الاحتفال بعيد الأم.. مبالغ فيه حبتين؟

طبعا كل سنة و كل أم بكل خير و سعادة و مش في اليوم ده بس.. لأ كل يوم و كل لحظة في السنة :)

انما انا بالاحظ ان الاحتفال بعيد الأم بيكون مبالغ فيه شوية.. طبعا المظاهر كلها عبارة عن ست الحبايب يا حبيبة و تهاني بمناسبة عيد الأم في كل فواصل كل القنوات و الراديو برضه بيبقى كله أغاني عن عيد الأم.. طبعا كل ده كويس.. بس مش شايفين ان الاحتفال بعيد الأم بالطريقة دي مش هايدخل الفرحة على الأمهات و يخلي الأبناء تبر أمهاتهم اكتر ما هايؤلم ناس تانية كتير زي السيدات اللي ما أنجبوش.. الأطفال اليتامى.. الأمهات في دور المسنين.. حتى الشخص البالغ مثلا اللي لسه والدته متوفية و لسه ألم الفراق بيوجعه.. لما الناس دي تلاقي الدنيا كلها حواليهم "بتغني" للأم و هو ده سبب الجرح فليه نحط الملح ع الجرح بالمبالغة اوي كده بالاحتفال بعيد الأم؟ خصوصا ان الاحتفال بيكون بشكل سطحي جدا و هو إعادة الأغاني عن الأم مرارا و تكرارا و عرض فيلم امبراطورية ميم 5 مرات في اليوم ده.. هو الفيلم كله عبارة عن شوية عيال بيتفلسفوا و يقلوا أدبهم على امهم :mad:

يعني.. مجرد وجهة نظر.. :rolleyes:

اقتباس:

---

المشاركة الأصلية كتبت بواسطة OlaOsman

طبعا كل سنة و كل أم بكل خير و سعادة و مش في اليوم ده بس.. لأ كل يوم و كل لحظة في السنة :)

انما انا بالاحظ ان الاحتفال بعيد الأم بيكون مبالغ فيه شوية.. طبعا المظاهر كلها عبارة عن ست الحبايب يا حبيبة و تهاني بمناسبة عيد الأم في كل فواصل كل القنوات و الراديو برضه بيبقى كله أغاني عن عيد الأم.. طبعا كل ده كويس.. بس مش شايفين ان الاحتفال بعيد الأم بالطريقة دي مش هايدخل الفرحة على الأمهات و يخلي الأبناء تبر أمهاتهم اكتر ما هايؤلم ناس تانية كتير زي السيدات اللي ما أنجبوش.. الأطفال اليتامى.. الأمهات في دور المسنين.. حتى الشخص البالغ مثلا اللي لسه والدته متوفية و لسه ألم الفراق بيوجعه.. لما الناس دي تلاقي الدنيا كلها حواليهم "بتغني" للأم و هو ده سبب الجرح فليه نحط الملح ع الجرح بالمبالغة اوي كده بالاحتفال بعيد الأم؟ خصوصا ان الاحتفال بيكون بشكل سطحي جدا و هو إعادة الأغاني عن الأم مرارا و تكرارا و عرض فيلم امبراطورية ميم 5 مرات في اليوم ده.. هو الفيلم كله عبارة عن شوية عيال بيتفلسفوا و يقلوا أدبهم على امهم :mad:

يعني.. مجرد وجهة نظر.. :rolleyes:

---

هو المبالغة في اي شيء غلط بس مبدأيا انا اختلف معاكي في السبب
لو بمبدأك ده يبقى نلغي كل الاعياد .

عيد عند شخص هو عزاء لشخص اخر
بطل عند شخص هو ارهابي عند شخص اخر
كنز عند شخص هي زبالة لشخص اخر

و هكذا ...
انا بتكلم عامة طبعا .
اليتيم ليه يوم سنوي اعتقد .
اما الام المتوفية فدي فعلا صعبة بس ده حال الدنيا .

We move on .....

