الاحتفال بعيد الأم.. مبالغ فيه حبتين؟

**OlaOsman** · 15-03-2008 10:27 PM

المشاركة الأصلية كتبت بواسطة cpt_shawky

طيب بالمناسبة يا علا مقترحاتك ايه بالنسبة للهدايا :)

:D سؤال في محله تمام

طيب للأم و لا للحما؟

**OlaOsman** · 15-03-2008 10:34 PM

هو طبعا ماحدش قال ما نختفلش بعيد الأم.. اليوم ده بالنسبة لي باسميه يوم العرفان.. اعتراف بالجميل لكل أم.. و ليس بالضرورة الأم اللي ولدت و ربت.. انا عن نفسي هاجيب هدية السنة دي لصاحبة الشركة اللي انا باشتغل فيها.. انسانة محترمة فوق الوصف.. مع انها اجنبية و مش بنتكلم مع بعض عربي أصلا.. انما مش محتاجة معاها كلام عشان أعبر لها عن امتناني و حبي ليها و آديني بقالي باشتغل معاها 10 سنين.. يعني دخلت الشركة دي عندي 23 سنة.. و دلوقتي بأت زي أم بالنسبة لي.

كل ده عشان اقول اني مش ضد الاحتفال بعيد الأم او الاعتراف بالجميل لأي ام.. انا ضد الأفورة في اي حاجة.. خصوصا الحاجة اللي ممكن تجرح اكتر ما تفرح.. تصوروا مثلا احساس ام فقدت ابنها او بنتها قريب و ده أول عيد ام يعدي عليها من غير ابنها.. تصوروا اليوم ده هايعدي عليها ازاي و هي سامعة في كل حتة سيد الحبايب يا ضنايا انت :(

معلش يا جماعة قالبهالكوا دراما شوية.. بس مش عارفة ليه بافكر في الناس دي اوي و بازعل عشانهم.

**محمد ابراهيم 1** · 15-03-2008 10:49 PM

المشاركة الأصلية كتبت بواسطة OlaOsman

و الله يا جماعة كل من أدلى بدلوه في الموضوع له وجهة نظر جديرة بالاحترام.. هو يمكن بس انا باتألم اوي لألم الآخرين.. و شايفة ان ما دام النفع الناتيج عن شئ معين لا يوازي الألم المتسبب فيه فالتخفيف منه أفضل.

مفيش أجمل من الإحساس بالآخرين والعمل على عدم جرح مشاعرهم بشكل عام وفى اى موضوع
لأن عدم الإكتراث بالآخرين هو نوع من الأنانيه ليست من شيم الإسلام
قال تعالى ( ويؤثرون على أنفسهم ولو كان بهم خصاصه ) صدق الله العظيم

**mohamed_88sk** · 16-03-2008 10:18 AM

يا جماعة أنا اللي أقصده إن ليه بنبالغ في كده وليه نختص باليوم ده البر هو ممكن حيكون إعتياد التودد لللأم طوال السنه زي ماذكرت يكون أفضل للأم اللي ممكن تحس أنها مش بتذكر إلا في يوم بس واحد من السنة ده اللي أقصده ....
عن نفسي كنت مسافر وعندي 17 سنة الكويت مع والدي بكمل الثانوية العامة هناك والأن أنا بالجامعة 20 سنة طبعا يوم الأم ده كان بيعدي عليا السناتين دول هناك ماأقدرش أوصفلكم إزاي وكمان على والدتي إزاي فعلا إحساس موحش لأن والدتي مكنتش بتيجي هناك غير مرة عشان دراسة أختي الأصغر هنا ... وطبعا أنا الأكبر فتخيل بعد إبن عن أمه اللي هو حياتها إذا جاز التعبير بجد أنا كان ممكن أتنحمل ده لكن هي والله كان تتصل بيا وتبكي وأنا قلبي يتقطع ... عشان كده أقصد ليه نأذي في مشاعر الناس !!! نهدي اللعب شوية الناس فيها اللي مكفيها .. يعني ده أنا وأنا مسافر بالسن ده ... فما بالك بالللي فقد أمه !!!!!

