معلش لو فيها رزالة
أرجو التقييم بين أربع سيارات و هى
هيونداى إلنترا 2010 - هاى لاين
شيفروليه أوبترا أتوماتيك
نيسان صنى سوبر صالون
بروتون برسونا
و أرجو ذكر الأسباب
عرض للطباعة
معلش لو فيها رزالة
أرجو التقييم بين أربع سيارات و هى
هيونداى إلنترا 2010 - هاى لاين
شيفروليه أوبترا أتوماتيك
نيسان صنى سوبر صالون
بروتون برسونا
و أرجو ذكر الأسباب
هل من إجابة ؟
ممنوع كتابة اللغة العربية بالأحرف الانجليزية ومن لم يتوفر لدية لوحة مفاتيح أو نظام تشغيل يدعم اللغة العربية فعلية استخدام أحد المواقع التي تقوم بتحويل الأحرف الانجليزية إلى أحرف عربية
مشرف 12 ب
كلهم اعتماديتهم عالية
الاوبترا و الصنى ارخص قطع غيار عشان الاولى منتشرة و و بيركبلها بعض حاجات النوبيرا و التانية بتتجمع فى مصر
البيرسونا ثبات فظيع زى الجين تو - الاوبترا و الصنى ثباتهم حلو - الالنترا ثباتها وحش جدا (اعرف ناس كتير اتقلبت بيهم على 90 بس الكلام ده موديل 2007 عشان الباور الكهربا مبيفصلش )
طبعا منصور و غبور و عز العرب من اسوأ التوكيلات فى مصر بس غبور احسنهم
معرفش توكيل نيسان اخبارة ايه بس طالما مفيش منه شكوى كتير يبقى كويس
الشكل ديه مسألة اذواق
الاوبترا تحسها كلاسيك و هادية
الالنترا شبابى و هجومية
البيرسونا صراحة بحسها مش لايقة على بعضها (الكلام ده بعيد عن الجين تو بحبها جدا )
الصنى من كلاسيكيات الماضى
ارشحلك 1- الصنى
2- الاوبترا
3- بيرسونا
4- الالنترا
و شوف انت استخدامك ايه للعربية
يعنى عاوز ثبات رهيب و غرز على سرعات يبقى البرسونا
اعتمادية عالية بعيدا عن الشكل يبقى صنى
اعتمادية عالية بس شكلها مقبول يبقى الاوبترا
و مافيهاش رزالة ولا حاجة
ميرسى يا عزيزى
فعلا ما قل و دل
النترا ثم برسونا ثم صنى ثم اوبترا
والسبب ميول شخصى
الالنترا الافضل
أنا لسه بايع أوبترا وحجزت صنى صوبر صالون
عيوب الاوبترا :
- تقريبا عوامل السلامة صفر (airbags,ABS,EBD)
- فقيرة أوى, ايه ده دى حاجة صعبة أوى
يعنى ... دى وجهة نظرى
الالنترا الافضل :verygood:
البرسونا معايا
ثبات عالي - شيك - مش منتشرة اوي - موتور قوي - قطع غيار متوفرة لانها زي الجين 2 - اعتمادية عالية - اعطال تقريبا مفيش - تقفيل متوسط
الالنترا : موتور قوي جدا - عربية جراية اوي - ثباتها متواضع بعد ال 100 - قطع غيار متوفرة جداااا - اعتمادية كويسة جدا جدا - تقفيل جيد الي حد كبير
الصني و الاوبترا معرفش عنهم حاجة :))
" طبعا لو حضرتك استنيت البرسونا اليجانس في شهر 1 2011 ان شاء الله ,, يبقي افضل عربية فيهم علي الاطلاق "
http://farm5.static.flickr.com/4123/...1fc509903c.jpg
http://hahasale.com/index.php/images/32619.jpg
الألنترا أكيد وبعدها الصنى السوبر صالون
النترا خصوصا انها هاى لاين
البرسونا معايا أنا كمان و هى الحقيقة من وجهة نظرى بعد استعمال عدى السنة أحسنهم على الإطلاق للأسباب التالية:
أولا الإلنترا زى ما قاللك باقى الأعضاء ثباتها مش حلو أوى و ده كمان سمعته من واحد عند الجين 2 و والده عنده الإلنترا و ثانيا صاجها ضعيف خاصة مقارنة بالبرسونا بس قطع غيار منتشرة جدا و سعر إإعادة بيع ممتاز.
ثانيا الأوبترا العربية حلوة أوى و الشكوى منها قليلة لولا إن شخص واحد فى منتدى تانى اتكلم عن ثباتها بالمقارنة بالFRV و الجين و قال إنها أقل منهم شوية و ناقشته كتير فى النقطة و واضح إن كلامه كان عن تجربة و برده قطع غيارها منتشرة و رخيصة و سعر إعادة بيعها كويس بس طبعا الشكل كلاسيكى بزيادة.
ثالثا الصنى يابانى على الرغم من تقفيلها فى مصر ماحدش قال ثباتها وحش و صاجها واضح كمان إنه كويس و بشكل عام الشكاوى منها قليلة بس برده الطلب عليها مش كتير يمكن عشان شكلها ضعيف شوية و ما اتغيرش من مدة طويلة أو عدم ثقة فى التقفيل المصرى.
رابعا البرسونا: ماشاء الله ربنا يباركلى فيها ثبات يضاهى الألمانى و صاج قوى جدا عن تجربة الحمد لله و موتور محترم و قطع غيار متوافرة نسبيا و لو أنها الأضعف مقارنة بالعربيات السابقة و برده بالنسبة لسعر إعادة البيع هى الأقل و لكن ده أكيد مش حاجة ثابتة و قابلة للتغير قدام
أما بالنسبة للى يميزها عنهم فهو أولا السعر لأنك ماشاء الله هتاخد الأعلى إمكانيات و الأكتر عوامل أمان بين الأربع عربيات و برده أساسيات ما تقلش عن أى واحد فيهم إذا ما كنتش بتزيد بأقل سعر فيهم كلهم و بمراحل
أما بالنسبة للتوكيلات فأنا بختلف مع أحد الأعضاء السابقين و رأيى إن ترتيبهم نيسان الأول لأنى فعلا ما سمعتش شكاوى تذكر منه و يليه عز العرب أنا بتعامل معاه و شايف بنفسى مستواه و تحسنه الملحوظ و المستمر و يليه منصور ثم أخيرا غبور و ده بناءا على تجارب شخصية كتيرة لأصدقاء معاهم عربيات من التوكيلين
و برده بص على المواضيع دى عن البرسونا ممكن تفرق معاك شوية و بص برده على البرسونا إليجانس أعتقد لما تشوفها هتغير رأيك و تحسمه تماما
http://www.nilemotors.net/Nile/88694-1500-1000-a.html
http://www.nilemotors.net/Nile/165441-20000.html
http://www.nilemotors.net/Nile/149020-a.html
و خليك مع المضوع بتاع الإليجانس ده شوية هتلاقى جواه لينك فيه الصور بتاعتها