الموضوع: استشارة عاجلة ارجوكم

شهادة البيانات بتتطلع فى اى وقت وهو ممكن مش عايز يطلعها علشان ميوقفش فى الزحمة

يا جماعة ياريت الى يقول حاجة يبقى متأكد منها انتو كده هتقلقو الراجل
شهادة البيانات مش بتطلع غير لما الرخصة تخلص عشان تجديد الترخيص وكمان الموضف بيسالك عاوز شهادة البيانات ليه يأما للمرور الى هترخص فيه يأما للشهر العقارى الى هتعمل فيه العقد المسجل بس انما لما تكون العربيه رخصتها سارية يبقى البايع بيعمل توكيل او عقد مسجل على طول للبايع (بس المشترى ميمضيش مشترى على العقد) وكمان بيجيب شهادة المخالفات وبس مفيش لابيانات ولا بتاع

اما لو اللرخصة خلصانة فالبيع لازم يتم من خلال عقد مسجل على طول ماينفعش فيها التوكيلات ولازم البايع يكون جايب من المرور التابع له العربية شهادتين بيانات واحدة للشهرالعقارى عشان يبيع بيها والتانية للمرور الى تابع له عنوان المشترى وكمان البايع يدفع الضريبة في مرور العربية وبس

احنا لما اشترينا العربية كان فيها رخصة 8 شهور ورغم كده صاحب العربية طلعلنا شهادة مخالفات ورخصنا علطول (لانوس 2004) حوالى 1600 جنيه شامل التأمين والمرور

ودايما لما تشترى عربية مستعملة متدفعش الفلوس كلها الا بعد ما تاخد شهادة المخالفات

بص يا استاذى الفاضل
علشان تريح دماغك سجل واعمل نقل ملكية على طول ومتستناش لما الرخصة تخلص
لان موضوع التوكيل دة بتظهر فية مشاكل احيانا عند التسجيل
وانت دافع مبلغ وقدرة تمن العربية اعتبر ان تمنها زاد مصاريف التسجيل
وخليك فى السليم

الف شكر ليكوم جميعا .... حقيقى انا سعيد جدا بردودكم .. الحمد لله تم الشرا والتسجيل على خير وربنا سبحانه وتعالى يسر كل الاجراءات ... ناقص على نقل الملكية ان شاء الله خلال يومين ... اشكركم جدا مرة تانية وربنا يجعلنا احبة فى الله