حبيبي الغالي الف حمد لله علي سلامتك
طبعا لما الاخ الاكبر بيغيب عن البيت حاجات كتير بتحصل
يعني البنات تتأخر علي ميعاد الرجوع للبيت وشباب البيت تشرب سجاير علي ((الامه)) بالاسكندراني و يحصل عك كتير بس اطمن طول ما الكبير بتاعنا كان في المنفي كل الاخوات التزموا بالمواعيد وشباب البيت مشربوش سجاير كانو بيشربوا عصير وكان الكل عمال يعد الايام علشان ترجع لنا بالسلامة و دلوقتي الحمد لله الكبير وصل وخلاص مش ناوي يتنفي تاني (( اه ياني ياني ياني مش هاكتب كده تاني )) وبخصوص الامثال هوه انته متعرفش ان الامثال العربية خلاص خلصت من الكتب وانتا في سيشل دي راحت بلاد وجت بلاد وانتا غايب يا خويا والقوافل اصبحت تسير الان في نهار ربنا بالصبح علشان مفيش اي (( بوبي )) يهوهو عليها بالليل عموما احنا كلنا فرحانين انك رجعت لنا بالسلامة فأرجوك لا اضمن لك سلامة البيت لو اتنفيت تاني وبجد سنفقد ثقتنا في البيت الكبير اللي مجمعنا فأرجوا منك وانت الحكيم ان (( تكبر الجيم وتصغر الميم وترفع الشين ))و لا تسأل ليه نصغر وليه نرفع دي من الامثال اللي اتلغت زمان ايام التتار لما اكتسحوا بغداد
وطبعا احنا عارفين انك كنت معنا بعيونك وبقلبك و لا تنام الا لما بتطمن عليينا واحد واحد وهوه ده دور الكبير يا كبير وعاوز اسألك في سرك اوعي حد يسمع((هوه الاسم اللي كنت بتخش بيه في سيشل ايه )) خلاص خلاص امشي يا عفريت محدش سمع حاجه
و الف حمد لله علي السلامه
م.حاتم السباعي
المفضلات