أخيرا تخلصت من أسوأ عادة

**Andalus** · 15-03-2008 07:48 PM

ما شاء الله لا قوة إلا بالله

ألف مبروك يا أخي...ده خبر سعيد جدا...ربنا يقويك و يعافي كل

شباب المسلمين من السجاير

فعلا خير عادة ألا تكون لك عادة...خاصة العادات اللي تضر

**Sharky** · 15-03-2008 08:32 PM

الف مبروك يا إسلام
ربنا يديمها عليك نعمة
إن شاء الله تواظب عليها و تحافظ على صحتك و فلوسك

**mohamed ibiza** · 15-03-2008 08:37 PM

mabroooooooooooooooooooooooooooooooooooooooooooooo ooooooooooooooooooooooooooooooooooooooooooook 3o2bal kol al md5nin

IBIIIIIIIIIIIIIIIIIIIIIIIIIIIIIIIIIIZZZZZZZZZZZZZZ ZZZZZZZAAAAAAAAAAAAAAAA FOR EVER

**hamedo0** · 15-03-2008 08:59 PM

الف مبروك يا أستاذ إسلام ربنا يديمها عليك نعمة و عقبال كل المدخنين

**sherif_84** · 15-03-2008 09:24 PM

مبروك يا إسلام باشا ويارب ماترجعلهاش تانى أبداااا وفى نفس الوقت خلى بالك من الأكل يعنى ماتزودتش عن رغيف أو رغيف ونص فى الثلاث وجبات
وربنا يهدى كل المدخنين الى ترك التدخين

**mbluethunder** · 15-03-2008 09:27 PM

ياجــــــــــــــــــــــ ـــــــــــــــــــــــام د يا إسلام يا شاهين

هي ده الإراده الفولاذيه اللي موجوده في كل كائن بشري عاقل بس للأسف نادرا لما تلاقي حد يقدر يحط إيده عليها

الإراده هي الحاجه الوحيده اللي تخلي الإنسان يعمل المستحيل

وخاليك مواظب على التمارين والجيم سواء هنا أو في قطر لما تسافر لأنك بأمانه هاتشعر بإحساس رائع للغايه يختلف عن أي شعور حاسينه قبل كده

ألف مبروك يا باشا وعقبال كل مدخن

الأراده ثم الأراده ثم الأراده

**aif** · 15-03-2008 09:43 PM

الف مبروك
انت كدة اتولدت من جديد ح تلاحظ فرق كبير في كل حاجة في حياتك وح تكتشف انك كنت بتظبط حياتك كلها علي السجاير الملعونة
انا مبطل من 9 سنوات ونصيحتي لك انك اولا خلي نيتك انك مبطلها ابتغاء مرضاة الله قبل كل شيء
وخلي بالك انك في الفترة الاولي ( تمتد الي سنة ) ح يكون بينك وبين الرجوع مجرد نفس واحد ... اوعي تضعف وتقول اشرب تفاحة ولا شيشة او بايب ... كله واحد صدقني
لما تلاقي نفسك ح تضعف استعيذ بالله من الشيطان ومن وسوسة النفس
وحاول تبتعد عن العادات اللي كانت مرتبطة معاك بالتدخين زي شرب القهوة في البلكونة والجلوس مع الاصدقاء علي القهوة
نصيحة اخيرة زي ما الاخوة قالولك خلي بالك من وزنك
والله انا لما باعرف ان حد بطل تدخين باشعر بفرحة كبيرة اوي كاني انا اللي بطلتها
ربنا يوفقك