المشاركة الأصلية كتبت بواسطة smsm_nabawy
السلام عليكم ،،
أخي الفاضل ،، أنا كان عندي نفس العيب ده ،، و بسببه غيرت كلاكسات كتــــــــيــــــــــــــ ـــــــر :((
المهم كان الكلاكس بيعلق لوحده لما أضغط عليه ،، و كانت لما العربية تسخن بزمر لوحده ،، أو لما أركنها في الشمس ،، و الشمس تضرب في الطارة بتزمر لوحدها ،، أكتشفت بعد كده أن السبب في طارة الدريكسون ،،
المفترض أن زرار الكلاكس ده ،، متوصل بريش في الطارة نفسها ،،
حضرتك لما بتدوس على زرار الكراكس ،، بيكون فيه زي حتة نحاسه كده هي اللي بتلمس لقعر الزرار عند الكبس عليه بأيدك ،، عشان تكمل الدايرة ،، المفروض بيكوت فيه حتة بلاستيكة عازلة بين النحاسة دي ،، و البودي بتاع زرار الكلاكس ،، عشان بيكون فيه حتت نحاس ،، لو لمسة للريشة النحاس اللي قلتلك عليه ،، بتكمل الدايرة مع نفسها ،، ...
و نع الحرارة اللي بتسخت الطارة ،، النحاسة دي بتتمدد ،، و بتوصل أسهل لأي نحاسة جنبها ممكن تلمسلها بسهولة و تكمل الدايرة الكهربية و تزمر الكلاكس ،،
أنا للأسف أكتشفت ده متأخر ،،.... بعد محرقت أربع أجواز كلاكس في اسبوعين :(((
و أضطريت أني أغير الطارة كلها ،، و للأسف غيرتها بواحدة غير الأصلية ،، ألى أن ضقت ذرعاً بلأمر ،و وديت العربية للتوكيل ،، و هما شرحولي كل اللي حصل ،،و عالجها بأنه جاب حتة بلاستيكة "زي الخرطوم كده" بس صغيره ،، يادبوك على قد حتة النحاس أياها و لبسها للنحاسة دي ،، و بكده مبقتش تلمس بسهولة :))
مبقتش تلمس أصلاً ،، إلا لما تضغط ....
من علامات المشكلة دي أنك لما تمشي بالعربية كتير و تسخن منك ممكن تزمر لوحدها ،، أو مع المطبات "و هي سخنة"
و كمان تحس أن الكلاكس عندك بقى خفيف ،، و بيذمر بسهولة "مش خفيف صوتاً أنما الزرار نفسه بقى أسهل في دوسته" ( و ده لما تسخن) ..
أولاً . آآآآسف للأطالة
ثانياً . أرجوا من الله أن اكون أفدتك !!