أنا فعلا مع حضرتك .....وجهة نظر سليمة في رأيي ......حتى لو مش كده دول بيربطو أن الواحد يبر والدته باليوم ده ويهاديها باليوم ده بس طيب فين باقي السنه خلاص مش للأم أ يلازمه غير في اليوم ده !!!! طيب واللي مش معاه يهاديها يبقى كده مش بيحبها ؟؟؟!!! بصراحة شايفها حاجه خايبة في رأيي غير لما يبقى الواحد داخل على أمه بأبتسامه أو بهزار على الأقل أو بهدية طول السنة ده أحسن سواء أعزب أو متزوج ... بس ما شاء الله على إعلامنا الهادف .....

المبالغه فى ككل شىء سيئه طبعا
وكما قيل أن ما زاد عن حده إنقلب الى ضده

وجهة نظر جديرة بالتقدير برغم اختلافى معها

ففى رأييى المتواضع ان حكاية "لازم نبر امنا كل يوم دى" مبتنفعش لأن التكرار يخلق التعود فالملل فالنسيان

لذلك ما المانع ان يكون هناك يوم يتذكر فيه كل منا امه بأى اسلوب بعبر به عن امتنانة لها ، سواء كان هدية او حتى كلمة طيبة

بالمناسبة انا فقدت امى منذ حوالى 16 سنة فى بدايات شبابى(كان عمرى انذاك 20 سنة) وبرغم الفراغ الذى سببه هذا فى حياتى الا اننى لا ارى اننى يحق لى لهذا السبب تحجيم احتفال غيرى

و الله يا جماعة كل من أدلى بدلوه في الموضوع له وجهة نظر جديرة بالاحترام.. هو يمكن بس انا باتألم اوي لألم الآخرين.. و شايفة ان ما دام النفع الناتيج عن شئ معين لا يوازي الألم المتسبب فيه فالتخفيف منه أفضل.

اقتباس:

---

المشاركة الأصلية كتبت بواسطة OlaOsman

طبعا كل سنة و كل أم بكل خير و سعادة و مش في اليوم ده بس.. لأ كل يوم و كل لحظة في السنة :)

انما انا بالاحظ ان الاحتفال بعيد الأم بيكون مبالغ فيه شوية.. طبعا المظاهر كلها عبارة عن ست الحبايب يا حبيبة و تهاني بمناسبة عيد الأم في كل فواصل كل القنوات و الراديو برضه بيبقى كله أغاني عن عيد الأم.. طبعا كل ده كويس.. بس مش شايفين ان الاحتفال بعيد الأم بالطريقة دي مش هايدخل الفرحة على الأمهات و يخلي الأبناء تبر أمهاتهم اكتر ما هايؤلم ناس تانية كتير زي السيدات اللي ما أنجبوش.. الأطفال اليتامى.. الأمهات في دور المسنين.. حتى الشخص البالغ مثلا اللي لسه والدته متوفية و لسه ألم الفراق بيوجعه.. لما الناس دي تلاقي الدنيا كلها حواليهم "بتغني" للأم و هو ده سبب الجرح فليه نحط الملح ع الجرح بالمبالغة اوي كده بالاحتفال بعيد الأم؟ خصوصا ان الاحتفال بيكون بشكل سطحي جدا و هو إعادة الأغاني عن الأم مرارا و تكرارا و عرض فيلم امبراطورية ميم 5 مرات في اليوم ده.. هو الفيلم كله عبارة عن شوية عيال بيتفلسفوا و يقلوا أدبهم على امهم :mad:

يعني.. مجرد وجهة نظر.. :rolleyes:

---

والله يا علا وجه نظرك سليمه لان فعلا في ناس كتير ممكن تكون مجروحه بسبب الموضوع ده .......