أسف طولت عليكم..

**ceso** · 16-03-2008 10:49 AM

اعياد المسلمين عيدين بس عيد الفطر وعيد الاضحى واتا وامى فاهمين كده كويس بس لانى اتعودت من صغرى اقدم لها هدية -فيما يسمى عيد الام - فلازم كلل 21من شهر مارس المعظم اقدم هديه لاتى باخاف تزعل منى لاتها اتعودت على كده --ولو ربتا اداتا عمر ان شاء الله ها اعلم عيالى من صقرهم ما يكرروش العادة دى مع امهم السيدة حرمى المصون علشان ما تتعودش على كده

**cpt_shawky** · 16-03-2008 11:43 AM

المشاركة الأصلية كتبت بواسطة OlaOsman

:D سؤال في محله تمام

طيب للأم و لا للحما؟

الأم ;) :)

**mohamed_88sk** · 16-03-2008 01:36 PM

ceso اعياد المسلمين عيدين بس عيد الفطر وعيد الاضحى واتا وامى فاهمين كده كويس بس لانى اتعودت من صغرى اقدم لها هدية -فيما يسمى عيد الام - فلازم كلل 21من شهر مارس المعظم اقدم هديه لاتى باخاف تزعل منى لاتها اتعودت على كده --ولو ربتا اداتا عمر ان شاء الله ها اعلم عيالى من صقرهم ما يكرروش العادة دى مع امهم السيدة حرمى المصون علشان ما تتعودش على كده

ههههههههههههههههههههه ربنا يخليك ليهم ويخليهم ليك ....

والدتي النهارده قولتلها بقولك ايه عشان متعمليش فيها زعلانه تعالي ءأكلك فخفاخينا هههههههههههههههه

**OlaOsman** · 16-03-2008 05:58 PM

المشاركة الأصلية كتبت بواسطة cpt_shawky

الأم ;) :)

لا ده السؤال بجد بأه

طيب على كده بأه الأحسن اننا نعمل موضوع منفرد عن اقتراحات هدايا عيد الأم و كل واحد يقول هو هايجيب لوالدته أو حماته ايه

**OlaOsman** · 16-03-2008 09:42 PM

المشاركة الأصلية كتبت بواسطة mohamed_88sk

يا جماعة أنا اللي أقصده إن ليه بنبالغ في كده وليه نختص باليوم ده البر هو ممكن حيكون إعتياد التودد لللأم طوال السنه زي ماذكرت يكون أفضل للأم اللي ممكن تحس أنها مش بتذكر إلا في يوم بس واحد من السنة ده اللي أقصده ....
عن نفسي كنت مسافر وعندي 17 سنة الكويت مع والدي بكمل الثانوية العامة هناك والأن أنا بالجامعة 20 سنة طبعا يوم الأم ده كان بيعدي عليا السناتين دول هناك ماأقدرش أوصفلكم إزاي وكمان على والدتي إزاي فعلا إحساس موحش لأن والدتي مكنتش بتيجي هناك غير مرة عشان دراسة أختي الأصغر هنا ... وطبعا أنا الأكبر فتخيل بعد إبن عن أمه اللي هو حياتها إذا جاز التعبير بجد أنا كان ممكن أتنحمل ده لكن هي والله كان تتصل بيا وتبكي وأنا قلبي يتقطع ... عشان كده أقصد ليه نأذي في مشاعر الناس !!! نهدي اللعب شوية الناس فيها اللي مكفيها .. يعني ده أنا وأنا مسافر بالسن ده ... فما بالك بالللي فقد أمه !!!!!

أسف طولت عليكم..

هو ده بالظبط اللي انا أقصده.

**Noha.M** · 17-03-2008 01:20 AM

بالعكس يا علا يمكن في ناس من زحمة الحياة لما اليوم دة بيجي بيحاولو يعوضوا تقصيرهم بأى شكل من الاشكال و انا مش حاسة اته عيب اننا نهتم باليوم دة زيادة و مش لازك برضه للام بس انا مثلا بهادى امى و مامة خطيبي و خالاتى

عقبال ما ولادى يهادونى:p