صني هي اللي اخترتك مش انت اللي اخترتها

**Bishoy.Girgis** · 16-09-2010 05:37 PM

موضوع غريب اوي اسمه الصني هي اللي اخترتك مش انت اللي اخترتها

دي حقيقة يا جماعة لازم نعترف بيها كلنا . لأن العربية بالظبط زي عروسة انت بتخترها و بتلاقي فيها الحاجات اللي انت بتتمناها عشان هي اللي هتكون معاك في المستقبل لكن احنا مش بنلاقي بنت كاملة زي ما بالظبط الزوج او الراجل مش بيكون كامل

طيب هنا هنلاقي انك اخترت العربية لكن العربية كمان اكيد هتشوفك و تختارك بالظبط زي العروسة لما تلاقي فيك فعلا زوج الاحلام
فالعربية اختارت فيك انك عملي و انك من الناس اللي بتحافظ علي نفسها و علي غيرها . و انك بتحب الاداء العالي في الاختيار و طبعا رشيد في فلوسك و بتعرف تحط فلوسك في المكان المناسب .. شافت فيك الحكمة المتناهية في الاختيار للون المناسب ليك و لأسرتك عشان تتباهي بيها في كل مكان

طيب انا عملت ليه الموضوع ده عبارة عن استطلاع لكل مميزات الصني .. اكيد في سبب لكن هنعرفوا كلنا بعد اسبوع بالظبط من يوم نزول الموضوع و طبعا لازم كلنا في القسم نشارك في الاستطلاع ده لأن نتيجته هتكون حاجه جميلة اوي لاعضاء القسم
و الكل هيسألني طيب انا عايز اختارهم كلهم هقولك لأ اختار احسن حاجه حبيتها في العربية من اول ماسمعت عنها او شفتها و يكون رأيك و استطلاعك شخصي بدون ما تاخد رأي حد

مع تحياتي لأعضاء صني

**harizy** · 16-09-2010 06:10 PM

أستاذنا العزيز بيشوى:

يسعدنى أن أكون من أوائل من ردوا على هذا الموضوع.

بص ياباشا أنا للى عاجبنى فى العربية حاجات كتير جداً آخرها بصراحة شكلها لأن فيه عربيات كتير أشيك منها.

إنما أهم الحاجات اللى شدتى ليها فعلاً هو أن إمكانيتها المناسبة لسعرها بالضبط يعنى لا بتشترى حاجة غالية من الفلوس اللى دفعتها ولا أقل من قيمة الفلوس إنما بتاخد أمكانيات ووسائل أمان ورفاهية على قد فلوسك. دى حاجة.

الحاجة المهمة جداً بالنسبة لى كمان موضوع التوكيل ومعاملته والتعامل معه؛ بصراحة حاجة تشرف وتحس إنك مناسب عيلة محترمة مربية بنتها وبتسترك وقت الأزمات (هئ هئ هئ هئ )وممكن تشرفك لو احتجت ليها.

أخيراً وليس أخراً عشان ما طولش على حد قطع غيارها موجودة فى السوق وفى التوكيل، وبعدين صيانتها سهلة يعنى موتورها مش معقد أول، وسمعتها فى السوق من زمان من أيام ما كانت داتسون فى السبعينات، وحمالة آسية، ......... يعنى حا اسيب وقت ومكان لغيرى.

**Bishoy.Girgis** · 16-09-2010 06:46 PM

المشاركة الأصلية كتبت بواسطة harizy

الحاجة المهمة جداً بالنسبة لى كمان موضوع التوكيل ومعاملته والتعامل معه؛ بصراحة حاجة تشرف وتحس إنك مناسب عيلة محترمة مربية بنتها وبتسترك وقت الأزمات (هئ هئ هئ هئ )وممكن تشرفك لو احتجت ليها.

.

حضرتك كده فهمت الموضوع 100% و صح الصح لأن فعلا العيلة محترمة جدا جدا و سماههم علي وجوههم فعلا التوكيل أب لكل عربية نيسان ماشية في الشارع .. شكرا استاذ harizy علي المشاركة

**Bishoy.Girgis** · 17-09-2010 10:38 PM

بقي معقول يا جماعة 13 من 77 واحد بس اللي صوتوا في الاستطلاع .. يعني حتي ضغطة الماوس ثقيلة اوي كده ولا الناس مش عارفين يتعاملوا مع الموقع

**Ahmed.TV** · 18-09-2010 02:49 PM

بما انه موضوع للصنى ممكن يا استاذ بيشوى ادخل بعد اذنكم واقول كلمتين واغلس

طبعا فكر اى حد للاختيار اى عربية تبع وتحت اسم شركة نيسان
للاسباب التالية:

1- قوة وسمعة التوكيل العالية واهتمامها باى مشكلة لعملائها واسعادهم وارضائهم دايما

2-قوة مواتير نيسان

3- عربية يابانى ومعمرة فى قطع غيارها

4- برستيج عربيتها كلها وشكلهم الفخم سواء الصنى او التيدا

5- تعدد وسائل الامان مقابل السعر والكماليات المعقولة

6- الانتشار الغير طبيعى لعربيات نيسان

بس كفاية عشان لو كان للتيدا كنت قولت قولت وقولت كتيرررررررررررر اوى

**Bishoy.Girgis** · 20-09-2010 12:12 AM

ينهار ابيض بقي 27 بس صوتوا في الاستطلاع من 137 مشاهدة . فين الانتماء فين النخوة في القسم

**hany_mohamed** · 20-09-2010 09:17 PM

وسائل الامان فى السيارة ممتازة
وربنا بيستر ولازم ناخد بالاسباب
وفيه سبب كمان انا حبيت العربية كتير جدا بعد ما جبتها علشان عرفتنى على ناس محترمين فوق الوصف يجمعهم هذا المنتدى الرائع

**egypt0777** · 21-09-2010 01:23 AM

انا سبب اختيارى للعربية هو المثل العربيى الحكيم

اللى انا اخترعته

اختر توكيلك قبل طريقك

انا سبب اختيارى هو التوكيل و الحمد لله ربنا وفقنى فى اختيارى

-

مشاهدة نتائج الإستطلاع: ليه اخترت صنى

الموضوع: صني هي اللي اخترتك مش انت اللي اخترتها

LinkBack

أدوات الموضوع

عرض

صني هي اللي اخترتك مش انت اللي اخترتها - انشر الموضوع فى :

-

-

-

-

-

المواضيع المتشابهه

لكل الاعضاء اللي عاملين ريجيم والناس اللي بتحافظ علي قوامها موضوع مهم جدا

ياريت مساعده من اللي معاهم كروز أو اللي بيفهموا ميكانيكا كويس

إيه اللي ممكن أستفيده من الكمبيوتر اللي موجود في الفلوانس اللي في دراع المساحات ؟

كل واحد يحكي عن الحادثة بتاعتوا اللي عملها أو كان راكب ورا اللي سايق أو هو اللي شافها

عايز اروح مركز التدريب اللي فـ المعادي اللي جنب القمر الصناعي

الكلمات الدلالية لهذا الموضوع

المفضلات

المفضلات

ضوابط المشاركة