وطبعا الاغاني والافلام المكرره ديه ملهاش اي لازمه المفروض نراعي شعور ناس كتير علشان كده انا احترمت وجه نظــــــــــــــرك

للي عايز يحتفل ب والدته مش بيحتفل بيها بالاغاني ولا الافلام مجرد هديه بسيطه ولمه العيله حلويها تكفيها عن الدنيا كلها بس الاعلام

المصــــري بقي هانعمل ايه كل منسبه يعرضو حاجات اتحفــــــظت واتعـــــــــــــــادت 100 مره زي مناسبه 6 اكتوبر هتلاقي بيعرضـو

( الرصاصه لاتزال في جيبي و الطريــــــــــــق الـــــــــي ايلات ) وطبعا كلنا دلوقتي هانقول عملها الوحوش ياريتني كنت معاهم :D

ربنا يتوب علينا بقي من الاعلام المصري

من ارقى الاعياد الاجتماعية عيد الام فى رايى

فى اعياد كتير بناخدها من الغرب مع شوية قيم غريبه علينا منها
*عيد الحب" فالانتين" :الدنيا كلها تبقى قلوب ودباديب (نفسى اعرف ايه علاقة الدبدوب بالحب؟ ومين اللى عمل شكل القلب ده؟ لما خدناه فى خامسه ابتدائى مكنش كده خالص ) و الحلوين اتنين اتنين على الكورنيش امل مصر وقوتها الضاربه
*الكريسماس: كانسان مصرى مسلم عيد لا يعنينى فى شىء و ما علاقتى انا ببابا نويل او شجرة الكريسماس و تزيينها والتلج (انا عمرى ما شفت السما بتمطر تلج )

و فى حاجات مهمه ما بنخدش بالنا منها-وانا اولكم- زى يوم اليتيم و الاعياد القومية

اقتباس:

---

المشاركة الأصلية كتبت بواسطة OlaOsman

طبعا كل سنة و كل أم بكل خير و سعادة و مش في اليوم ده بس.. لأ كل يوم و كل لحظة في السنة :)

انما انا بالاحظ ان الاحتفال بعيد الأم بيكون مبالغ فيه شوية..

---

طيب بالمناسبة يا علا مقترحاتك ايه بالنسبة للهدايا :)

اقتباس:

---

المشاركة الأصلية كتبت بواسطة ams

م*الكريسماس: كانسان مصرى مسلم عيد لا يعنينى فى شىء و ما علاقتى انا ببابا نويل او شجرة الكريسماس و تزيينها والتلج (انا عمرى ما شفت السما بتمطر تلج )

و فى حاجات مهمه ما بنخدش بالنا منها-وانا اولكم- زى يوم اليتيم و الاعياد القومية

---

يا باشا أولا مين اللي قال إن أحنا بنحتفل بالكريسماس في مصر ؟
الكريسماس في يوم 25 ديسمبر للكنيسة الغربية ( الكاثوليك )
و يوم 7 يناير للكنيسة الشرقية ( الأرثوذوكس )
و ما نحتفل به في مصر هو عيد رأس السنة الميلادية ليس أكثر

و أحيانا كثيرا الإعلام المظفر في التليفزيون المصري يطلق كلمة كريسماس على أي عيد قريب من رأس السنة
زي ما البنت طهقوني في عيشتي و يقولولك ميرسي قوي
و ساي .......... و تي في ......... جنتل ........
بلد تفرس و شعب ينقط

اقتباس:

---

المشاركة الأصلية كتبت بواسطة cpt_shawky

طيب بالمناسبة يا علا مقترحاتك ايه بالنسبة للهدايا :)

---

:D سؤال في محله تمام :rolleyes:

طيب للأم و لا للحما؟ :rolleyes:

هو طبعا ماحدش قال ما نختفلش بعيد الأم.. اليوم ده بالنسبة لي باسميه يوم العرفان.. اعتراف بالجميل لكل أم.. و ليس بالضرورة الأم اللي ولدت و ربت.. انا عن نفسي هاجيب هدية السنة دي لصاحبة الشركة اللي انا باشتغل فيها.. انسانة محترمة فوق الوصف.. مع انها اجنبية و مش بنتكلم مع بعض عربي أصلا.. انما مش محتاجة معاها كلام عشان أعبر لها عن امتناني و حبي ليها و آديني بقالي باشتغل معاها 10 سنين.. يعني دخلت الشركة دي عندي 23 سنة.. و دلوقتي بأت زي أم بالنسبة لي.

