جيتا ولا اوكتافيا a5 موديل 2007 ارجو الرد بسرعة بليز

**rai_uno1** · 15-03-2008 06:56 PM

يا جماعة لو سمحت عاوز رايكم بكل صراحة علشان انا محتار

انا قدامي الجيتا موديل 2007 خليجي مش هاي لاين عاملة 35 الف كيلو وسعرها 156 الف وممكن ينزل شويه

وقدامي اوكتافيا a5 عاملة 60 الف كيلو مش اليجانس بس فيها كماليات كويسه عاملة 152 الف

محتار اشتري اي واحدة فيهم وايه رايكم في الجيتا الخليجي وهل هي احسن ولا الاوكتافيا بس ياريت ردكم بسرعة ارجوكم لاني مستعجل وبجد انتوا احسن منتدي شوفته

ومرسي ليكم

**CryptonX** · 15-03-2008 07:13 PM

الجيتا هي هي الاوكتافيا
نفي الشاسيه و الموتور و الابعاد و التابلوه حتى " يكاد " يكون واحد
بس في مصر سمعة توكيل سكودا احسن من توكيل فولكس و علي ماعتقد قطع غيار الجيتا حتكون اغلي و الجيتا اصعب جدا جدا في البيع .

ففي رأي الشخصي الاوكتافيا حتكون خيار " أذكى " .

و في الاخر السيارتين لا غبار عليهم .

**crazylambada** · 15-03-2008 09:04 PM

انا مع الاستاذ شكري في كلامه

**CryptonX** · 15-03-2008 11:06 PM

حتى التابلوه - 98% متطابق

الجيتا :

الاوكتافيا :

**CryptonX** · 16-03-2008 12:38 AM

[QUOTE=Ahmed Samy;193614]جيتا طبعا
عزل صوت احسن
تسارع افضل "بس مش فرق قوي"
عفشة افضل كثيرا
و حكاية تقيلة في البيع دي يا كريم اسمحلى يعني , العربية بتتباع عادي[/QUOTE

التسارع هو هو علي فكرة لانه نفس الموتور و انا جربت الاتنين ( الElegance , و ال highline (
العفشة هي هي برده

البيع بقى ..
طب انا لحد دلوقتي قريبتي معاه جيتا 2007 Highline كانت جايباها ب 215 علي مااعقتد
السيارة مفيهاش خدش واحد ولسة بكياسها و البلاستيك الداخلي و عاملة 14000 كم

مش عارفة حتى تجيب 170 الف ! ازاي يعني مش تقيلة !
بينما الاوكتافيا الاليجانس بتتباع بخسارة 5- 10 الاف جنيه فقط !

**CryptonX** · 16-03-2008 02:07 AM

[QUOTE=Ahmed Samy;193676]

المشاركة الأصلية كتبت بواسطة CryptonX

فعلا يا كريم التسارع مش فارق كبير (بس الجيتا بتطلع من الأوكتافيا دايما)
اما موضوع البيع :
طبيعي الجيتا تخسر ده كله ليه بقه ؟؟ لأنها 215 تبقى مصري و الخليجي اختها تمام ب 195 في السنة اللي فاتت
و معروف ان العربية اللي كمالياتها عاية قوي بتخسر كتير في اعادة البيع يعني الخليجي تخسر 25-35 الف و اللي هايشتري مش هايفرق معاه مصري و للا خليجي (لأنه بيفطس العربية) فا هايقوللك تمن قليل طبعا - بس تعدي 170 الف طبعا )
و على فكرة الأوكتافيا بتنزل جامد - جاري جايب واحدة اليجانس سودا 29الف كم - بكاام ؟؟؟ 160 الف و هيا اصلا بمية حاجة وتسعين

اما موضوع العفشة ........لأ انما مش معاك لأن هنالك فرق شاسع وواسع و عريض بين الجيتا و الأوكتافيا

انا فاهمك بس الفكرة ان عفشة الاوكتافيا هي عفشة الجيتا فعلا ( مش علشان تجربة او غيره )
الاوكتافيا ما هي الا جيتا بشكل اخر و تقفيل شيكي ! زي الفابيا و البولو ..
بيشتركوا في الشاسيه و العفشة و نظام التعلق م علبة التروس و الموتور و الكومبيوتر .. كل حـــــــاجة حتى التكيف و الايبراجز
علشان كدة انا بقولك زي بعض .