تبئا اعلى بئد ايه، و شكرا.

**أبو عبدالله** · 10-05-2007 12:06 PM

لأ السيريون مش واطيه ولا عاليه
ولكن انتعارف زي الكورولا كده بيبقى في سوقه في العربيه من الجنبين هي دي اللي بتتخبط لو انت عديت على مطب ابن حلال كده وانت محمل وغصب عنك اجبك المطب فالسوقه هي اللي بتتخبط وهي جامده جدا اما بطن العربيه بيبقى بعيد عن الموضوع ده

**sh_masry** · 10-05-2007 12:23 PM

أ.عبدالله
ارجو مراجعه ما هو مكتوب من :

معدل استهلاك الوقود ( لتر / 100 كم )

a7'ook
Sherif

**أبو عبدالله** · 10-05-2007 01:37 PM

ما هو لتر لكل 100 كم

5.8 لتر لكل 100 كم مانيوال
6.4 لتر لكل 100 كم اوتوماتيك

**Hosaam** · 20-11-2012 01:36 AM

معجب كتير جدا جدا بتعقيبات الأخ العزيز / الأستاذ أبو عبد الله / على السادة أعضاء المنتدى بخصوص استفسارتهم عن السيارة السيريون , جزاه الله خير الجزاء ، و لى عنده استفساران أود لو تكرم بالرد عليهم ، حيث أننى قد قمت بشراء السيريون موديل 2011 أوتوماتيك زيرو glx من توكيلها المعتمد بالأسكندرية ، و أويد و أضم صوتى لصوت الأستاذ / أبو عبد الله / فى كل ما قاله عن جودة تصنيع السيارة و اتساعها من الداخل وقوة ونعومة الموتور و جودة خاماتها من الداخل والخارج ،،، أما الأستفساران فهما

الأول / تحريك الفتيس بين الأوضاع المختلفة يحتاج الى قوة شديدة و عزم يد شديد وذلك برغم ضغط دواسة الفرامل ورفع مفتاح تأمين الفتيس قبل بدء التحريك ، فهل هذا ماتجده عندك فى سيارتك وما تفسير ذلك ؟ و علما بأنى قد لاحظت أن ذراع الفتيس يتم تحريكه بمنتهى السهولة فى موديلات أخرى مثل الألنترا واللانسر .

الثانى / عند بدء الرجوع للخلف ورفع الرجل من على دواسة الفرامل ببطء يسمع صوت طقطقة أو حشرجة من الدواسة ثم يختفى بعد استمرار الرجوع وكذلك يحدث نفس الصوت عندما يكون الفتيس على وضع ال d مع التقدم للأمام ببطء بالضغط على الفرامل للركن أمام حائط أو رصيف مثلا فيسمع نفس صوت الحشرجة من دواسة الفرامل ، ومع العلم بأن هذا الصوت لايسمع فى أثناء السير العادى بالسيارة وأن فرامل السيارة تعمل بمنتهى الكفاءة و القوة والنعومة فلا أشعر حسب ظنى أن لها ارتباط بهذا الصوت المبين فى الحالتين ، فما تفسير سيادتك لذلك ، وهل تجد هذا فى سيارتك ؟

ملحوظة / السيارة عاملة 2500 كيلومتر حتى تاريخه

أرجو ألا أكون أثقلت عليك أستاذ أبو عبد الله ، وأتمنى لو أجد عند حضرتك أجابات شافية ، وألف شكر

الموضوع: دايهاتسوا سيريون

LinkBack

أدوات الموضوع

عرض

مواصفات السيريون -

-

-

-

-

المواضيع المتشابهه

دايهاتسوا سيريون 2008 1500 cc

دايهاتسوا gran max

توكيل دايهاتسوا

ارتفاع اسعار دايهاتسوا

الكلمات الدلالية لهذا الموضوع

المفضلات

المفضلات

ضوابط المشاركة