كل ده عشان اقول اني مش ضد الاحتفال بعيد الأم او الاعتراف بالجميل لأي ام.. انا ضد الأفورة في اي حاجة.. خصوصا الحاجة اللي ممكن تجرح اكتر ما تفرح.. تصوروا مثلا احساس ام فقدت ابنها او بنتها قريب و ده أول عيد ام يعدي عليها من غير ابنها.. تصوروا اليوم ده هايعدي عليها ازاي و هي سامعة في كل حتة سيد الحبايب يا ضنايا انت :(

معلش يا جماعة قالبهالكوا دراما شوية.. بس مش عارفة ليه بافكر في الناس دي اوي و بازعل عشانهم.

اقتباس:

---

المشاركة الأصلية كتبت بواسطة OlaOsman

و الله يا جماعة كل من أدلى بدلوه في الموضوع له وجهة نظر جديرة بالاحترام.. هو يمكن بس انا باتألم اوي لألم الآخرين.. و شايفة ان ما دام النفع الناتيج عن شئ معين لا يوازي الألم المتسبب فيه فالتخفيف منه أفضل.

---

مفيش أجمل من الإحساس بالآخرين والعمل على عدم جرح مشاعرهم بشكل عام وفى اى موضوع
لأن عدم الإكتراث بالآخرين هو نوع من الأنانيه ليست من شيم الإسلام
قال تعالى ( ويؤثرون على أنفسهم ولو كان بهم خصاصه ) صدق الله العظيم

يا جماعة أنا اللي أقصده إن ليه بنبالغ في كده وليه نختص باليوم ده البر هو ممكن حيكون إعتياد التودد لللأم طوال السنه زي ماذكرت يكون أفضل للأم اللي ممكن تحس أنها مش بتذكر إلا في يوم بس واحد من السنة ده اللي أقصده ....
عن نفسي كنت مسافر وعندي 17 سنة الكويت مع والدي بكمل الثانوية العامة هناك والأن أنا بالجامعة 20 سنة طبعا يوم الأم ده كان بيعدي عليا السناتين دول هناك ماأقدرش أوصفلكم إزاي وكمان على والدتي إزاي فعلا إحساس موحش لأن والدتي مكنتش بتيجي هناك غير مرة عشان دراسة أختي الأصغر هنا ... وطبعا أنا الأكبر فتخيل بعد إبن عن أمه اللي هو حياتها إذا جاز التعبير بجد أنا كان ممكن أتنحمل ده لكن هي والله كان تتصل بيا وتبكي وأنا قلبي يتقطع ... عشان كده أقصد ليه نأذي في مشاعر الناس !!! نهدي اللعب شوية الناس فيها اللي مكفيها .. يعني ده أنا وأنا مسافر بالسن ده ... فما بالك بالللي فقد أمه !!!!!

أسف طولت عليكم..

اعياد المسلمين عيدين بس عيد الفطر وعيد الاضحى واتا وامى فاهمين كده كويس بس لانى اتعودت من صغرى اقدم لها هدية -فيما يسمى عيد الام - فلازم كلل 21من شهر مارس المعظم اقدم هديه لاتى باخاف تزعل منى لاتها اتعودت على كده --ولو ربتا اداتا عمر ان شاء الله ها اعلم عيالى من صقرهم ما يكرروش العادة دى مع امهم السيدة حرمى المصون علشان ما تتعودش على كده

اقتباس:

---

المشاركة الأصلية كتبت بواسطة OlaOsman

:D سؤال في محله تمام :rolleyes:

طيب للأم و لا للحما؟ :rolleyes:

---

الأم ;) :)

ceso اعياد المسلمين عيدين بس عيد الفطر وعيد الاضحى واتا وامى فاهمين كده كويس بس لانى اتعودت من صغرى اقدم لها هدية -فيما يسمى عيد الام - فلازم كلل 21من شهر مارس المعظم اقدم هديه لاتى باخاف تزعل منى لاتها اتعودت على كده --ولو ربتا اداتا عمر ان شاء الله ها اعلم عيالى من صقرهم ما يكرروش العادة دى مع امهم السيدة حرمى المصون علشان ما تتعودش على كده

ههههههههههههههههههههه ربنا يخليك ليهم ويخليهم ليك ....

