عندي في اللانوس موديل 2000 s مفيهاش rbm فعاوز اشتري مجموعة العدادات اللي فيها rbm .....ياريت حد يعرف ثمنهم حوالي كام جديد او مستعمل ومنين ........وبالنسبه للتركيب هم نفس الثلاثه سوكيت اللي بيركبو في ظهر العدادات ولا فيه تعديل ...وشكرا
عرض للطباعة
عندي في اللانوس موديل 2000 s مفيهاش rbm فعاوز اشتري مجموعة العدادات اللي فيها rbm .....ياريت حد يعرف ثمنهم حوالي كام جديد او مستعمل ومنين ........وبالنسبه للتركيب هم نفس الثلاثه سوكيت اللي بيركبو في ظهر العدادات ولا فيه تعديل ...وشكرا
اشترى تبلوة فى عداد Rpm انضف من منظر العدادات دة
اعتقد بحوالى 200 جم على ما افتكر من اىحد بتاع استيراد و التركيب معرفش تفصيل عنة فى زملنا محمد ممدوح كان مركب واحد و ممكن يفيدك بتفصيل اكتر
شكرا يا شريف علي الرد ...انا فعلا عاوز مجموعه العدادات الأصلي ...ومنتظر باقي الردود وخصوصا البروفيسور محمد ممدوح
طقم العدادات بحوالى 200 جنية
التركيب بدون اى مشاكل على الاطلاق بالنسبة للتابلوة بس اتاكد انك تجيب عداد بالكيلو مش بالميل
حتعمل وصلة سلك بين السلك الاخضر اللى فى السوكت اليمين للعدادات للبوبينة
و ناحيه البوبينة حتعمل الدايرة الصغيرة دى عشان تقراء لفات الموتور صح
http://www.daewootech.com/forum/viewtopic.php?t=7469
و ان شاء الله النتيجة تبقى زى كدة:
http://www.daewootech.com/forum/viewtopic.php?t=8636
MMamdouh
الف مليون شكر يا محمد ......واجيبهم من الحرفيين ولا تعرف حد مضمون
معلش يا محمد فيه سؤال ثان العمليه دي كلها في الاسلاك الي طالعه من السوكيت الي بيركب في العدادات من ورا ...هوا فيه3 سوكيت راكبين يمين والنص والشمال.....علي اساس ان الشغل كله علي 3 سلوك بس الأخضر والبني والأبيض في رمادي...........امال ايه الي دخل البوبينه في الموضوع( اللي مكانها في صدر العربيه)
السلك الاخضر بيبقى فى السوكيت اليمين بتاع العدادات... حتوصل منة سلك الى السلكين البني والأبيض اللى فى البوبينة من خلال الدايود اللى فى الرسمة
السلك الاخضر بتاع العدادبياخد اشارة من الECU و بالتالى مش حيشتغل العداد الا اذا جبت ECU من عربية كانت نازلة بRPM
عشان تشغال العداد حتقطع طرف السلك الاخضر من السوكيت و تم سلك منة الى السلكتين بتوع البوبينة من خلال الدايود... لو ركبت سلك واحد حتقرى نص قراية فقط و لو ركبت السلكتين من غير دايود العربية حتبطل و ممكن تحرق الECU
MMamdouh
يعني هلاقي السلك الأخضر موجود ف السوكيت الأصلي الي خارج من التابلوه ...والسلكين البيض والرمادي دول برضه طالعين من نفس السوكيت وجاين اصلا من البوبينه....كده تمام
الف شكر يا محمد
ورقم الدايود هو1n4004 من عند اي واح بتاع الكترونيات ....تمام كده يا محمد ؟
محمد باشا ,
يعني طقم العدادات بـ 200 ج + الـ Ecu (من عربية كانت نازلة بrpm) وده بكام ,
و هل بيآخد طقم العدادت القديم ,
و بعدين انا مش فاهم قوي في السلوك اللي بتقولوها دي , يعني انا لازم هحتاج لكهربائي لتغيير طقم العدادت ده ,
فتنصحني بإيه ,
بص يا اكرم...
