باك سبيس يا نايل موتورزية

**OlaOsman** · 16-09-2010 09:47 PM

إحنا ليه لغة حوارنا تدنت كده؟

إحنا ليه بأه سهل علينا أوي نجرح و نهين و نغلط؟

ليه مش بنستعمل الزرار العجيب اللي في الكيبورد ده اللي اسمه Backspace؟

ليه ممكن نكتب حاجة و احنا عارفين كويس أوي إنها هاتضايق مننا ناس و هاتجرحهم و تعكنن عليهم و مش بنفكر ولا مرة واحدة قبل ما ندوس "إرسل مشاركة" إننا نراجع نفسنا أو نقرا اللي كتبناه و نشوف لو الكلام ده اتقال لنا هانزعل و لا لأ؟

طبعا انا مش عايزة أشير لموضوع معين، و إنما لا يخفى على أحد اللي حاصل في موضوع يخص الزواج و تحول لسجال مؤسف بين الجنسين و تبادل إتهامات و تجريح متبادل و طبعا الكل زعلان.

طيب ليه يا جماعة من الأول نوصل الموضوع للمرحلة دي؟ ليه ما نراجعش نفسنا قبل ما نقول كلام يضايق، و بالتالي اللي اتضايق هايقول هو كمان كلام يضايق و نبدأ في الغلط في بعض و بعدين يضطر المشرفين إنهم يقفلوا الموضوع عشان التجاوزات زادت عن حدها.

أنا لازلت مش عايزة أتكلم عن موضوع بعينه، إنما من الملاحظ في المنتدى في الفترة الأخيرة إن محدش بأه طايق لحد كلمة و لغة الحوار بأه فيها حدة و تحفز غير طبيعيين.

يا ريت يا جماعة نراجع نفسنا و نستغل فرصة إن الكلام هنا ع المنتدى ممكن قبل ما يطلع منك تراجعه بBackspace.. أما في الحياة الواقعية فللاسف مافيش الأوبشن ده و اللي بيطلع منك بتتحاسب عليه، فخلينا نتدرب على ضبط النفس هنا بدل ما نتعامل بنفس الطريقة برة المنتدى و نتمنى ان كل حاجة تطلع من بقنا ينفع يتعمل لها باك سبيس.

**ghada_zaky** · 16-09-2010 11:22 PM

انا معاكى فى ده قوى يا علا
انا كمان بقيت الاحظ ده فى مواضيع كتير قوى فجأة الاقى الكلام اتحول لخناقة كيرة وشوية واحس ان الناس حتضرب بعضها لولا انه مينفعش وكل واحد بيبقى قدام شاشة مش اكتر
مش فاهمة ليه كل ده وعلشان ايه
مفروض الاختلاف فى الراى زى ما كل الناس عارفة لا يفسد للود قضية
وكل واحد تفكيره مريحة وبدل هو مرتاح ومبسوط ليه يبقى الخناق اساسا بدل حياته ومه مريحاه اى كان تفكيره ايه
محدش بيجبر حد انه يمشى بدماغ غير دماغه
فيه كمان جملة حلوة قوى قريتها "تسع اعشار حسن الخلق فى التغافل "

**A7MED_PHARMA** · 17-09-2010 02:37 AM

أحيانا كتير بحس إن المشادات الكلامية
عبارة عن تنفيس لغضب مكبوت...

زي بالظبط الواحد لما يكون سايق عربية..وييجي واحد يكسر عليه
غالبا ..بيطنش وبيمشي
لكن أحيانا
بينزل بالكوريك وعاوز يمسك في أي حد

...
الطبيعة دي موجودة جدا في الذكور
ولما ييجي واحد من طرف الذكور يقول كلمة ..تيجي واحدة من طرف الإناث تاخد الكلام على أعصابها
وتتخيل إن الولد بيقول الكلمة دي لغرض في نفسه(أفضلية الراجل على المرأة مثلا)
وتدخل شمال
وكل واحد يطلع له مؤيدون ومعارضون
وتبقا خناقة

........................
ملحوظة:
معظم أعضاء المنتدى الذكور شباب صغير في السن
والتيستوستيرون بيكون زايد شوية
ياريت يكون المعنى إلي أقصده واضح

**nabaster** · 17-09-2010 03:06 AM

عندك حق

انا قريت معظم الموضوع بتاعك بس فعلا مش قادر اقرا اي حاجه تاني

ولا قادر اشوف قدامي

لان ليا يومين مشوفتش شكل السرير

استني عليا اما انام واصحي

اقرا وارد براحتي لان عندي كلام كتير فعلا

A.Yakout

**A7MED_PHARMA** · 17-09-2010 03:23 AM

المشاركة الأصلية كتبت بواسطة Ahmed Samy

أنا ما قريتش الموضوع لأني شفت عليه من بره أسامي المشاركين كل شوية و عارف اتجاهاتهم و النتيجة

هو قلب بنكد قوي ؟؟؟

**Samah AbdAllah** · 17-09-2010 03:27 AM

كثيرا ما اكتب مشاركات وبعدين اقراها مرة واتنين وفى الاخر اقول بلاش خالص احسن
لما اخد جولة اكون هديت وابقا ارد او مش لازم ونكتفى بالمتابعة

المشاركة الأصلية كتبت بواسطة ahmed samy

أنا ما قريتش الموضوع لأني شفت عليه من بره أسامي المشاركين كل شوية و عارف اتجاهاتهم و النتيجة

هو قلب بنكد قوي ؟؟؟

انا كمان شوفت اسم واحد فى الموضوع
اذا ذكرت المرأة ذكر عدو المرأة

بس انا بحب مشاركاته رغم هجومه الدائم
مش هقول هو مين

بس لقيت مشاركات كتير وكلام كتير اوى ما تابعتش بصراحة

**A7MED_PHARMA** · 17-09-2010 03:51 AM

المشاركة الأصلية كتبت بواسطة baskota

كثيرا ما اكتب مشاركات وبعدين اقراها مرة واتنين وفى الاخر اقول بلاش خالص احسن
لما اخد جولة اكون هديت وابقا ارد او مش لازم ونكتفى بالمتابعة

انا كمان شوفت اسم واحد فى الموضوع
اذا ذكرت المرأة ذكر عدو المرأة

بس انا بحب مشاركاته رغم هجومه الدائم
مش هقول هو مين

بس لقيت مشاركات كتير وكلام كتير اوى ما تابعتش بصراحة

رشدي أباظه في فيلم عدو المرأة..صح؟؟

لما نادية لطفي رحتله والدنيا بتمطر .. وقفت على باب البلكونة
بس هيا صعبت عليه في الأخر ..وسابها تدخل
علشان تعرفوا إن الراجل حنين أهه..مع إنه عدو المرأة

-

-

-

الموضوع: باك سبيس يا نايل موتورزية

LinkBack

أدوات الموضوع

عرض

-

-

-

-

-

المواضيع المتشابهه

عرض نايل هولدنج لاعضاء نايل موتورز

اول راب باسم منتدي نايل موتورز يخص بايكرز نايل موتورز

مقابلة نايل موتورزية فى معرض الأهرام

حملة نايل موتورزية (( متتفرجوش على التليفزيون ))

انقضاضة نايل موتورزية على فورميلا الاهرام

الكلمات الدلالية لهذا الموضوع

المفضلات

المفضلات

ضوابط المشاركة