والدتي النهارده قولتلها بقولك ايه عشان متعمليش فيها زعلانه تعالي ءأكلك فخفاخينا هههههههههههههههه

اقتباس:

---

المشاركة الأصلية كتبت بواسطة cpt_shawky

الأم ;) :)

---

لا ده السؤال بجد بأه :rolleyes:

طيب على كده بأه الأحسن اننا نعمل موضوع منفرد عن اقتراحات هدايا عيد الأم و كل واحد يقول هو هايجيب لوالدته أو حماته ايه :rolleyes:

اقتباس:

---

المشاركة الأصلية كتبت بواسطة mohamed_88sk

يا جماعة أنا اللي أقصده إن ليه بنبالغ في كده وليه نختص باليوم ده البر هو ممكن حيكون إعتياد التودد لللأم طوال السنه زي ماذكرت يكون أفضل للأم اللي ممكن تحس أنها مش بتذكر إلا في يوم بس واحد من السنة ده اللي أقصده ....
عن نفسي كنت مسافر وعندي 17 سنة الكويت مع والدي بكمل الثانوية العامة هناك والأن أنا بالجامعة 20 سنة طبعا يوم الأم ده كان بيعدي عليا السناتين دول هناك ماأقدرش أوصفلكم إزاي وكمان على والدتي إزاي فعلا إحساس موحش لأن والدتي مكنتش بتيجي هناك غير مرة عشان دراسة أختي الأصغر هنا ... وطبعا أنا الأكبر فتخيل بعد إبن عن أمه اللي هو حياتها إذا جاز التعبير بجد أنا كان ممكن أتنحمل ده لكن هي والله كان تتصل بيا وتبكي وأنا قلبي يتقطع ... عشان كده أقصد ليه نأذي في مشاعر الناس !!! نهدي اللعب شوية الناس فيها اللي مكفيها .. يعني ده أنا وأنا مسافر بالسن ده ... فما بالك بالللي فقد أمه !!!!!

أسف طولت عليكم..

---

هو ده بالظبط اللي انا أقصده.

بالعكس يا علا يمكن في ناس من زحمة الحياة لما اليوم دة بيجي بيحاولو يعوضوا تقصيرهم بأى شكل من الاشكال و انا مش حاسة اته عيب اننا نهتم باليوم دة زيادة و مش لازك برضه للام بس انا مثلا بهادى امى و مامة خطيبي و خالاتى

عقبال ما ولادى يهادونى:p

اقتباس:

---

المشاركة الأصلية كتبت بواسطة OlaOsman

لا ده السؤال بجد بأه :rolleyes:

طيب على كده بأه الأحسن اننا نعمل موضوع منفرد عن اقتراحات هدايا عيد الأم و كل واحد يقول هو هايجيب لوالدته أو حماته ايه :rolleyes:

---

http://www.nilemotors.net/Nile/showthread.php?t=18233

ابو مالك سبقك في الموضوع ده

بمناسبة عيد الأم :original:

ياااااااااااه ..... الايام بتعدي بسرعه اوي

مر سنه كامله على الموضوع دة !!