العدادات ب 200 او 150 لو فاصلت شويتين و كدة... لو اخد منك الطقم القديم حيفطسهولك تماما... يعنى ممكن ياخدة ب 50 جنية
مش حتحتاج ECU لو عملت الدايرة اللى قولتلك عليها
انا معرفش انت ايه امكانياتك فى الفك و التركيب بس بشكل عام الموضوع سهل ولا يتعدى شوية مسامير تتفك و تتركب... انا شرحت لكهربائى قبل كدة ازاى يعمل القصة دى و مفهمش اى حاجة فا غالبا محدش حيفهم القصة... لو زنقت اوى ابقى ركب كل حاجة و اشترى الدايود و ابقى قابلنى اركبهملك
MMamdouh
أستاذ\ محمد انت لما بتشتري العدادات بتاخذ ال3 سوكت ال بيركبوا في العدادات من وراء ولا بتستخدم الاصليين ال راكبيين في العربية (لاني شوفت ال في العربية لقيت السوكت اليمين اسلاكه نقصه سلكيين والسوكت الشمال ناقص سلكيين برضة) يعني حايبقي في اختلاف لواستخدمت الفيش الاصلية مع العدادات الاستيراد ال بهم الrbm
انت بتاخد العدادات فقط بدون السوكيت... توصيل اشارة الRPM بيبقى على السلوك الموجودة بالفعل فى السوكت
MMamdouh
يعني السوكت القديم ال في اللانوسse بيبقي فيه السلك الاخضر ال سيادتك بتوصله بالدائرة ال سيادتك شرحتها قبل كده ال بتتوصل بالبوبينة (يعني بنوصل السوكيت القديم مباشرة بالعدادات الاستيراد والوكيت القديم به السلك الاخضر)اقتباس:
انت بتاخد العدادات فقط بدون السوكيت... توصيل اشارة الRPM بيبقى على السلوك الموجودة بالفعل فى السوكت
اه و لا
التوصيل بيتم فعلا بالسلك الاخضر اللى فى السوكيت الاصلى بس مش بشكل مباشر... لازم دايرة تعديل
راجع اللينكات اللى فى الصفحة الاولى لتوضيح مكونات دائرة التعديل
MMamdouh
أنا فكك التابلوه وشغال دلوقتي فوجئت بأن السوكيت اليمين للعدادات فيه سلك أخضر في بني اول واحد علي اليمين فيه وفي نفس السوكت (السوكت ال علي اليمين برضه) سلك أخضر في بني تاني في أخر السوكت.................. أي أخضر في بني أوصله بالدائرة أنا حيران بينهم ال أثنين أغيثني يا أستاذ/محمد ممدوحاقتباس:
التوصيل بيتم فعلا بالسلك الاخضر اللى فى السوكيت الاصلى بس مش بشكل مباشر... لازم دايرة تعديل
السلك بتاع اشارة الRPM هو السلك الاخضر اللى فى السوكيت اليمين... تحديدا هو اول سلك اخضر من ناحية الشمال
MMamdouh
شكرا جزيلا لك أخي م/محمد ممدوح علي سرعة ردك أنا من فرحتي الشديدة قولت أجرب قبل ما سيادتك ترد عليا وفعلا هوالسلك الاخضر في بني ال هو أول واحد من علي الشمال :k49::k49::k49:وأشتغل أخيرااااااااااااااا عد اد لفات الموتور:k49::k49::k49:أنا مش مصدق نفسي وسعيد جدااااااااا بذللك خصوصا أني قمت بتركيبه وتركيب الدائرة طبقا لتوجيهاتك الفنية الدقيقة فاشكرك من كل قلبي وعقبال كل الاخوة ما يركبوا طقم العدادات مثلي فعلا منتدانا ده بيضم أخوةأفاضل لا يبخلوا بمعلوماتهم ولا خبراتهم عن بعض ربنا يديم الحب والمودة بيننا........... وبناء عليه أنا مستعدأنضم الي الاخ /الخبييييييييييييييييييييي ير/العالمي/المهندس/ محمد ممدوح في مساعدة أي زميل وأخ لنا يريد تركيب طقم العدادات .......... شكرااااااااا جزيلا لكاقتباس:
السلك بتاع اشارة الRPM هو السلك الاخضر اللى فى السوكيت اليمين... تحديدا هو اول سلك اخضر من ناحية الشمال
الله يخليك و الف مبروك
MMamdouh
شرح تفصيلى بالصور لعملية التركيب
http://www.nilemotors.net/Nile/showt...468#post478468
MMamdouh
السلام عليكم
معلش انا عارف إن الموضوع قديم بس أنا كنت عايز أنفذ نفس الفكرة دي في عربيتي
هي فورد فيستا ومفيهاش أر بي إم وانا إشتريت أر بي إم عادي من اللي بيتثبت على التابلوه وبعد ما وصلته إكتشفت إنه بيقرأ نص عدد لفات الموتور الفعلية وبعد البحث عرفت إنه علشان الإسبراتير والبوبينة الإلكتروني نفس الفكرة بتاعة اللانوس كدة بتاخد كهرباء من سلكين خارجين من ال إي سي يو ولما لقيت الموضوع ده قلت كدة 100% وهو ده الحل عندي وحاولت أنفذه فعلا وسألت على الديود عند بتاع الإلكترونيات بس ملقتش ال 1n4004 لقيت 1n5404 والراجل قالي مش هيفرق كتير بي لما جربت الأول أوصل الديود بين السلك اللي كنت واخد منه للأر بي إم لقيته مبقاش يقرأ أصلا
فا مش عارف بقه هل علشان الديود ده أكبر من اللي تم إستخدامه في اللانوس ( ده 3أمبير والتاني 1 أمبير) فالفاقد في التوصيل بردة كان عالي و الكهرباء اللي خارجة منه ماتبقاش منها حاجة علشان تدي إشارة للأر بي إم ؟؟
عموما أنا هدور على الديود نفس اللي كان تم إستخدامه وأجرب تاني ولا ممكن أجيب أقل منه كمان؟
انا دورت على الديود 1n4004 ملقتش لاقيت 1n4007 فجبته وقولت أجرب
بردة موصلش :(
هو 1 أمبير بردة بس الفولت بتاعة أعلى
هحاول تاني أدور على 1n4004
ربنا يسهل وألاقيه وينفع
شكرا بارك الله فيك