مع احترامي لمعظم الارآء انما انا مع رأي الشرع دايما
و شرع الله يخبرنا ان احنا ما عندناش الا عيدين هما الفطر و الاضحي و يوم الجمعة
لان لو اتبعنا تعاليم ديننا الحنيف مش ممكن نزعل امنا في اي يوم في السنة عشان نعبرها عن مشاعرنا في هذا اليوم
ليه نختزل حبنا لامنا في يوم واحد و بكل اسف احنا من كتر اعيادنا التي لم ينزل الله بها من سلطان فقدنا احساسنا بأعيادنا الحقيقية فتجد آراء تقولك ان عيد الفطر و عيد الاضحي دي للاطفال فقط مع ان المفروض ان كل المسلمين يهيصوا و يفرحوا في اعيادهم
و مع ذلك انا ما اقدرش ما اجبش هدية لامي في عيد الام عشان ما تزعلش مني و كمان عشان ما اطلعش انا الوحيد اللي ما احتفلتش بيها انما بصراحة عمري ما جبت هدية يوم 21 دايما بجيب الهدية قبل كده عشان ما اثبتش يوم سنوي احتفل فيه بأمي
بكل اسف اعرف ناس ما بيفتكروش امهم الا في عيد الام
اليوم ده فيه ناس كتير بتقتتل فيه 100 مرة خصوصا اللي فقد امه او زوجته و اطفاله لسه صغيرين
يا ريت نقود حملة ان كل يوم في السنة هو عيد لامي و ابوي و اهلي كلهم و عندنا عيد اسبوعي ممكن نخليه للاحتفال بهذا العيد ...يوم الجمعة المفروض تتجمع فيه العيلة كلها و تحتفل مع بعض لان ده بيزود الروابط اكتر و بيشيع جو حب اسري جميل احنا في اشد الحاجة ليه

محمد فهمي

اقتباس:

---

المشاركة الأصلية كتبت بواسطة borgelharm

مع احترامي لمعظم الارآء انما انا مع رأي الشرع دايما
و شرع الله يخبرنا ان احنا ما عندناش الا عيدين هما الفطر و الاضحي و يوم الجمعة
لان لو اتبعنا تعاليم ديننا الحنيف مش ممكن نزعل امنا في اي يوم في السنة عشان نعبرها عن مشاعرنا في هذا اليوم
ليه نختزل حبنا لامنا في يوم واحد و بكل اسف احنا من كتر اعيادنا التي لم ينزل الله بها من سلطان فقدنا احساسنا بأعيادنا الحقيقية فتجد آراء تقولك ان عيد الفطر و عيد الاضحي دي للاطفال فقط مع ان المفروض ان كل المسلمين يهيصوا و يفرحوا في اعيادهم
و مع ذلك انا ما اقدرش ما اجبش هدية لامي في عيد الام عشان ما تزعلش مني و كمان عشان ما اطلعش انا الوحيد اللي ما احتفلتش بيها انما بصراحة عمري ما جبت هدية يوم 21 دايما بجيب الهدية قبل كده عشان ما اثبتش يوم سنوي احتفل فيه بأمي
بكل اسف اعرف ناس ما بيفتكروش امهم الا في عيد الام
اليوم ده فيه ناس كتير بتقتتل فيه 100 مرة خصوصا اللي فقد امه او زوجته و اطفاله لسه صغيرين
يا ريت نقود حملة ان كل يوم في السنة هو عيد لامي و ابوي و اهلي كلهم و عندنا عيد اسبوعي ممكن نخليه للاحتفال بهذا العيد ...يوم الجمعة المفروض تتجمع فيه العيلة كلها و تحتفل مع بعض لان ده بيزود الروابط اكتر و بيشيع جو حب اسري جميل احنا في اشد الحاجة ليه

محمد فهمي

---

عيد الأم هدفه بر الأم في هذا اليوم وإكرامها، ونحن مأمورون ببر الأم في كل يوم من أيام عمرنا فالجنة تحت أقدامها وقد حث القران على بر الوالدين والإحسان إليهما ولا مانع أن نذكر الناس في هذا العيد ونحثهم على بر الوالدين لننبه العاصي ونعين المتذكر أن يواصل هذا البر والإحسان

واحدة صحبتي والدتها اتوفت من 4 أشهر.. ما تتصوروش كل ما اليوم ده بيقرب حالتها بتبقى عاملة ازاي.

ربنا يصبرها هي و كل من فقد أمه و يعدي اليومين دول على خير.